Mediante Resolución do 12 de setembro de 2018, da Secretaría Xeral da Igualdade, establecéronse as bases reguladoras e convocáronse para o ano 2018 as subvencións destinadas á realización de programas de interese xeral para fins de carácter social dirixidos á promoción da igualdade entre mulleres e homes e de prevención e loita contra a violencia de xénero, con cargo á asignación tributaria do 0,7 % do imposto sobre a renda das persoas físicas.

Segundo o artigo 16.1 das bases reguladoras, por tratarse dun procedemento de concorrencia competitiva e de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, as resolucións destas subvencións serán obxecto de publicación no Diario Oficial de Galicia, a cal producirá os mesmos efectos da notificación.

Unha vez rematada a fase de instrución das solicitudes recibidas na Secretaría Xeral da Igualdade, avaliadas as solicitudes pola comisión de valoración prevista no artigo 13 das bases reguladoras, vista a proposta de resolución formulada polo órgano instrutor e tendo en conta as dispoñibilidades orzamentarias,

RESOLVO:

Primeiro. Conceder as subvencións destinadas á realización de programas de interese xeral para fins de carácter social dirixidos á promoción da igualdade entre mulleres e homes e de prevención e loita contra a violencia de xénero, con cargo á asignación tributaria do 0,7 % do imposto sobre a renda das persoas físicas, que se indican nos anexos I e II pola contía resultante, logo da aplicación do establecido nos artigos 5.d) e 13.2 das bases reguladoras, nas dúas liñas establecidas no artigo 5, e por un importe total de 457.067,82 euros, logo da ampliación de crédito realizada ao abeiro da Resolución do 20 de decembro, con cargo ás aplicacións orzamentarias que se indican a seguir:

Programa	Aplicación orzamentaria	Crédito total
Liña 1. Actuacións no ámbito da promoción da igualdade entre homes e mulleres.	05.11.313B.481.2	227.444,91
Liña 2. Accións de prevención e loita contra a violencia de xénero e apoio ás súas vítimas	05.11.313D.481.0	229.622,91
	Total	457.067,82

Segundo. Excluír e declarar desistidas as solicitudes que se relacionan no anexo III, con indicación da causa específica, por non cumpriren algún dos requisitos establecidos nas referidas bases reguladoras, ou por non cumpriren o requisito de emenda e/ou achega dos documentos preceptivos no prazo establecido.

Terceiro. De acordo co establecido no artigo 17 das bases reguladoras, unha vez notificada a resolución de concesión, a entidade beneficiaria deberá comunicar no prazo de dez días (10) a súa aceptación, e comprometerse a executar o programa ou actuación subvencionada no prazo e nas condicións establecidas na convocatoria. No caso de non comunicar o dito aspecto no prazo indicado, entenderase tacitamente aceptada.

Cuarto. Segundo o artigo 3 das bases reguladoras, estas subvencións son compatibles con outras subvencións, axudas e ingresos ou recursos para a mesma finalidade procedentes de calquera outra Administración ou ente público ou privado, agás aquelas da mesma natureza que sexan outorgadas pola Administración xeral do Estado en virtude das súas competencias e sen prexuízo daqueles gastos que poidan ser imputables ás subvencións que se concedan nos respectivos ámbitos.

Non obstante, estas axudas son incompatibles para o mesmo programa, actuación ou actividade coas subvencións a entidades de iniciativa social sen ánimo de lucro para programas dirixidos a mulleres en situación de especial vulnerabilidade convocadas anualmente pola Secretaría Xeral da Igualdade.

Quinto. De conformidade co artigo 22 das bases reguladoras, o pagamento realizarase dunha soa vez en concepto de anticipado, que se fará efectivo unha vez notificada a resolución de concesión e, en todo caso, na anualidade 2018.

Sexto. A data límite de presentación da documentación xustificativa da realización do programa subvencionado, de acordo co artigo 23 das bases reguladoras, é o 15 de febreiro de 2020.

As actuacións correspondentes aos programas subvencionados xustificaranse a través de conta xustificativa con achega de xustificantes de gasto ou a través de conta xustificativa con achega de informe de auditoría, e coa documentación xustificativa prevista nas bases reguladoras e segundo o establecido no artigo 23.

O período de referencia para o desenvolvemento do programa e para a imputación dos gastos subvencionables é o ano 2019, segundo o establecido no artigo 5.b).

