Mediante a Resolución do 21 de decembro de 2018, da Secretaría Xeral da Igualdade (DOG núm. 18, do 25 de xaneiro de 2019), establecéronse as bases reguladoras e convocáronse para o ano 2019 as subvencións a entidades de iniciativa social sen ánimo de lucro para programas dirixidos a mulleres en situación de especial vulnerabilidade.

Segundo o artigo 14.3 das bases reguladoras, por tratarse dun procedemento de concorrencia competitiva e de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, as resolucións destas subvencións serán obxecto de publicación no Diario Oficial de Galicia, a cal producirá os mesmos efectos da notificación.

Unha vez rematada a fase de instrución das solicitudes recibidas na Secretaría Xeral da Igualdade, avaliadas as solicitudes pola comisión de valoración prevista no artigo 12.2 das bases reguladoras, vista a proposta de resolución formulada polo órgano instrutor e tendo en conta as dispoñibilidades orzamentarias,

RESOLVO:

Primeiro. Conceder as subvencións para o desenvolvemento de programas dirixidos a mulleres en situación de especial vulnerabilidade que se indican no anexo I, pola contía resultante logo da aplicación do establecido no artigo 5.8 das bases reguladoras, por un importe total de 908.074,66 euros, con cargo á aplicación orzamentaria que se indica a seguir:

Aplicación	Código proxecto	Importe
05.11.313B.481.2	2015 00142	908.074,66

Estas subvencións están cofinanciadas polo Fondo Social Europeo, nunha porcentaxe do 80 %, a través do programa operativo FSE Galicia 2014-2020, no obxectivo temático 9 «promover a inclusión social, loitar contra a pobreza e calquera forma de discriminación», prioridade de investimento 9.3 «a loita contra toda forma de discriminación e o fomento da igualdade de oportunidades», obxectivo específico 9.3.1 «aumentar a integración socio-laboral das persoas pertencentes aos colectivos máis vulnerables, a través de actuacións que fomenten a igualdade de xénero e a conciliación da vida persoal e laboral, evitando pola súa vez a discriminación múltiple».

Segundo. No anexo II relaciónanse as solicitudes que quedan na lista de espera segundo a orde de puntuación e que, de ser o caso, poderán ser atendidas a través do crédito que quede sen comprometer por producirse algunha renuncia, por modificación nos proxectos inicialmente presentados ou por un incremento do crédito orzamentario dispoñible destinado a estas subvencións. Para estes efectos, poderán realizarse sucesivas propostas de resolución.

Terceiro. Excluír e declarar desistidas as solicitudes que se relacionan no anexo III, con indicación da causa específica, por non cumpriren o requisito de emenda e/ou achega dos documentos preceptivos no prazo establecido, segundo o disposto no artigo 11.1 das bases reguladoras, ou ben por non cumpriren algún dos requisitos establecidos nas referidas bases reguladoras.

Cuarto. De acordo co establecido no artigo 14.4 das bases reguladoras, unha vez notificada a resolución de concesión, a entidade beneficiaria deberá comunicar no prazo de dez (10) días a súa aceptación e comprometerse a executar o programa ou actuación subvencionada no prazo e nas condicións establecidas na convocatoria. No caso de non comunicar o dito aspecto no prazo indicado, entenderase tacitamente aceptada.

Quinto. Informar as entidades beneficiarias de que a aceptación da subvención comunitaria implicará a súa aparición na lista pública de operacións cos nomes dos ou das beneficiarias, no suposto de seren entidades xurídicas, así como a outra información recollida no anexo XII do Regulamento (UE) 1303/2013, en relación co artigo 115.2 da mesma norma xurídica.

Sexto. Segundo o artigo 3 das bases reguladoras, estas subvencións son incompatibles con calquera outra axuda pública para a mesma actuación ou actividade.

Sétimo. De conformidade co artigo 18.2 das bases reguladoras, realizarase un primeiro pagamento do 80 % da contía da subvención concedida, en concepto de pagamento anticipado, que se fará efectivo unha vez notificada a resolución de concesión. O 20 % restante, ou a parte que corresponda, librarase logo da xustificación polas entidades beneficiarias do cumprimento da finalidade para a cal se concedeu a subvención e demais condicións exixidas na Resolución do 21 de decembro de 2018.

