A Orde do 28 de maio de 2019 (DOG núm. 111, do 13 de xuño), modificada pola Orde do 30 de setembro de 2019 (DOG núm. 201, do 22 de outubro), establece as bases reguladoras e a convocatoria das axudas de apoio á etapa de formación posdoutoral da Consellería de Educación, Universidade e Formación Profesional e da Consellería de Economía, Emprego e Industria, a través da Axencia Galega de Innovación (en diante Gain), en réxime de publicidade, obxectividade e concorrencia competitiva.
O obxecto da modalidade B do Programa de apoio á etapa posdoutoral é outorgar axudas ás universidades do SUG, aos organismos públicos de investigación de Galicia, ás fundacións de investigación sanitaria de Galicia (Fundación Instituto de Investigación Sanitaria de Santiago de Compostela, Fundación Profesor Novoa Santos, Fundación Biomédica Galicia Sur), e aos centros do CSIC (Consello Superior de Investigacións Científicas) e o IEO (Instituto Español de Oceanografía) radicados en Galicia, para dar continuidade á formación das persoas investigadoras que obtiveron unha praza na convocatoria do ano 2016 da modalidade A do Programa de formación inicial da etapa posdoutoral e daquelas persoas investigadoras da convocatoria do ano 2014 ás cales se lles concedeu un aprazamento da avaliación, que acabaron o contrato e que acadaron unha avaliación positiva, mediante o financiamento dun contrato dun máximo de dous anos de duración.
No artigo 2 da orde de convocatoria determínase quen pode ser beneficiario e, no artigo 2 do anexo II, os requisitos que deben cumprir as persoas candidatas ás axudas da modalidade B do Programa de apoio á etapa posdoutoral.
De acordo co establecido no artigo 9 desta convocatoria, unha vez analizadas as solicitudes publicáronse as listas provisionais de solicitudes admitidas e excluídas e as entidades solicitantes tiveron un prazo de dez días naturais para formular reclamacións para emendar erros e falta de documentos das persoas interesadas ante a Secretaría Xeral de Universidades ou ante a Gain, segundo a entidade solicitante. Unha vez que se recibiu e se examinou esta documentación, publicouse a lista definitiva de solicitudes admitidas e excluídas.
As solicitudes foron ponderadas por un equipo avaliador formado por persoas expertas de fóra do Sistema de I+D+i galego, coa colaboración da Axencia para a Calidade do Sistema Universitario de Galicia (ACSUG), a partir da documentación indicada no artigo 4 do anexo II da convocatoria e segundo o baremo que se indica no artigo 5 do mesmo anexo.
O resultado desta avaliación entregóuselle á comisión de selección definida no artigo 10 da orde de convocatoria, que elaborou un informe para os órganos instrutores en que figuran as entidades beneficiarias, xunto coa prelación das persoas candidatas a seren destinatarias das axudas, e a lista de agarda para posibles substitucións.
A competencia para resolver estas axudas correspóndelles conxuntamente á persoa titular da Consellería de Educación, Universidade e Formación Profesional e á persoa titular da Presidencia da Gain, de acordo co artigo 11 da convocatoria.
En consecuencia, de acordo co establecido no artigo 10 das bases da convocatoria e atendendo á proposta de concesión elevada polos órganos instrutores a partir do informe da comisión de selección reunida o día 23 de outubro de 2019, a través da Secretaría Xeral de Universidades e da Gain,
RESOLVEMOS:
Primeiro. Conceder as axudas da modalidade B de apoio á etapa de formación posdoutoral convocadas pola Orde do 28 de maio de 2019 ás universidades do SUG que contraten as persoas seleccionadas para unha praza do Programa de apoio á etapa de formación posdoutoral que se relacionan no anexo I.
No caso das demais entidades do artigo 2 da convocatoria, non se conceden axudas debido a que no proceso de avaliación e selección a única solicitude presentada non alcanzou a puntuación mínima establecida no artigo 5 do anexo II da convocatoria.
Segundo. Establecer unha lista de agarda para as universidades do SUG, que se inclúe como anexo II, para determinar posibles substitucións, segundo os criterios recollidos no artigo 10. Nesta lista figuran por orde decrecente de puntuación as solicitudes que non acadaron a puntuación suficiente para seren adxudicatarias da axuda pero que teñen unha puntuación igual ou superior á mínima establecida no artigo 5 do anexo II da convocatoria.
