Mediante a Resolución do 21 de maio de 2019 desta dirección xeral (Diario Oficial de Galicia núm. 103, do 3 de xuño), convocouse concurso-oposición para o ingreso na categoría de médico/a de familia de atención primaria.
Mediante a Resolución do 16 de setembro de 2019 (Diario Oficial de Galicia núm. 183, do 26 de setembro) publicouse a relación provisional de aspirantes admitidos/as e excluídos/as, así como dos/das exentos/as e non exentos/as da realización do exercicio de lingua galega.
Na base sétima da resolución de convocatoria disponse que o tribunal cualificador do concurso-oposición, único para a categoría, será nomeado pola autoridade convocante cunha antelación mínima dun mes ao da data de realización das probas e que se publicará para este efecto a oportuna resolución no Diario Oficial de Galicia.
De conformidade coa dita base e finalizado o prazo de emenda previsto no número 6.2 desta mesma resolución, este centro directivo, como órgano convocante do proceso,
RESOLVE:
Primeiro. Declarar, con carácter definitivo, os/as aspirantes admitidos/as e excluídos/as, así como os/as exentos/as e non exentos/as da realización do exercicio de lingua galega no concurso-oposición para o ingreso na categoría de médico/a de familia de atención primaria, convocado mediante a Resolución do 21 de maio de 2019.
A lista coa relación definitiva de persoas aspirantes admitidas e excluídas, con indicación do motivo de exclusión, e as declaradas exentas e non exentas da realización do exercicio de lingua galega poderanse examinar na páxina web do Servizo Galego de Saúde (www.sergas.es).
Ademais, o estado de cada solicitude pode ser consultado polo/a solicitante no seu expediente electrónico persoal en Fides/expedient-e/sección de procesos.
Segundo. Nomear os membros do tribunal, titulares e suplentes que xulgarán o proceso selectivo para o acceso á categoría de médico/a de familia de atención primaria e que se relacionan no anexo desta resolución.
Terceiro. Declarar de aplicación a este proceso as normas de funcionamento e actuación dos tribunais e persoal colaborador negociadas e aprobadas na Mesa Sectorial de Sanidade do 20 de xullo de 2018, publicadas á disposición das persoas interesadas na páxina web do Servizo Galego de Saúde (www.sergas.es).
Cuarto. Contra esta resolución as persoas interesadas poderán interpoñer directamente recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa publicación no Diario Oficial de Galicia, de conformidade co disposto nos artigos 8.2 e 10.1 da Lei 29/1998, do 13 de xullo, reguladora da xurisdición contencioso-administrativa.
Potestativamente, e con carácter previo, poderán interpoñer recurso de reposición, ante a Dirección Xeral de Recursos Humanos do Servizo Galego de Saúde, no prazo dun mes contado desde a mesma data.
Santiago de Compostela, 13 de novembro de 2019
Margarita Prado Vaamonde
Directora xeral de Recursos Humanos
ANEXO
|
Médico/a de familia de atención primaria |
|||
|
Presidente/a titular |
Yusty Campo, María |
Persoal estatutario licenciado sanitario |
Médico/a de familia de atención primaria |
|
Secretario/a titular |
Montero Furelos, Mª José |
Persoal estatutario de xestión e servizos |
Grupo técnico da función administrativa |
|
Vogal titular |
Fernández Álvarez, Roberto |
Persoal estatutario licenciado sanitario |
Médico/a de familia de atención primaria |
|
Vogal titular |
Romero Pérez, Elena |
Persoal estatutario licenciado sanitario |
Médico/a de familia de atención primaria |
|
Vogal titular |
López Fernández, Joaquín |
Persoal estatutario licenciado sanitario |
Médico/a de familia de atención primaria |
|
Presidente/a suplente |
Rodiles Ríos, Carlos Javier |
Persoal estatutario licenciado sanitario |
Médico/a de familia de atención primaria |
|
Secretario/a suplente |
López López, Manuel José |
Persoal estatutario de xestión e servizos |
Grupo técnico da función administrativa |
|
Vogal suplente |
Díaz Martínez, Mª Amparo |
Persoal estatutario licenciado sanitario |
Médico/a de familia de atención primaria |
|
Vogal suplente |
Cid Sueiro, Marina |
Persoal estatutario licenciado sanitario |
Médico/a de familia de atención primaria |
|
Vogal suplente |
Rodríguez Campos, José |
Persoal estatutario licenciado sanitario |
Médico/a de familia de atención primaria |