Oitavo. A data límite de presentación da documentación xustificativa da realización do programa subvencionado, de acordo co artigo 17.1 das bases reguladoras, é o 10 de outubro de 2019.

As actuacións correspondentes aos programas subvencionados xustificaranse a través das modalidades de custos simplificados previstas nos artigos 67, 68, 68 bis e 68 ter do Regulamento (UE) 1303/2013, modificado polo Regulamento (UE, Euratom) 2018/1046, segundo módulo ou custo unitario por hora efectivamente traballada, calculado sobre o custo directo de persoal máis un 20 % en concepto de gastos directos e indirectos derivados do programa.

O período de referencia para o desenvolvemento do programa e para a imputación dos gastos subvencionables é o comprendido entre o 1 de outubro de 2018 e ata o 30 de setembro de 2019.

Noveno. As entidades beneficiarias deberán cumprir, en todo caso, cos requisitos e obrigas exixidas nos artigos 10 e 11 da Lei 9/2007, do 13 de xuño, de subvencións de Galicia, así como coas condicións e obrigas establecidas no artigo 19 das bases reguladoras e demais que resulten exixibles segundo a normativa de aplicación e, en particular, as seguintes:

– Destinar os fondos percibidos ao obxecto concreto para o cal foron concedidos, executar e acreditar a realización do programa, actuacións e actividades que fundamentan a concesión da subvención dentro do período e prazos establecidos na Resolución do 21 de decembro de 2018, así como o cumprimento dos requisitos, condicións e obrigas que resultan da normativa de aplicación.

– Manter unha pista de auditoría suficiente, dispoñer dos libros contables, rexistros dilixenciados e demais documentos debidamente auditados nos termos exixidos pola lexislación mercantil e sectorial aplicable á entidade beneficiaria, e manter de forma separada na contabilidade os ingresos da axuda percibida e conservar toda a documentación relativa á subvención durante, polo menos, un período de tres anos, a partir do 31 de decembro seguinte á presentación das contas en que estean incluídos os gastos da operación ante a Comisión Europea. O comezo deste prazo será oportunamente comunicado polo organismo intermedio do programa operativo FSE Galicia 2014-2020 (actualmente a Dirección Xeral de Política Financeira, Tesouro e Fondos Europeos).

– Dar cumprimento á obriga de dar adecuada publicidade do carácter público do financiamento en todas as actuacións que deriven da execución do proxecto, en cumprimento do artigo 15.3 da Lei 9/2007, de subvencións de Galicia, e no anexo XII do Regulamento (UE) núm. 1303/2013, do Parlamento Europeo e do Consello, modificado polo Regulamento (UE, Euratom) 2018/1046. Así, en todo tipo de publicidade e información relativos á actuación e actividades subvencionadas, terá que constar a condición de subvencionada pola Secretaría Xeral da Igualdade e polo programa operativo FSE Galicia 2014-2020.

En todo caso, nos espazos de atención ás usuarias e nas comunicacións contarase co emblema da Unión Europea coa referencia ao Fondo Social Europeo; e nos lugares de realización da actuación informarase do apoio dos fondos a través dun cartel dun tamaño mínimo A3 nun lugar destacado e visible. Tamén se informará na páxina web, no caso de dispoñer dela, sobre o proxecto e a axuda financeira recibida da Unión Europea e sobre os obxectivos e resultados da operación financiada.

– Informar as persoas destinatarias de que as actuacións en que participan están financiadas pola Xunta de Galicia (Secretaría Xeral da Igualdade) e polo programa operativo FSE Galicia 2014-2020, así como dos obxectivos dos fondos. Os emblemas deberán figurar, como mínimo, en todo o material e nos documentos que se utilicen ou entreguen ás usuarias ou participantes.

