Eu, María Iria Román Vidarte, letrada da Administración de xustiza do Xulgado do Social número 1 de Santiago de Compostela, fago saber que mediante resolución ditada no día da data, no proceso seguido por instancia de Manuel Antonio Vázquez Miguens contra Mutua Gallega de Accidentes de Trabajo, Dirección Provincial do INSS, Tesouraría Xeral da Seguridade Social, Segur 10 Vigilancia, S.A., administrador concursal Roberto Iker Aldea Gil e Fondo de Garantía Salarial (Fogasa), en reclamación por seguridade social, rexistrado como seguridade social 115/2017, se acordou, en cumprimento do que dispón o artigo 59 da Lei reguladora da xurisdición social, citar a Segur 10 Vigilancia, S.A., en ignorado paradoiro, co fin de que compareza o día 2 de decembro de 2019, ás 11.00 horas, na planta baixa, sala 1, no edificio da rúa Berlín, para a celebración dos actos de conciliación e, de ser o caso, xuízo. Poderá comparecer persoalmente ou mediante persoa legalmente apoderada e deberá acudir con todos os medios de proba de que intente valerse, coa advertencia de que é única convocatoria e que os ditos actos non se suspenderán por falta inxustificada de asistencia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.

En caso de que pretenda comparecer ao acto do xuízo asistida de avogado ou representada tecnicamente por graduado social colexiado, ou representada por procurador, porá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención ao demandante, poida este estar representado tecnicamente por graduado social colexiado ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

Para que sirva de citación a Segur 10 Vigilancia, S.A., expídese esta cédula para a súa publicación no Diario Oficial de Galicia e colocación no taboleiro de anuncios deste xulgado.

Santiago de Compostela, 2 de setembro de 2019

A letrada da Administración de xustiza