Sétimo. As entidades beneficiarias deberán cumprir, en todo caso, cos requisitos e obrigas exixidos nos artigos 10 e 11 da Lei 9/2007, do 13 de xuño, de subvencións de Galicia, así como coas condicións e obrigas establecidas no artigo 21 das bases reguladoras e demais que resulten exixibles segundo a normativa de aplicación e, en particular, as seguintes:

a) Executar o proxecto, realizar a actividade ou adoptar o comportamento que fundamenta a concesión da subvención e cumprir o seu obxectivo.

b) Xustificar ante o órgano concedente o cumprimento da finalidade da subvención, a realización da actividade ou adopción do comportamento que fundamentou a súa concesión e o seu custo real, de acordo co establecido no artigo 23.

c) Destinar os fondos percibidos ao obxecto concreto para o cal foron concedidos e realizar as actuacións que integran o proxecto subvencionado, segundo o estipulado no artigo 41 do Decreto 11/2009, do 8 de xaneiro.

d) Comunicarlle ao órgano concedente a obtención de subvencións, axudas, ingresos ou recursos que financien as actividades subvencionadas. Esta comunicación deberá efectuarse tan axiña como se coñeza e, en todo caso, con anterioridade á xustificación da aplicación dada aos fondos percibidos.

e) Consentir expresamente a inclusión dos datos relevantes da subvención nos rexistros públicos que proceda, conforme coa disposición adicional do Decreto 132/2006, do 27 de xullo, polo que se regulan os rexistros públicos creados nos artigos 44 e 45 da Lei 7/2005, do 29 de decembro, dos orzamentos xerais da Comunidade Autónoma para o exercicio 2006, e artigo 16 da Lei 9/2007, do 13 de xuño, de subvencións de Galicia.

f) Conservar os documentos xustificativos orixinais da aplicación dos fondos recibidos, incluídos os documentos electrónicos, en canto poidan ser obxecto das actuacións de comprobación e control.

g) Someterse ás actuacións de comprobación que deba efectuar o órgano concedente e ás de control financeiro que corresponden á Intervención Xeral da Comunidade Autónoma en relación coa subvención concedida, ás previstas na lexislación do Tribunal de Contas e do Consello de Contas e achegar canta información lles sexa requirida no exercicio das actuacións anteriores.

h) Incorporar de forma visible no material de difusión dos programas subvencionados o seu financiamento público.

i) Ter subscrito unha póliza de seguro de accidentes e de enfermidade e de responsabilidade civil a favor do persoal voluntario que participe nos programas subvencionados conforme o previsto nos artigos 7.g) e 11.i) da Lei 10/2011, do 28 de novembro, de acción voluntaria.

j) Cumprir coa obriga de subministración de información nos termos establecidos no artigo 4 da Lei 1/2016, do 18 de xaneiro, de transparencia e bo goberno.

k) Calquera outra obriga imposta ás entidades beneficiarias na normativa estatal ou autonómica aplicable, así como nesta resolución.

Oitavo. Esta resolución esgota a vía administrativa e contra ela poderá interpoñerse recurso potestativo de reposición ante a secretaria xeral da Igualdade, no prazo dun mes, contado desde o día seguinte ao desta publicación, de conformidade co establecido nos artigos 112, 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao desta publicación, de acordo co establecido nos artigos 10 e 46 da Lei 29/1998, do 13 de xullo, reguladora da xurisdición contencioso-administrativa.

Disposición derradeira

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 28 de decembro de 2018

Susana López Abella
Secretaria xeral da Igualdade

ANEXO I

Concesións de liña 1. Actuacións no ámbito da promoción da igualdade entre homes e mulleres

