De acordo coa base cuarta da Resolución reitoral do 28 de xuño de 2019 (DOG do 8 de xullo) mediante a que se convocou un proceso selectivo para o ingreso na categoría de técnico/a superior de teledocencia polo sistema de acceso libre, esta reitoría, en uso das competencias atribuídas pola Lei orgánica 6/2001, do 21 de decembro, de universidades, e polos estatutos da Universidade de Vigo,

RESOLVE:

Primeiro. Aprobar a relación provisional de persoas aspirantes admitidas e excluídas no devandito proceso de selección, ordenando a súa publicación no taboleiro de anuncios do Rexistro Xeral da Universidade de Vigo (edificio Exeria, Campus de Vigo) e no seguinte enderezo: https://www.uvigo.gal/universidade/administracion-persoal/pas/traballar-uvigo.

Segundo. Consonte a base cuarta da convocatoria, as persoas aspirantes excluídas ou que non figuren na relación de admitidas disporán dun prazo de dez (10) días hábiles, contados a partir do seguinte ao da publicación desta resolución no DOG, para poderen emendar o defecto que motivara a exclusión ou a omisión. Quen dentro do prazo sinalado non emende a exclusión ou alegue a omisión, xustificando o dereito a ser incluído/a na relación de persoas admitidas, será definitivamente excluído/a do proceso selectivo.

Terceiro. Publicar a composición do tribunal cualificador que terá a categoría primeira das recollidas no Decreto 144/2001, do 7 de xuño (DOG do 25 de xuño).

• Tribunal titutar:

Presidencia: Alma María Gómez Rodríguez, profesora titular da Universidade de Vigo.

Vogais:

Ángel Fernández Leal, técnico superior de Informática da Universidade da Coruña.

Arturo Casar Sarasola, técnico superior de Tecnoloxías da Información e Comunicacións da Universidade de Vigo.

Celso Campos Bastos, profesor titular da Universidade de Vigo.

Secretaría: Alejandra Vilas Rodríguez, subdirectora da Área de Tecnoloxías da Información e Comunicacións da Universidade de Vigo.

• Tribunal suplente:

Presidencia: José Juan Pazos Arias, catedrático da Universidade de Vigo.

Vogais:

Ana María Peña Cabanas, técnica superior de Teleformación da Universidade da Coruña.

Pablo Fernández Baladrón, técnico superior de Tecnoloxías da Información e Comunicacións da Universidade de Vigo.

Pedro Cuesta Morales, profesor titular da Universidade de Vigo.

Secretaría: Juan Aguiar Fernández, director da Área de Tecnoloxías da Información e Comunicacións da Universidade de Vigo.

Vigo, 25 de novembro de 2019

Manuel Joaquín Reigosa Roger
Reitor da Universidade de Vigo