Medidas provisionais previas á demanda 260/2019
Sobre medidas provisionais
Interveniente, demandante: Ministerio Fiscal, Rosalía Díaz
Procuradora: Ana María López Calvete
Demandado: Rafael Antonio Franco Tunjano
Cédula de notificación.
No procedemento de referencia ditouse a resolución do teor literal seguinte:
Auto número 490/19.
Xuíza/maxistrada xuíza: Laura Guede Gallego.
En Ourense o 24 de abril de 2018.
Antecedentes de feito.
I. A procuradora Sra. López Calvete, en nome de Rosalía Díaz, presentou escrito fronte a Rafael Antonio Franco Tunjano en que se solicitaba que se acordasen determinadas medidas provisionais coetáneas á demanda de garda, custodia e alimentos de fillo menor.
II. Vista a solicitude realizada, este xulgado acordou citar as partes e o Ministerio Fiscal a unha comparecencia para celebrar o 3.4.2018 neste xulgado, que tivo que suspenderse por ser negativa a citación. Realizouse indagación de domicilio, sen que conste outro distinto e sinalouse novamente para o 23.4.2019, mediante edictos.
III. Presentes as partes (non o demandado) no día e hora sinalado para a comparecencia, practicáronse as probas pedidas polas partes que se estimaron pertinentes e útiles, así como a que acordou de oficio este tribunal.
Parte dispositiva.
Acordo:
1. Atribúese a garda e custodia do fillo menor de idade F. (9.6.2009) á demandante.
2. Atribúese o exercicio exclusivo da patria potestade á nai.
3. Suspéndese o réxime de visitas que Rafael Antonio Franco Tunjano puidese ter co seu fillo F.
4. En concepto de alimentos a favor do seu fillo, establécese a obriga do pai de aboar, dentro dos cinco días hábiles de cada mes e na conta que designe a demandante, a suma de 100 euros, que serán anualmente actualizados en función das variacións que experimente o IPC ou índice que o substitúa na data un de xaneiro. Así mesmo, establécese a obriga de aboar o 50 % dos gastos de material escolar que se xeran anualmente no mes de setembro e o 50 % dos gastos extraordinarios diferenciando entre os necesarios (aqueles sanitarios e farmacéuticos non cubertos pola Seguridade Social) e os non necesarios, sendo necesario o consentimento previo para estes últimos e non para os primeiros.
5. Atribúese o uso e desfrute do domicilio que fora familiar ao menor e á súa nai, baixo cuxa custodia queda.
Ponse de manifesto ás partes que as medidas acordadas nesta resolución só subsistirán se dentro dos 30 días seguintes á súa adopción se presenta a demanda correspondente.
Conforme o disposto no artigo 208.4 da LAC en relación co artigo 771.4 da LAC, indícase que a presente resolución é firme e que contra ela non cabe interpoñer recurso ningún.
Acórdao, mándao e asínao Laura Guede Gallego, maxistrada xuíza do Xulgado de Primeira Instancia número 6 desta cidade.
E como consecuencia do ignorado paradoiro de Rafael Antonio Franco Tunjano, expídese o presente edicto para que sirva de cédula de notificación.
Ourense, 24 de outubro de 2019
A letrada da Administración de xustiza