Mediante a Resolución do 17 de decembro de 2018 que foi publicada no Diario Oficial de Galicia número 6, do 9 de xaneiro, establecéronse as bases reguladoras e convocáronse subvencións para a realización de auditorías enerxéticas, implantación de sistemas de xestión e proxectos de aforro e eficiencia enerxética nas empresas dos sectores industria e servizos para o ano 2019, cofinanciadas polo Fondo Europeo de Desenvolvemento Rexional, no marco do programa operativo Feder-Galicia 2014-2020.
O financiamento da convocatoria correspondese con fondos comunitarios derivados do programa Galicia 2014-2020 Feder nun 80 %.
No transcurso do procedemento administrativo de concesión das axudas, cando xa rematou o prazo de presentación de solicitudes (11.2.2019), nalgunha das epígrafes o número de solicitantes é inferior ao agardado, mentres que noutros o volume de axuda solicitada superou a dispoñibilidade orzamentaria, cómpre facer unha redistribución de fondos entre as distintas epígrafes.
De acordo co disposto no artigo 31 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia (DOG núm. 20, do 29 de xaneiro), cando a contía total máxima das subvencións convocadas se distribúa entre distintos créditos orzamentarios, a alteración da dita distribución non precisará de nova convocatoria pero si das modificacións que procedan no expediente de gasto e da publicación nos mesmos medios que a convocatoria.
Por todo o anterior, coa finalidade de incrementar a eficacia administrativa e a eficiencia na asignación de recursos públicos, maximizando o impulso de proxectos de aforro e eficiencia enerxética atendendo a totalidade das solicitudes en cada unha das epígrafes da convocatoria
RESOLVO:
Primeiro. Modificar o crédito destinado ás subvencións para a realización de auditorías enerxéticas, implantación de sistemas de xestión e proxectos de aforro e eficiencia enerxética nas empresas dos sectores industria e servizos para o ano 2019, cofinanciadas polo Fondo Europeo de Desenvolvemento Rexional, no marco do programa operativo Feder-Galicia 2014-2020, redistribuíndose do seguinte xeito:
Axudas á auditorias enerxéticas, implantación de sistemas de xestión e proxectos de aforro e eficiencia:
Distribución por liña de axuda |
Dotación |
Modificacións |
Dotación |
AE-Auditorías enerxéticas |
100.000,00 |
-85.000,00 |
15.000,00 |
SX-Implantación sistemas de xestión |
100.000,00 |
-100.000,00 |
0,00 |
PAEI-Proxectos de aforro e eficiencia enerxética no sector industrial |
3.064.249,00 |
-165.000,00 |
2.899.249,00 |
PAES-Proxectos de aforro e eficiencia enerxética no sector servizos |
500.000,00 |
350.000,00 |
850.000,00 |
Total |
3.764.249,00 |
0,00 |
3.764.249,00 |
Segundo. A presente modificación, unha vez publicada no Diario Oficial de Galicia, non implicará apertura de prazo para presentar novas solicitudes.
Santiago de Compostela, 9 de maio de 2019
Ángel Bernardo Tahoces
Director do Instituto Enerxético de Galicia