Terceiro. Todas as solicitudes que figuran nos anexos I e II desta resolución cumpren os requisitos establecidos nas bases da convocatoria. Así mesmo, as solicitudes que non figuran relacionadas nos citados anexos entenderanse denegadas ou desestimadas.
Cuarto. A data de comezo dos contratos será o 15 de novembro de 2019.
Quinto. As axudas concedidas financiaranse con cargo aos orzamentos xerais da Comunidade Autónoma de Galicia para o ano 2020 e anos sucesivos, de acordo coa seguinte distribución, segundo a estrutura de pagamentos recollida no artigo 14 das bases da convocatoria.
Universidades do SUG: 20 axudas.
O importe das axudas das universidades do SUG imputarase ao Plan galego de financiamento universitario para o período 2016-2020, polo que as anualidades de 2021 e 2022 se integrarán no novo plan de financiamento para os anos seguintes:
Aplicación orzamentaria |
Universidade |
Nº de axudas |
Crédito (en euros) |
|||
2020 |
2021 |
2022 |
Total |
|||
10.40.561B.444.0 |
UDC |
3 |
112.566,66 |
117.000,00 |
4.433,34 |
234.000,00 |
10.40.561B.744.0 |
30.000,00 |
45.000,00 |
0,00 |
75.000,00 |
||
UDC |
142.566,66 |
162.000,00 |
4.433,34 |
309.000,00 |
||
10.40.561B.444.0 |
USC |
10 |
375.222,20 |
390.000,00 |
14.777,80 |
780.000,00 |
10.40.561B.744.0 |
100.000,00 |
150.000,00 |
0,00 |
250.000,00 |
||
USC |
475.222,20 |
540.000,00 |
14.777,80 |
1.030.000,00 |
||
10.40.561B.444.0 |
UVigo |
7 |
262.655,54 |
273.000,00 |
10.344,46 |
546.000,00 |
10.40.561B.744.0 |
70.000,00 |
105.000,00 |
0,00 |
175.000,00 |
||
UVigo |
332.655,54 |
378.000,00 |
10.344,46 |
721.000,00 |
||
Total SUG |
950.444,40 |
1.080.000,00 |
29.555,60 |
2.060.000,00 |
Sexto. As universidades beneficiarias deberán remitir un escrito de aceptación da axuda á Secretaría Xeral de Universidades, no prazo de dez (10) días contados a partir do día seguinte ao da publicación desta resolución no DOG, e vincularán as persoas seleccionadas aos seus organismos mediante a formalización do correspondente contrato.
Sétimo. O artigo 14 da orde de convocatoria establece que as entidades beneficiarias e contratantes das persoas seleccionadas serán as encargadas de presentar as xustificacións correspondentes adecuadas á normativa comunitaria e nacional de aplicación e serán as perceptoras dos fondos para o pagamento dos contratos.
Segundo o establecido no artigo 45.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, transcorrido o prazo establecido de xustificación sen que se presentase esta ante o órgano administrativo competente, este requirirá o beneficiario para que, no prazo improrrogable de dez días, a presente. A falta de presentación da xustificación comportará a perda do dereito ao cobramento parcial ou total da subvención, a exixencia do reintegro e demais responsabilidades establecidas na Lei de subvencións de Galicia.
Oitavo. Contra esta resolución, que esgota a vía administrativa, as persoas interesadas poderán interpoñer recurso potestativo de reposición ante a persoa titular da Consellería de Educación, Universidade e Formación Profesional, no caso de solicitudes pertencentes ao SUG, e ante a persoa titular da presidencia da Gain nos restantes casos, no prazo dun mes a partir do día seguinte ao da publicación da resolución no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou directamente recurso contencioso-administrativo, no prazo de dous meses, ante a Sala do Contencioso-Administrativo do Tribunal Superior de Xustiza de Galicia, de conformidade cos artigos 19 e 46 da Lei 29/1998, do 13 de xullo, da xurisdición contencioso-administrativa.