– Adecuar a metodoloxía de recollida e proceso de datos de seguimento e de acreditación da realización da actividade de persoas beneficiarias ás fórmulas requiridas a través da aplicación Participa 1420, realizando as actuacións precisas para recoller a información suficiente relativa ao desenvolvemento das actuacións que permita dar cumprimento aos requisitos de información a través de indicadores de produtividade e resultados enumerados no artigo 5 do Regulamento (UE) núm. 1304/2013 do Parlamento Europeo e do Consello, do 17 de decembro, relativo ao FSE. Neste senso, na súa cobertura deberá respectarse o principio de integridade dos datos.

Os datos dos indicadores de produtividade relativos ás entidades e ás persoas participantes referiranse á situación previa á súa participación no programa dentro do período subvencionable, mentres que os indicadores de resultado inmediato deberán referirse á situación dentro das catro semanas seguintes á finalización da súa participación nese período. Así mesmo, a Administración poderá requirir a actualización destes datos no prazo de seis meses desde que finalice esta actividade, coa finalidade de formalizar os indicadores de resultado a longo prazo descritos no antedito regulamento. Para estes efectos, facilitarase ás entidades beneficiarias o acceso á aplicación Participa 1420.

Para dar cumprimento a estes requisitos de información, as entidades beneficiarias deberán introducir os datos do perfil cos indicadores de produtividade e de resultado das persoas participantes na aplicación Participa 1420. Así mesmo, as entidades beneficiarias deberán custodiar a ficha individualizada de seguimento cos indicadores de produtividade, máis a dos de resultado inmediato de cada unha das persoas participantes, asinada pola participante e pola persoa responsable do programa, segundo o modelo dispoñible na páxina web da Secretaría Xeral da Igualdade.

– Dar cumprimento á normativa de protección de datos persoais, en concreto ao disposto no Regulamento (UE) núm. 2016/679 do Parlamento Europeo e do Consello, do 27 de abril de 2016, relativo á protección das persoas físicas no que respecta ao tratamento de datos persoais (Regulamento xeral de protección de datos) e demais normativa concordante.

Os datos persoais das persoas usuarias participantes nas actuacións subvencionadas serán tratados pola Xunta de Galicia-Vicepresidencia e Consellería de Presidencia, Administracións Públicas e Xustiza (Secretaría Xeral de Igualdade) na súa condición de responsable, coa finalidade de xestionar o adecuado desenvolvemento desta resolución e poderán ser comunicados ás administracións públicas competentes cando sexa necesario para a tramitación do procedemento, aos organismos financiadores e ás entidades colaboradoras na xestión do proxecto. A base lexitimadora do tratamento é o cumprimento dunha misión realizada en interese público, a prestación de asistencia de tipo social e o consentimento das persoas interesadas, que poderán solicitar o acceso, a rectificación e a supresión dos seus datos, así como exercer outros dereitos ou retirar, de ser o caso, o consentimento outorgado a través da sede electrónica da Xunta de Galicia ou nos lugares e rexistros establecidos na normativa reguladora do procedemento administrativo común, segundo se detalla en https://www.xunta.gal/exercicio-de-dereitos. Contacto delegado/a de protección de datos e información adicional en https://www.xunta.gal/informacion-xeral-proteccion-datos.

As entidades beneficiarias da subvención serán responsables de informar de maneira fidedigna as destinatarias finais do tratamento que levarán a cabo sobre os seus datos, conforme o especificado no artigo 13 do Regulamento xeral de protección de datos, así como dos aspectos incluídos no parágrafo anterior, obtendo o seu consentimento explícito para o efecto. Así mesmo, as entidades beneficiarias serán responsables de custodiar a documentación que acredite o cumprimento destas obrigacións.

– Comunicar ao órgano concedente calquera modificación das condicións tidas en conta para a concesión da subvención, así como dos compromisos e obrigas asumidas polas entidades beneficiarias e, de ser o caso, a obtención concorrente de subvencións ou axudas para a mesma finalidade procedentes de calquera Administración ou ente público nacional ou internacional.

