Mediante a Resolución do 8 de maio de 2019 (DOG núm. 94, do 20 de maio), a Dirección Xeral da Función Pública convocou un concurso ordinario para a provisión de postos de traballo vacantes na Administración especial da Administración xeral da Comunidade Autónoma de Galicia, escalas do Servizo de Gardacostas de Galicia.
A base VII da convocatoria establece que «Rematados os prazos de presentación das solicitudes de participación no concurso e de petición de postos de traballo, a Dirección Xeral da Función Pública ditará resolución que se publicará no Diario Oficial de Galicia, na cal se declararán aprobadas as listas de admitidos/as e excluídos/as, con indicación do lugar en que estarán a disposición das persoas interesadas».
En consecuencia, esta dirección xeral, logo de examinar as solicitudes dos/das participantes,
RESOLVE:
Aprobar a relación provisional de solicitantes admitidos/as e excluídos/as do concurso para a provisión de postos de traballo vacantes na Administración especial da Administración xeral da Comunidade Autónoma de Galicia, escalas do Servizo de Gardacostas de Galicia.
A relación de persoas admitidas e excluídas publicarase no portal web corporativo da Xunta de Galicia, http://funcionpublica.xunta.gal, na epígrafe de «concurso de traslados».
A listaxe de solicitantes excluídos/as figura como anexo desta resolución.
As persoas excluídas disporán dun prazo de dez (10) días hábiles contados a partir do día seguinte ao da publicación da resolución no Diario Oficial de Galicia para, de ser o caso, poder emendar o defecto que motivou a exclusión. O formulario de reclamación estará á disposición das persoas interesadas no portal web corporativo da Xunta de Galicia e deberá presentarse no Rexistro Xeral da Vicepresidencia e Consellería de Presidencia, Administracións Públicas e Xustiza, nas xefaturas territoriais e/ou oficinas comarcais da dita consellería ou nos demais lugares previstos no artigo 16, relativo a rexistros, da Lei 39/2015, do 1 de outubro, do procedemento administrativo común das administracións públicas. Para estes efectos, a estimación ou desestimación das ditas peticións de emenda entenderanse implícitas na resolución pola cal se publique a listaxe definitiva.
Aquelas persoas que non figuren na relación de admitidos nin na de excluídos e solicitasen participar no concurso disporán de igual prazo de dez (10) días hábiles, contados a partir do día seguinte ao da publicación desta resolución no Diario Oficial de Galicia, para formular a súa reclamación.
Os/as solicitantes que dentro do prazo sinalado non emenden os defectos motivo de exclusión serán definitivamente excluídos.
Santiago de Compostela, 30 de agosto de 2019
José María Barreiro Díaz
Director xeral da Función Pública
ANEXO
Listaxe provisional de instancias excluídas
Concurso Trl.: F0119-Administración especial da Administración xeral da Comunidade Autónoma de Galicia, escalas do servizo de Gardacostas de Galicia.
1º Apelido |
2º Apelido |
Nome |
NIF |
Motivo da exclusión |
Goce |
Lemos |
Jesús Fernando |
***7243** |
21 |
González |
Arias |
Francisco |
***3950** |
73 |
Piñeiro |
Pouso |
Ramón Javier |
***7419** |
21 |
Rodas |
Chapela |
Daniel |
***0901** |
47 |
Rodríguez |
Cid |
Benito |
***3782** |
4 |
Relación de causas de exclusión.
Cod. causa |
Causa exclusión |
4 |
Falta nomeamento para o corpo/categ. Desde o que concursa |
21 |
Falta de sinatura da solicitude de participación |
47 |
Falta de sinatura da solicitude de selección de postos |
73 |
Non achega copia da solicitude do condicionado |