Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen autos número 1057/15 por instancia de Amparo García García contra Celuisma, S.A., Hotel Florida Norte e o Fogasa, sobre procedemento ordinario, nos cales se ditou sentenza o 8 de xaneiro de 2019 que, copiada nos particulares necesarios, di así:
Resolución
Estímase a demanda formulada por Amparo García García fronte á empresa Celusima, S.A. e, en consecuencia, condénase a empresa Celusima, S.A. a aboar á demandante a cantidade de seis mil setecentos noventa e cinco euros con setenta e cinco céntimos de euro (6.795,75 euros).
Notifíquese a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, bastando a manifestación da parte ou do seu avogado, graduado social colexiado ou representante dentro do indicado prazo.
Se o recorrente non goza do beneficio de xustiza gratuíta deberá, no momento de anunciar o recurso, consignar a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña.
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Celuisma, S.A. Hotel Florida Norte expido e asino este edicto.
A Coruña, 15 de xaneiro de 2019
A letrada da Administración de xustiza