– Facilitar toda a información requirida pola Secretaría Xeral da Igualdade, polos órganos verificadores que se establezan en aplicación dos artigos 72, 73 e 74 do Regulamento (UE) núm. 1303/2013, do Parlamento europeo e do Consello, do 17 de decembro, así como pola Intervención Xeral da Comunidade Autónoma, o Tribunal de Contas, o Consello de Contas e outros órganos de control impostos pola normativa comunitaria no exercicio das súas funcións de fiscalización e control.

– Someterse ás actuacións de comprobación que poida efectuar a Secretaría Xeral da Igualdade, así como a calquera outra actuación de control que poidan realizar os órganos competentes, tanto autonómicos como estatais ou comunitarios, para o cal se achegará canta información lle sexa requirida no exercicio das actuacións anteriores. En especial, por tratarse de axudas cofinanciadas polo programa operativo FSE Galicia 2014-2020, a entidade beneficiaria quedará sometida ás verificacións que poidan realizar os organismos implicados na xestión e seguimento do FSE, que incluirán as oportunas visitas sobre o terreo.

No artigo 21 das bases reguladoras establécense os criterios de graduación dos posibles incumprimentos para determinar a cantidade que se minorará ou reintegrará.

Décimo. Esta resolución esgota a vía administrativa e contra ela poderá interpoñerse recurso potestativo de reposición ante a secretaria xeral da Igualdade, no prazo dun mes, contado desde o día seguinte ao desta publicación, de conformidade co establecido nos artigos 112, 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao desta publicación, de acordo co establecido nos artigos 10 e 46 da Lei 29/1998, do 13 de xullo, reguladora da xurisdición contencioso-administrativa.

