Mediante a Orde do 8 de abril de 2019 (DOG nº 76, do 22 de abril de 2019) establecéronse as bases reguladoras e convocouse o procedemento para adxudicar o uso de instalacións xuvenís dependentes da Consellería de Política Social en réxime de oferta concertada durante a campaña de verán 2019, nos termos establecidos na orde e coa distribución de prazas recollida no anexo I desta.
De conformidade co disposto no artigo 8.4 da orde de convocatoria, o órgano competente para resolver é a Dirección Xeral de Xuventude, Participación e Voluntariado, por delegación da persoa titular da Consellería de Política Social.
Así mesmo, o artigo 9 da citada orde establece que se publicarán no Diario Oficial de Galicia (DOG), de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e as correspondentes resolucións deste procedemento. Esta publicación producirá os efectos de notificación.
Polo exposto,
RESOLVO:
Primeiro. Ordenar a publicación no Diario Oficial de Galicia do contido íntegro da Resolución do 22 de maio de 2019, ditada no procedemento BS304A, relativa á adxudicación do uso de instalacións xuvenís ao abeiro da Orde do 8 de abril de 2019 pola que se regula o uso de instalacións xuvenís dependentes da Consellería de Política Social en réxime de oferta concertada durante a campaña de verán 2019.
Segundo. Comunicar que a Resolución do 22 de maio de 2019 que finaliza este procedemento esgota a vía administrativa e contra ela pode interpoñerse recurso contencioso- administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1988, do 13 de xullo, reguladora da xurisdición contencioso- administrativa, no prazo de dous meses contados a partir do día seguinte ao da súa notificación a través desta publicación no Diario Oficial de Galicia.
Non obstante, poderá interpoñerse potestativamente recurso de reposición, ante o mesmo órgano que a ditou, no prazo dun mes contado a partir do día seguinte ao da súa notificación a través desta publicación no Diario Oficial de Galicia, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 23 de maio de 2019
Cristina Pichel Toimil
Directora xeral de Xuventude, Participación e Voluntariado
ANEXO
Resolución do 22 de maio de 2019, ditada no procedemento BS304A, relativa á adxudicación do uso de instalacións xuvenís ao abeiro da Orde do 8 de abril de 2019 pola que se regula o uso de instalacións xuvenís dependentes da Consellería de Política Social en réxime de oferta concertada durante a campaña de verán 2019.
Mediante a Orde do 8 de abril de 2019 (DOG nº 76, do 22 de abril de 2019) establecéronse as bases reguladoras e convocouse o procedemento para adxudicar o uso de instalacións xuvenís dependentes da Consellería de Política Social en réxime de oferta concertada durante a campaña de verán 2019, nos termos establecidos na orde e coa distribución de prazas recollida no anexo I desta.
Unha vez comprobadas as solicitudes polo Instituto da Xuventude de Galicia, órgano instrutor do procedemento, a comisión de valoración prevista no artigo 8 da orde de convocatoria avaliou as solicitudes admitidas a trámite de acordo cos criterios de adxudicación que se recollen no artigo 7.
Á vista do expediente e da acta da comisión de valoración o órgano instrutor formulou a proposta de resolución conforme o regulado no artigo 8.
Esta Dirección Xeral de Xuventude, Participación e Voluntariado é competente para resolver, por delegación da conselleira de Política Social, segundo o disposto no artigo 8.4 da orde de convocatoria.
Con base no exposto,
RESOLVO:
Primeiro. Adxudicar o uso temporal de instalacións xuvenís en réxime de oferta concertada durante a campaña de verán 2019 ás entidades relacionadas no anexo I, nos termos que se expoñen na devandita relación.
Segundo. Denegar o uso de instalacións xuvenís en réxime de oferta concertada durante a campaña de verán 2019 ás entidades relacionadas no anexo II, por aplicación dos criterios de preferencia e prioridade recollidos no artigo 7 da orde de convocatoria.
