De conformidade co disposto no artigo 15 da Lei 9/2007, do 13 de xuño, de subvencións de Galicia, e no artigo 17 da Lei 1/2016, do 18 de xaneiro, de transparencia e bo goberno; e dando cumprimento ao artigo 45.1.b) da Lei 39/2015, do 1 de outubro, do procedemento administrativo común das administracións públicas, a Dirección Xeral de Gandaría, Agricultura e Industrias Agroalimentarias, por delegación do conselleiro,
RESOLVE:
Dar publicidade á resolución de adxudicación das axudas concedidas pola Consellería do Medio Rural ao abeiro da Orde do 13 de maio de 2019 pola que se establece o réxime de axudas á apicultura e se convocan para o ano 2019 que figuran como anexo nesta resolución.
Santiago de Compostela, 8 de agosto de 2019
O conselleiro do Medio Rural
P.D. (Orde do 17.11.2015; DOG núm. 223, do 23 de novembro)
Silvestre José Balseiros Guinarte
Director xeral de Gandaría, Agricultura e Industrias Agroalimentarias
ANEXO
a) Norma reguladora da convocatoria: Orde do 13 de maio de 2019 pola que se establece o réxime de axudas á apicultura e se convocan para o ano 2019 (códigos de procedemento MR506A e MR506B).
b) Aplicación orzamentaria: 14.04.713E.770.2.
Crédito orzamentario: 686.741,00 €.
Esta axuda está cofinanciada polo Fondo Europeo Agrícola de Garantía (Feaga) da UE ata un 50%, o Ministerio de Agricultura, Pesca e Alimentación (Mapa) ata un 25 % e a porcentaxe restante a Xunta de Galicia en virtude do Regulamento (CE) núm. 1308/2013 do Parlamento Europeo e do Consello, do 17 de decembro, e o Real decreto 930/2017, do 27 de outubro, polo que se regula o réxime de axudas á apicultura no marco dos programas nacionais anuais, e se modifica o Real decreto 209/2002, do 22 de febreiro, polo que se establecen normas de ordenación das explotacións apícolas.
c) Finalidade:
Poderán ser obxecto das axudas, de acordo coa normativa comunitaria, aquelas actividades ou investimentos que estean recollidos no programa nacional e encamiñadas a acadar os obxectivos das seguintes liñas de actuación:
– Liña A. Prestar información e asistencia técnica a apicultores e organizacións de apicultores.
– Liña B. Loita contra as agresións e enfermidades da colmea, en particular contra a varroose.
– Liña C. Racionalización da transhumancia.
– Liña E. Medidas de apoio á repoboación da poboación apícola española.
d) Destinatarios:
Aquelas persoas físicas ou xurídicas titulares de explotacións apícolas, incluídas aquelas de titularidade compartida recollidas na Lei 35/2011, do 4 de outubro, sobre titularidade compartida das explotacións agrarias e as cooperativas apícolas, organizacións representativas e asociacións de apicultores con personalidade xurídica propia, integradas por apicultores.
e) Contra a presente resolución, que pon fin á vía administrativa, cabe interpor recurso potestativo de reposición ante o conselleiro do Medio Rural, no prazo dun mes, contado a partir do día seguinte ao da súa notificación de conformidade co establecido no artigo 124 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de octubre).
Tamén poderá interpoñer directamente, recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados a partir do día seguinte ao da súa notificación.
f) Beneficiarios e importe concedido:
|
Nº expediente |
Entidade |
Adxudicación |
|
API/2019/32/0013 |
Benigno Basteiro Rodríguez |
2.555,62 € |
|
API/2019/15/0012 |
David Iriso Bernárdez |
520,00 € |
|
API/2019/15/0010 |
Mieles Anta, S.L. |
7.202,90 € |
|
API/2019/27/0021 |
Pazo de Lusío, S.L. |
5.061,59 € |
|
API/2019/27/0009 |
Gosto Productores, S.L. |
287,75 € |
|
API/2019/15/0004 |
Asociación Galega de Apicultura |
223.513,80 € |
|
API/2019/27/0007 |
Asociación Provincial Lucense de Apicultura |
64.129,23 € |
|
API/2019/32/0005 |
Asociación Abellas Nais |
37.628,01 € |
|
API/2019/32/0022 |
Asoc. Agrogandeira Apícola e Forestal de Bande |
10.148,00 € |
|
API/2019/32/0017 |
Asociación Galega de Apicultores Profesionais |
15.707,09 € |
|
API/2019/15/0002 |
Asociación Casa do Mel |
11.593,80 € |
|
API/2019/27/0014 |
Euromel, S.C. |
5.290,70 € |
|
API/2019/32/0001 |
Aroamel, S.C. |
1.581,80 € |
|
API/2019/32/0006 |
Agrupación Apícola de Galicia |
301.520,71 € |
