A Resolución do 18 de xuño de 2019, que se publicou no Diario Oficial de Galicia núm. 125, do 3 de xullo, estableceu o procedemento para a concesión das axudas para a subministración de froitas frescas, castañas e leite líquido de consumo ao alumnado de centros escolares e a convocatoria para o curso escolar 2019/20.
Esta resolución desenvolveu a normativa básica estatal contida no Real decreto 511/2017, do 22 de maio, polo que se desenvolve a aplicación en España da normativa da Unión Europea en relación co programa escolar de consumo de froitas, hortalizas e leite, que establece as modalidades de aplicación da nova normativa da Unión Europea en relación cos plans escolares de consumo de froitas, hortalizas e leite.
O Real decreto 511/2017, do 22 de maio, modificouse recentemente polo artigo terceiro do Real decreto 452/2019, do 19 de xullo, coa finalidade de obter unha maior eficacia no uso dos fondos da Unión Europea, recollendo un novo anexo que modifica os valores máximos dalgúns produtos, así como a unidade de medida empregada (litros no caso do leite líquido de consumo) e prevé na súa disposición final segunda a súa aplicación a partir do curso escolar 2019/20, incluído.
Isto determina a exixencia de modificar a Resolución do 18 de xuño de 2019 para adecuar a súa regulación ás previsións contidas no Real decreto 452/2019, do 19 de xullo.
En consecuencia, de conformidade co previsto no artigo 30.1.3 do Estatuto de autonomía de Galicia, en aplicación da Lei 9/2007, do 13 de xuño, de subvencións de Galicia, así como no Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, e no uso das facultades previstas no artigo 2 da devandita Lei 7/1994,
DISPOÑO:
Artigo único. Modificación da Resolución do 18 de xuño de 2019 pola que se regula o procedemento para a concesión das axudas para a subministración de froitas frescas, castañas e leite líquido de consumo ao alumnado de centros escolares e se convocan para o curso escolar 2019/20
A Resolución do 18 de xuño de 2019 pola que se regula o procedemento para a concesión das axudas para a subministración de froitas frescas, castañas e leite líquido de consumo ao alumnado de centros escolares e se convocan para o curso escolar 2019/20 modifícase nos seguintes termos:
Modifícase o anexo I, que queda coa seguinte redacción:
«ANEXO I
Importe sen IVE máximo aplicable ao produto en €/kg e €/l
a) Froitas frescas e castañas.
Produto |
Importe sen IVE máximo aplicable ao produto (€/kg) |
Albaricoque |
3,70 |
Ameixa |
2,69 |
Amorodo |
3,75 |
Caqui |
2,25 |
Castaña |
10,59 |
Cereixa |
4,74 |
Figo fresco |
4,38 |
Froitas tropicais (chirimoia, mango, papaia ...) |
2,62 |
Froitos vermellos (framboesa, arando, grosella ...) |
12,87 |
Granada |
2,70 |
Híbrido de pequenos cítricos |
2,07 |
Kiwi |
2,99 |
Laranxa |
1,98 |
Mandarina |
2,72 |
Mazá |
1,88 |
Melón |
2,99 |
Nectarina |
2,56 |
Néspera |
3,92 |
Paraguaio |
2,97 |
Pera |
2,19 |
Pexego |
2,41 |
Plátano |
2,45 |
Sandía |
1,16 |
Uva |
3,23 |
b) Leite líquido de consumo e as súas versións sen lactosa.
Produto |
Importe sen IVE máximo aplicable ao produto (€/l) |
|
1.1 |
Leite tratado termicamente (pasteurizado) |
1,40 |
1.2 |
Leite tratado termicamente (os demais) |
1,38 |
1.3 |
Leite tratado termicamente. Sen lactosa. |
1,40 |
c) Transporte.
Traxecto total da ruta de distribución |
Axuda sen IVE complementaria para gastos de transporte (€/kg) |
Máis de 350 km, pero menos de 500 km |
0,0726 |
Máis de 500 km, pero menos de 750 km |
0,0953 |
Máis de 750 km |
0,1083 |
Suplemento por transporte frigorífico |
0,0085 |
Disposición derradeira
Esta resolución entrará en vigor o mesmo día da súa publicación no Diario Oficial de Galicia e será de aplicación ao curso escolar 2019/20.
Santiago de Compostela, 1 de agosto de 2019
Silvestre José Balseiros Guinarte
Director do Fondo Galego de Garantía Agraria