Nº expte.	Entidade solicitante	NIF	Puntos	Denominación do programa	Importe solicitado	Importe concesión
23	Cruz Roja Española	Q2866001G	85,75	Acollemento, atención e asesoramento	118.515,64	23.743,71
29	Agrupación de Cáritas Diocesana de Santiago de Compostela, Lugo e Ourense	R1500053B	85,50	Promoción da saúde integral das mulleres en situación de vulnerabilidade	431.034,33	23.743,71
9	Fundación Mujeres	G80974702	85,00	Actívate creando empresas	60.535,69	18.996,94
14	Radio ECCA Fundación Canaria	G35103431	83,50	Muller avanza. Igualdade	28.479,37	8.779,51
20	Fundación Ronsel	G15752660	82,00	Xerentas: empoderamento da muller a través da promoción do autoemprego	59.098,28	17.891,30
12	Fundación Juan Soñador	G24452435	77,75	Itinerarios de empoderamento	75.000,00	21.528,56
34	Fundación Acción Contra el Hambre	G81164105	77,00	Vives Emprende	22.197,76	6.310,34
27	Federación de Asociacións de Persoas Xordas de Galicia (FAXPG)	G15068091	75,75	Empoderamento mulleres xordas	12.753,95	3.566,82
44	ONG Ecos do Sur	G15354483	74,50	Programa Olimpia	28.068,25	7.720,14
16	Fundación Secretariado Gitano	G83117374	73,50	Programa Calí	74.436,66	20.198,89
17	Fundación Érguete-Integración	G36861078	70,50	Achégate	21.871,43	5.692,72
37	Asociación pola Igualdade e a Coeducación (Apico)	G94088549	70,50	Charlas á mocidade para a eliminación de estereotipos de xénero. Mocidade=Igualdad. Apico no rural 2019	15.350,00	3.995,31
25	Red española de entidades por el empleo, Red Araña	G58579806	68,50	Mujer TIC	42.712,12	10.801,77
8	Acadar, Asociación de Mulleres con Discapacidade de Galicia	G70223417	67,00	Aloumiño	27.463,09	6.793,25
30	Fundación Matrix, investigación y desarrollo sostenible	G36984367	66,50	Dalia	14.138,00	3.471,06
7	Fundación Amigos de Galicia	G15859911	64,50	Medrando en igualdade	52.200,00	12.430,35
53	Federación de Mulleres Rurais de Galicia, Fademur-Galicia	G70101647	64,00	Insírea Rural	53.923,69	12.741,27
2	Alume Saúde Mental	G27198977	58,00	Coñecendo a sexualidade das mulleres, promovendo a igualdade	7.000,00	1.498,92
35	Fundación de Solidaridad Amaranta	G84913946	53,50	Érguete muller-achegamento ao medio	14.318,28	2.828,12
5	Alar Galicia	G15775901	47,50	RexenéraTe	56.308,00	9.874,54
19	Asociación Educando en Familia	G27437581	45,00	Muller: «Educa en igualdade»	29.118,65	4.837,68

ANEXO II

Concesións de liña 2. Accións de prevención e loita contra a violencia de xénero e apoio ás súas vítimas

Nº expte.	Entidade solicitante	NIF	Puntos	Denominación do programa	Importe solicitado	Importe concesión
32	Médicos del Mundo	G79408852	90,00	Violencia contra as mulleres e atención	61.504,00	29.405,35
14	Radio ECCA Fundación Canaria	G35103431	83,50	Muller avanza. Violencia Xénero	26.344,45	11.685,74
29	Agrupación de Cáritas Diocesana de Santiago de Compostela, Lugo e Ourense	R1500053B	82,50	Programa Clepsidra	129.176,00	35.857,84
24	Asociación Comisión Católica Española de Migración (ACCEM)	G79963237	80,00	Programa centralizado destinado a prover e mellorar os servizos de atención e protección integral das vítimas de trata con fins de explotación sexual e/ou persoas prostituídas	44.570,90	18.941,83
18	Asociación Amicos	G15747678	75,50	A discapacidade e o mal trato	50.651,04	20.314,95
44	ONG Ecos do Sur	G15354483	74,50	Programa Matriuska	46.931,72	18.573,90
37	Asociación pola igualdade e a coeducación (Apico)	G94088549	62,50	Difusión dos riscos da violencia	11.500,00	3.818,20
17	Fundación Érguete-Integración	G36861078	60,50	Súmate	9.304,76	2.990,48
45	Asociación Faraxa pola abolición da prostitución	G27728658	59,25	Iguala na diferenza en Galicia	31.108,03	9.791,32
25	Red española de entidades por el empleo, Red Araña	G58579806	58,50	Hiedra	30.603,32	9.510,53
30	Fundación Matrix, investigación y desarrollo sostenible	G36984367	56,50	Promuller	60.488,00	18.155,08
38	Asociación Xarela formación e animación	G32261307	55,75	SEFI	49.495,00	14.658,40
8	Acadar Asociación de Mulleres con Discapacidade de Galicia	G70223417	55,00	VI07 Ver para erradicar	25.149,44	7.348,04
40	Aliad Ultreia	G27021120	49,25	Construíndo xuntos/as a igualdade	13.980,00	3.657,58
47	Centro sociocultural artístico e recreativo de Valladares	G36617082	46,50	De nós para nós mesmas	10.381,80	2.564,52
11	Asociación Mujeres en Igualdad de Burela (Bumei)	G27441153	46,00	Enténdote, colle a miña man!	37.500,00	9.163,67
49	Asociación Mirabal	G70312954	45,50	Atención integral e acompañamento	16.500,00	3.988,19
4	Asociación socio-educativa para la educación- ASEDUC	G70067830	45,00	Prevención do amor romántico	9.450,00	2.259,04
15	Federación Provincial de Mulleres Rurais de Ourense	G32237869	45,00	Mundo en violeta	29.024,02	6.938,25

