Na sesión que tivo lugar o 13 de xuño de 2019, o tribunal nomeado pola Orde do 1 de marzo de 2019 (DOG núm. 48, do 8 de marzo), modificada polas do 12 de marzo de 2019 (DOG núm. 51, do 13 de marzo) e do 11 de abril de 2019 (DOG núm. 72, do 12 de abril), para cualificar o proceso selectivo para o ingreso no corpo de xestión da Administración xeral da Comunidade Autónoma de Galicia, subgrupo A2
ACORDOU:
De conformidade co disposto na base II.1.1.2 da convocatoria o segundo exercicio da oposición terá lugar o 10 de xullo de 2019, en chamamento único que se iniciará ás 15.00 horas, no pavillón nº 1 do recinto da Feira Internacional de Galicia en Silleda.
Os/as aspirantes deberán ir provistos do DNI ou de documento fidedigno acreditativo da súa identidade, a xuízo do tribunal, lapis do número 2 e goma de borrar.
Non se permitirá o acceso ás aulas nas cales se realice o exercicio con teléfonos móbiles, axendas electrónicas, reloxos intelixentes ou calquera outro material ou instrumento do que se poida valer o/a aspirante para auxiliarse na realización do exercicio. Non se habilitará ningún servizo de recollida de móbiles.
Santiago de Compostela, 13 de xuño de 2019
Vanessa Cal Ríos
Presidenta do tribunal