Na sesión que tivo lugar o día 10 de xaneiro de 2020, o tribunal nomeado pola Orde do 30 de setembro de 2019 (DOG núm. 195, do 14 de outubro), adoptou os seguintes acordos:
Primeiro. O quinto exercicio deste proceso selectivo correspondente ao recoñecemento médico realizarase nas instalacións de Cualtis, S.L.U., sitas en:
– Sede de Santiago de Compostela: Vía Pasteur, 45, polígono do Tambre, 15890.
– Sede da Coruña: avenida Fisterra, 265 A, 1º, 15008.
– Sede de Pontevedra: Paseo de Colón, 7, 36002.
– Sede de Vigo: rúa Padre Seixas, 34, baixo, 36209.
Levaranse a cabo os días 23, 24 e 27 de xaneiro de 2020, nas datas e horas concretas que para cada aspirante se publicarán na páxina web da Agasp.
Segundo. Á realización desta proba quedan convocadas as persoas declaradas aptas no cuarto exercicio publicadas no anexo I da Resolución do 30 de decembro de 2019 deste tribunal.
Terceiro. As persoas aspirantes que teñen que realizar esta proba deberán ir provistas de DNI ou documento fidedigno que acredite a súa identidade, a xuízo do tribunal.
A Estrada, 13 de xaneiro de 2020
Alejandro Tuero González
Presidente do tribunal