Santiago de Compostela, 29 de outubro de 2019
Carmen Pomar Tojo Conselleira de Educación, |
Francisco Conde López Conselleiro de Economía, Emprego e Industria e presidente da Axencia Galega de Innovación |
ANEXO I
Axudas concedidas
Universidade da Coruña
Nº expediente |
Univ. |
1º apelido |
2º apelido |
Nome |
Rama de coñecemento |
Nota avaliación |
ED481D 2019/004 |
UDC |
Parga |
Dans |
Eva |
Ciencias Sociais e Xurídicas |
84 |
ED481D 2019/022 |
UDC |
Valdiglesias |
García |
Vanessa |
Ciencias da Saúde |
95 |
ED481D 2019/032 |
UDC |
Veloso |
Freire |
Javier |
Ciencias |
87 |
Universidade de Santiago de Compostela
Nº expediente |
Univ. |
1º apelido |
2º apelido |
Nome |
Rama de coñecemento |
Nota avaliación |
ED481D 2019/026 |
USC |
Blanco |
Rotea |
Rebeca |
Artes e Humanidades |
91 |
ED481D 2019/005 |
USC |
Cañón |
Voirin |
Julio Lisandro |
Artes e Humanidades |
85 |
ED481D 2019/013 |
USC |
Dubert |
Pérez |
Javier |
Ciencias da Saúde |
90 |
ED481D 2019/009 |
USC |
Ferreiro |
Domínguez |
Nuria |
Enxeñaría e Arquitectura |
87 |
ED481D 2019/015 |
USC |
Iglesias |
Amorín |
Alfonso |
Artes e Humanidades |
85 |
ED481D 2019/025 |
USC |
Lendoiro |
Belío |
Elena |
Ciencias da Saúde |
91 |
ED481D 2019/019 |
USC |
López |
Moreira |
Iván |
Enxeñaría e Arquitectura |
88,5 |
ED481D 2019/014 |
USC |
Regos |
Sanz |
Adrián |
Ciencias |
91 |
ED481D 2019/024 |
USC |
Sobral |
Bernal |
María del Mar |
Ciencias |
93 |
ED481D 2019/016 |
USC |
Varela |
Río |
Zulema |
Ciencias |
85 |
Universidade de Vigo
Nº expediente |
Univ. |
1º apelido |
2º apelido |
Nome |
Rama de coñecemento |
Nota avaliación |
ED481D 2019/017 |
UVigo |
Álvarez |
Álvarez |
María Salomé |
Enxeñaría e Arquitectura |
85 |
ED481D 2019/007 |
UVigo |
Arenas |
Lago |
Daniel |
Ciencias |
90 |
ED481D 2019/020 |
UVigo |
Díaz |
Vilariño |
Lucía |
Enxeñaría e Arquitectura |
95 |
ED481D 2019/001 |
UVigo |
Figueiredo |
González |
María |
Ciencias da Saúde |
83,5 |
ED481D 2019/008 |
UVigo |
Gómez |
Yepes |
Alejandro |
Enxeñaría e Arquitectura |
91 |
ED481D 2019/002 |
UVigo |
Reboredo |
Rodríguez |
Patricia |
Ciencias da Saúde |
83,5 |
ED481D 2019/021 |
UVigo |
Sartal |
Rodríguez |
Antonio |
Ciencias Sociais e Xurídicas |
95 |
ANEXO II
Lista de espera
Nº expediente |
Univ. |
1º apelido |
2º apelido |
Nome |
Rama de coñecemento |
Nota avaliación |
ED481D 2019/030 |
UVigo |
Del Val |
García |
Jesús |
Enxeñaría e Arquitectura |
82 |
ED481D 2019/023 |
UVigo |
Copena |
Rodríguez |
Damián |
Ciencias Sociais e Xurídicas |
80 |
ED481D 2019/033 |
UDC |
Nalakath |
Abubackar |
Haris |
Ciencias |
80 |
ED481D 2019/006 |
USC |
Costa |
García |
José Manuel |
Artes e Humanidades |
78 |
ED481D 2019/028 |
UVigo |
Fontán |
Bouzas |
Ángela |
Ciencias |
75 |
ED481D 2019/018 |
USC |
Cortina |
Orero |
Eudald |
Artes e Humanidades |
75 |