Disposición derradeira

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 7 de maio de 2019

Susana López Abella
Secretaria xeral da Igualdade

ANEXO I

Concesións

Nº de expte.	Solicitante (por número de expediente)	NIF	Denominación do programa	Nº horas totais imputadas ao programa	Nº mínimo usuarias	Nº mínimo usuarias con atención continuada	Puntos	Importe concesión
SI427A 2019/05	Asociación Redmadre Ourense	G32394082	Proxecto nais e fill@s	946,00	22	13	84,00	15.811,06
SI427A 2019/06	Fundación Amigos de Galicia	G15859911	Galicia Inclúe	1.920,00	45	27	84,00	32.090,11
SI427A 2019/07	Congregación Siervas de la Pasión	R0800086A	Atención psicosocial a mulleres xestantes e/ou lactantes con nenos/as menores de 2 anos	1.720,00	15	15	69,00	25.153,97
SI427A 2019/09	Asociación Redmadre Coruña	G70180229	Briana	1.707,00	40	24	77,00	28.530,11
SI427A 2019/10	Asociación de Mulleres Anel	G32207516	Servizo de atención ás mulleres anciás que viven soas ou con persoas dependentes a cargo	1.204,00	28	17	71,00	17.607,78
SI427A 2019/11	Asociación Mujeres en Igualdad Burela (Bumei)	G27441153	PRIAPE para mulleres en situación de vulnerabilidade. Muller: o teu traballo, a túa liberdade	2.144,00	50	30	81,00	34.254,64
SI427A 2019/13	Federación Provincial de Mulleres Rurais de Ourense-Femuro	G32237869	FEMURO concilia e emprega	1.931,00	45	27	71,00	28.239,72
SI427A 2019/14	Alume Saúde Mental	G27198977	Programa pluriasistencial de apoio e rehabilitación con aloxamento para mulleres en situación de especial vulnerabilidade	1.720,00	15	15	70,00	25.153,97
SI427A 2019/17	Acadar. Asociación de Mulleres con Discapacidade de Galicia	G70223417	Programa Enrédate	1.902,00	44	26	78,00	31.789,26
SI427A 2019/19	Federación de Asociacións de Mulleres Rurais de Galicia-Fademur Galicia	G70101647	Servizo integral para mulleres do rural en situación de vulnerabilidade	2.280,00	53	32	90,00	40.000,00
SI427A 2019/20	Asociación de Ayuda a la Vida-Ayuvi	G36802536	Tú puedes	1.460,00	34	20	82,00	24.401,86
SI427A 2019/22	Asociación Mirabal	G70312954	Programa Mimosa 2018/2019	902:30	21	13	70,00	13.027,42
SI427A 2019/23	Federación de Asociacións de Mulleres Anaral	G32362279	Servizo de apoio ás mulleres anciás que viven soas ou con persoas dependentes ao seu cargo	1.200,00	28	17	71,00	17.549,28
SI427A 2019/25	ONG Mestura	G15940414	Programa Neneiras	1.915,00	45	27	94,00	36.007,36
SI427A 2019/26	Asociación Redmadre Pontevedra	G27707686	Nais e fill@s	1.532,00	36	22	84,00	25.605,23
SI427A 2019/31	Saúde Mental Feafes Galicia	G15545353	Atención integral a mulleres con enfermidade mental en situación de vulnerabilidade	1.915,00	45	27	68,00	28.005,73
SI427A 2019/32	UGT Galicia	G15383011	Servizo de atención a mulleres (S.A.M.)	1.561,00	36	22	66,00	22.828,69
SI427A 2019/35	Asociación de Mulleres Algueirada	G32354227	Servizo de atención a mulleres anciás que viven soas ou con persoas dependentes ao seu cargo	1.075,00	25	15	75,00	17.967,12
SI427A 2019/39	Adicam-Asociación de Diagnosticad@s de Cancro de Mama de Pontevedra	G36380301	Programa de empoderamento destinado a mulleres en situación de vulnerabilidade 3.0	1.376,00	32	19	80,00	22.997,91
SI427A 2019/41	Asociación Penitenciaria Concepción Arenal	G27119809	Atención integral a mulleres en situación pre, intra e post-penitenciaria	1.850,00	43	26	82,00	30.920,16
SI427A 2019/44	Aliad Ultreia	G27021120	Programa Senlleiras	1914:20:00	45	27	82,00	31.995,40
SI427A 2019/45	Asociación Xarela Formación Animación	G32261307	Valor-es	592,00	14	8	67,00	8.657,64
SI427A 2019/46	Auxilia Delegación Lugo	G08317059	Diversas pero iguais IV	750,00	17	10	69,00	10.968,30
SI427A 2019/50	Asociación Patronato Concepción Arenal	G15030372	III programa mediación en mobilidade humana de usuarias casa acollida Patronato Concepción Arenal	3.890,00	34	34	79,00	40.000,00
SI427A 2019/51	Asociación de Coaching para el Desarrollo Social y Comunitario Daleth	G70480595	Programa Daleth 2018/2019 para mulleres en situación de especial vulnerabilidade	1.594,00	37	22	74,00	22.920,19
SI427A 2019/52	Asociación Érguete	G36642726	Intervención desde unha perspectiva de xénero con mulleres reclusas ou exreclusas «Mírate»	1.566,00	36	22	81,00	26.173,50
SI427A 2019/54	Acción Laboral	V09409749	Proxecto Boudica II	1.915,00	45	27	66,00	28.005,73
SI427A 2019/55	Cáritas Diocesana Tui-Vigo	R3600368I	Agarimo IV	1.340,00	31	19	74,00	19.596,70
SI427A 2019/62	Asociación Ambar das Persoas con Diversidade Funcional	G15052434	OIGO. Programa integral de empoderamento e autoxestión para mulleres con diversidade funcional no ámbito rural	860,00	20	12	69,00	12.576,98
SI427A 2019/65	Asociación Centinelas	G70390745	100% muller 2019	1.858,00	43	26	69,00	26.644,14
SI427A 2019/68	Ecos do Sur	G15354483	Apoio a nais VII	1.915,00	45	27	72,00	28.005,73
SI427A 2019/69	Asociación Integrados	G15973357	Programa de servizo de formación e integración para mozas con discapacidade intelectual	860,00	20	12	71,00	11.635,80
SI427A 2019/70	Asociación de Ayuda y Atención al Preso	G15414667	Programa Silvia	2.001,00	47	28	68,00	27.998,85
SI427A 2019/73	Asociación de Mulleres en Igualdade de Vigo	G27712306	Violencia de xénero, unha realidade oculta	1.440,00	33	20	76,00	24.067,58
SI427A 2019/75	Asociación Diversidades	G27783950	Donas da cidade	1.848,00	43	26	82,00	30.886,74
SI427A 2019/79	Asociación Labregas	G15945686	Sensibilización e prevención social e dinamización comunitaria	4.300,00	100	60	67,00	40.000,00

