Resolución da Alcaldía nº 974/2019, do 2 de decembro de 2019, pola que se aproban as bases e a convocatoria para a contratación, en réxime de persoal laboral fixo, de dúas (2) prazas de operario/a de servizos múltiples, mediante o sistema de concurso-oposición.

A Resolución da Alcaldía nº 974/2019, do 2 de decembro de 2019, aprobou as bases e a convocatoria para a contratación, en réxime de persoal laboral fixo, de dúas (2) prazas de operario de servizos múltiples, mediante o sistema de concurso-oposición. O prazo de presentación de solicitudes será de vinte (20) días hábiles, contados desde o día seguinte ao da publicación do anuncio no Boletín Oficial del Estado e no Portal de transparencia deste concello.

No Boletín Oficial da provincia da Coruña publicaranse integramente as bases da convocatoria. As prazas teñen as seguintes características:

Praza. Denominación	Operario/a de servizos múltiples
Tipo persoal	Persoal laboral fixo
Corpo/escala	Oficial
Grupo/subgrupo	C/C2
Sistema selectivo	Concurso-oposición
Sistema de acceso	Libre
Número de prazas	2

Os sucesivos anuncios relativos ao desenvolvemento do proceso selectivo efectuaranse no taboleiro de anuncios da Corporación, na páxina web municipal www.teo.gal e no Portal de transparencia do Concello de Teo https://www.teo.gal/gl/transparencia.

Teo, 4 de decembro de 2019

Rafael C. Sisto Edreira
Alcalde