Terceiro. As entidades adxudicatarias deberán cumprir as obrigas previstas nos artigos 12, 13 e 14 da Orde do 8 de abril de 2019.
A documentación indicada nos citados artigos deberán presentala no Servizo de Xuventude e Voluntariado da Xefatura Territorial da Consellería de Política Social correspondente á provincia en que estea a instalación adxudicada, conforme o sinalado nos artigos 12 e 13 da orde.
Se transcorridos os prazos que se indican nos citados artigos non se cumprisen as obrigas correspondentes, declararase, mediante a oportuna resolución, o incumprimento das condicións da resolución de adxudicación e as prazas adxudicadas quedarán á disposición dos/as demais solicitantes.
Cuarto. A presente resolución esgota a vía administrativa e contra ela pode interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1988, do 13 de xullo, reguladora da xurisdición contencioso- administrativa, no prazo de dous meses contados a partir do día seguinte ao da súa notificación.
Non obstante, poderá interpoñerse potestativamente recurso de reposición, ante o mesmo órgano que a ditou, no prazo dun mes contado a partir do día seguinte ao da súa notificación, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Quinto. A publicación desta resolución producirá os efectos de notificación, nos termos establecidos no artigo 9 da Orde do 8 de abril de 2019 e no artigo 45 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 22 de maio de 2019. A conselleira de Política Social. P.D. (Orde do 8.4.2019). Cristina Pichel Toimil. Directora xeral de Xuventude, Participación e Voluntariado
ANEXO I
Entidades adxudicatarias
Expediente |
Entidade adxudicataria |
Localidade |
Instalación adxudicada |
Datas |
Prazas |
2019/4 |
Asociación Banda de Música Cultural de Teo |
Teo |
Albergue xuvenil Marina Española |
23-28/06 |
40 |
2019/12 |
Asociación Sustinea |
Ourense |
Campamento xuvenil Virxe de Loreto |
19-28/07 |
30 |
2019/14 |
Concello de Rois |
Rois |
Campamento xuvenil Virxe de Loreto |
02-11/08 |
30 |
2019/2 |
Concello de Ourense |
Ourense |
Campamento xuvenil Virxe de Loreto |
13-20/08 |
90 |
2019/1 |
Concello de Cangas |
Cangas |
Campamento xuvenil Virxe de Loreto |
21-28/08 |
90 |
2019/9 |
Asociación Espazo Aberto Galiza de Vite |
Santiago de Compostela |
Campamento xuvenil A Devesa |
16-27/08 |
110 |
2019/3 |
Concello de Negreira |
Negreira |
Campamento xuvenil Penedos de Xacinto |
16-27/08 |
60 |
2019/8 |
Concello de Touro |
Touro |
Campamento xuvenil Illa de Ons |
11-18/08 |
30 |
2019/5 |
Concello da Estrada |
A Estrada |
Campamento xuvenil Illa de Ons |
20-27/08 |
60 |
2019/10 |
Asociación Cultural, de Ocio e Tempo Libre Arrecó |
Ribeira |
Campamento xuvenil Pontemaril |
16-27/08 |
50 |
2019/15 |
Asociación Integrados |
Ribeira |
Albergue xuvenil As Sinas |
27/08-07/09 |
40 |
2019/13 |
Asociación Limisi |
Xinzo de Limia |
Albergue xuvenil As Sinas |
31/08-07/09 |
19 |
2019/6 |
Concello de Barbadás |
Barbadás |
Albergue xuvenil As Sinas |
27/08-01/09 |
45 |
ANEXO II
Entidades non adxudicatarias
Expediente |
Entidades non adxudicatarias |
Motivo |
2019/7 |
Arenaria Escola de Tempo Libre |
Aplicación dos criterios de preferencia e prioridade regulados no artigo 7 da orde. |
2019/11 |
Concello de Marín |
Aplicación dos criterios de preferencia e prioridade regulados no artigo 7 da orde. |