ANEXO II

Lista de espera

Nº de orde	Nº de expte.	Solicitante	NIF	Denominación do programa	Puntos
1	SI427A 2019/67	Asociación para a Prevención e a Educación Social-APES	G32383549	Sermuller.es	66,00
2	SI427A 2019/15	Asociación Punto Delas-Secretaría das Mulleres	G70370119	Punto Delas	65,00
3	SI427A 2019/24	Asociación Dignidad Galicia	G15500853	Acompañamento social a mulleres en situación de exclusión social	64,00
4	SI427A 2019/72	Asociación Rede de Mulleres Veciñais Contra os Malos Tratos de Vigo	G36928646	Xuntas	64,00
5	SI427A 2019/18	Asociación pola Igualdade e a Coeducación-Apico	G94088549	Programa Apico 2018/19 plan de loita, información e apoio integral para vítimas de violencia de xénero.	63,00
6	SI427A 2019/21	Asociación de Mulleres Arandeira	G32261679	Programa de empoderamento e atención integral ás mulleres do rural	63,00
7	SI427A 2019/34	Fundación Érguete-Integración	G36861078	Proxecto E.V.A. (emprego-visibilidade-autonomía)	63,00
8	SI427A 2019/66	Asociación Antonio Noche	G15210388	Confeccionando o teu futuro	62,00
9	SI427A 2019/48	Federación de Asociacións de Persoas Xordas de Galicia-FAXPG	G15068091	Recursos especializados para mulleres xordas	62,00
10	SI427A 2019/57	Confederación Galega de Persoas con Discapacidade-Cogami	G32115941	Servizo de atención especializada á muller con discapacidade	61,00
11	SI427A 2019/47	Andaina Pro Saúde Mental	G70264999	Atención integral no ámbito da saúde mental para o empoderamento das mulleres no rural	58,00
12	SI427A 2019/29	Asociación Saúde Mental A Creba	G15476310	Apoio integral a mulleres con doenzas mentais procedentes do medio rural	58,00
13	SI427A 2019/12	Asociación Íntegro das Persoas con Diversidade Funcional da Costa da Morte	G15173263	PIMD rural	58,00
14	SI427A 2019/28	Fundación Ronsel	G15752660	Zulia, empoderamento da muller venezolana a través do emprendemento e da creación de redes	58,00
15	SI427A 2019/08	Asociación de Viudas María Andrea	G32014334	Apoiando na soidade	57,00
16	SI427A 2019/49	CIMO-Entidade Prestadora de Servizos	G32010449	Actívate	56,00
17	SI427A 2019/38	Asociación Nós Mesmas	G27718907	Servizo Nós Mesmas: orientación, formación e asesoramento social, psicolóxico e laboral a mulleres LBT	55,00
18	SI427A 2019/27	Down Ourense	G32311870	Programa integral dirixido a mulleres coa Síndrome de Down para favorecer a súa inclusión	54,00
19	SI427A 2019/63	Cruz Vermella Española	Q2866001G	Primeira infancia: apoio á crianza de 0 a 3 anos	53,00
20	SI427A 2019/33	Asociación Síndrome de Down Lugo	G27202043	Fortalecemento de capacidades persoais e sociais das mulleres do colectivo Down da provincia de Lugo	52,00
21	SI427A 2019/16	Asociación de Axuda ao Enfermo Mental A Mariña	G27262799	Coidando de min III	52,00
22	SI427A 2019/59	Asociación de Amigos da Cultura e do Ocio «Aires Nosos»	G32369696	Programa Senectus IV	52,00
23	SI427A 2019/77	Federación EFA Galicia	G15299357	Mulleres con proxecto 2019	51,00
24	SI427A 2019/71	Asociación Down Coruña	G15731466	Espazos de escoita	51,00
25	SI427A 2019/02	Alar Galicia	G15775901	Programa Súmate	50,00
26	SI427A 2019/01	Asociación Cultural Os Tres Reinos	G32345274	Por Elas: programa de recursos integrais de atención personalizada e especializada para mulleres en situación de especial vulnerabilidade	48,00
27	SI427A 2019/37	Asociación Participacción	G32477127	Abrindo cancelas con flores	48,00
28	SI427A 2019/30	Federación Galega de Redeiras Artesás O Peirao	G15969868	Coñece os teus dereitos e obrigas	46,00
29	SI427A 2019/61	Asociación Faraxa pola Abolición da Prostitución	G27728658	Proxecto «Importas II»	42,00
30	SI427A 2019/56	Asociación Veciñal As Termas	G32334989	Espazo de apoio integral ás mulleres	40,00
31	SI427A 2019/58	Agrupación de Asociacións Veciñais do Rural e Periferia de Ourense «Miño»	G32408023	Rede veciñal de mulleres	40,00
32	SI427A 2019/36	Cáritas Diocesana de Santiago de Compostela	R1500053B	Programa materno-infantil	38,00
33	SI427A 2019/04	Aspnais	G27018365	Autodeterminación e empoderamento para a igualdade de mulleres con discapacidade intelectual	36,00

