De conformidade co disposto no artigo 15.1 da Lei 9/2007, do 13 de xuño, de subvencións de Galicia, e tendo en conta o disposto no artigo 17.1 da Lei 1/2016, do 18 de xaneiro, de transparencia e bo goberno, os órganos administrativos concedentes publicarán no Diario Oficial de Galicia as subvencións concedidas coa expresión da convocatoria, o programa, o beneficiario, a cantidade concedida e a finalidade ou as finalidades da subvención.

Así, de conformidade coa normativa indicada, procédese á seguinte publicación:

Convocatoria: Orde do 30 de abril de 2018 pola que se establecen as bases que rexen as axudas enmarcadas no programa Iniciativa Xove e se procede á súa convocatoria.

Programa: Iniciativa Xove. Subvencións concedidas a entidades xuvenís do ámbito provincial de Lugo, cuxa resolución corresponde á xefa territorial, por delegación da persoa titular da Consellería de Política Social, segundo o disposto na disposición adicional terceira da Orde do 30 de abril de 2018.

Crédito orzamentario: vinte e un mil seiscentos sesenta euros (21.660,00 €), para o ámbito provincial.

Crédito orzamentario total da convocatoria trescentos oitenta e sete mil novecentos cincuenta e cinco euros con cincuenta e catro céntimos (387.955,54 €).

Aplicación orzamentaria: 12.05.313A.481.0.

Código do procedemento: BS306B.

Código de proxecto: 2015 00528.

Finalidade: fomentar e consolidar a participación libre e eficaz da mocidade no desenvolvemento político, social, económico e cultural, así como promover a adecuada utilización do lecer, a calidade de vida e o benestar dos mozos e mozas da nosa Comunidade Autónoma, a través de proxectos integrais e específicos de actuación.

Entidades beneficiarias e contía: as entidades beneficiaras e o importe concedido relaciónanse no anexo á resolución.

Lugo, 28 de febreiro de 2019

María Cristina Abades Martínez
Xefa territorial de Lugo

ANEXO

Número de proxecto	Proxecto	CIF	Entidade beneficiaria	Importe subvención concedida
2018/002-2	Actividades 2018	G27383785	Asociación Xuvenil Tir na N’Og	3.560,00 €
2018/003-2	Programa de lecer e tempo libre	G27202043	Asociación Síndrome de Down Lugo	5.000,00 €
2018/005-2	Actividades para mozos e mozas-Campamento multiaventura	R2701016D	Cáritas Diocesana de Lugo	5.000,00 €
2018/006-2	Espazo de encontro e crecemento no tempo libre	G27013309	Asociación Xuvenil e Cultural Ateibo	3.100,00 €
2018/007-2	Mozos e mozas axedrecistas	G27336353	Asociación Cultural Xaquedrum	5.000,00 €