ANEXO III

Solicitudes denegadas e desistidas

Nº expte.	Entidade solicitante	CIF	Liña	Causas de denegación
1	Fundación integra para la discapacidad intelectual	G36880615	1	Non acreditar que está inscrita na área de igualdade do RUEPSS (art. 4.1.a).
3	Unión de asociaciones de mujeres autonómas y emprendedoras -UATAE Mujer	G86223153	1	Non acreditar que está inscrita na área de igualdade do RUEPSS (art. 4.1.a).
6	Instituto galego de xestión para o 3º sector- Igaxes	G15784978	1	Non acreditar que está inscrita na área de igualdade do RUEPSS (art. 4.1.a).
10	Asociación Otro tiempo	G85835908	1	Non acreditar que está inscrita na área de igualdade do RUEPSS (art. 4.1.a).
13	Fundación Anar	G80453731	2	Non acreditar que está inscrita na área de igualdade do RUEPSS (art. 4.1.a).
21	Asociación de mulleres en igualdade de Vigo	G27712306	1	Non acadan a puntuación mínima global (artigo 13)
22	Federación galega de redeiras artesas O Peirao	G15969868	1	Non acadan a puntuación mínima global (artigo 13)
26	Asociación de diagnosticadas de cáncer de mama (Adicam)	G36380301	1	Non acadan a puntuación mínima global (artigo 13)
28	Asociación Edeidades para a integración social e laboral da muller	G27431873	1	Non acadan a puntuación mínima global (artigo 13)
31	Fundación amigos de la barrera	G32321978	2	Non acreditar que está inscrita na área de igualdade do RUEPSS (art. 4.1.a).
33	Asociación ciudadana de lucha contra la droga «Alborada”»	G36624963	1	Non acreditar que está inscrita na área de igualdade do RUEPSS (art. 4.1.a).
35	Fundación de solidaridad Amaranta	G84913946	1	Non acadan a puntuación mínima global (artigo 13)
36	Asociación de empresarias de Galicia	G27826999	1	Non acadan a puntuación mínima global (artigo 13)
39	Fundación taller solidaridade	G83105783	1	Non acreditar que está inscrita na área de igualdade do RUEPSS (art. 4.1.a).
41	Asociación Antonio Noche	G15210388	1	Non presenta documentación completa e básica para a valoración do gasto elixible
42	Ayuda y atención al preso	G15414667	2	Non presenta documentación completa e básica para a valoración do gasto elixible
43	Federación española de mujeres directivas, ejecutivas, profesionales y empresarias (FEDEPE)	G80160211	1	Non acreditar que está inscrita na área de igualdade do RUEPSS (art. 4.1.a).
46	Asociación Érguete	G36642726	1	Non acadan a puntuación mínima global (artigo 13)
47	Centro socultural artístico e recreativo de Valladares	G36617082	1	Non acadan a puntuación mínima global (artigo 13)
48	Lares asociación: unión de residencias y servicios del sector solidario	G89963659	1	Non acreditar que está inscrita na área de igualdade do RUEPSS (art. 4.1.a).
50	Asociación de acción social, educación permanente y de servicios a la juventud y a la mujer Tempus	G15681000	1	Non responder ao requirimento
51	Crea- centro de recursos asociaciones y ayuntamientos	G98615115	1	Non acreditar que está inscrita na área de igualdade do RUEPSS (art. 4.1.a).
52	Natural Ardai: terapia, ocio y formación	G32456097	1,2	Non acreditar que está inscrita na área de igualdade do RUEPSS (art. 4.1.a).