ANEXO III

Solicitudes denegadas e desistidas

Nº de expte.	Solicitante	NIF	Denominación do programa	Causa
SI427A 2019/03	Xeracción, Sociedade Cooperativa Galega	F32479040	Proxecto Enredadas	Artigo 4.1 das bases reguladoras: non cumpre o requisito de tratarse dunha entidade de iniciativa social sen ánimo de lucro (empresa privada).
SI427A 2019/40	Aseduc-Asociación Socioeducativa para a Educación	G70067830	O poder das mulleres	Artigo 5.7 das bases reguladoras: non cumpre o requisito de acadar unha puntuación mínima de 30 puntos (acadou 21 puntos).
SI427A 2019/43	Asociación Sustinea	G32422834	Cultivando futuro	Artigo 11.1 das bases reguladoras: non emenda a documentación requirida mediante a Resolución do 15 de marzo de 2019 (DOG núm. 63, do 1 de abril).
SI427A 2019/53	Fundación Integra	G36880615	Comunicación activa	Artigo 11.1 das bases reguladoras: non emenda toda a documentación requirida mediante a Resolución do 15 de marzo de 2019 (DOG núm. 63, do 1 de abril).
SI427A 2019/60	Grumico-Grupo de Persoas con Discapacidade da Coruña	G15038797	Programa para a promoción da autonomía persoal e independencia das mulleres con discapacidade	Artigo 11.1 das bases reguladoras: non emenda a documentación requirida mediante a Resolución do 15 de marzo de 2019 (DOG núm. 63, do 1 de abril).
SI427A 2019/64	Ardai Educación y Terapia	G32456097	Bailando con cabalos	Artigo 11.1 das bases reguladoras: non emenda a documentación requirida mediante a Resolución do 15 de marzo de 2019 (DOG núm. 63, do 1 de abril).
SI427A 2019/74	Valoresc Innovación	G70377585	Contigo muller: axuda, recursos, oportunidades, transformación. Educación preventiva	Artigo 11.1 das bases reguladoras: non emenda toda a documentación requirida mediante a Resolución do 15 de marzo de 2019 (DOG núm. 63, do 1 de abril).
SI427A 2019/76	Asociación Menthor	G94151602	Programa Empodérate	Artigo 11.1 das bases reguladoras: non emenda a documentación requirida mediante a Resolución do 15 de marzo de 2019 (DOG núm. 63, do 1 de abril).
SI427A 2019/78	Asociación de Acción Social, Educación Permanente y de Servicios a la Juventud y a la Mujer Tempus	G15681000	Mulleres creando redes	Artigo 11.1 das bases reguladoras: non emenda a documentación requirida mediante a Resolución do 15 de marzo de 2019 (DOG núm. 63, do 1 de abril) no prazo establecido para tales efectos