Advertida unha redacción non coincidente entre o artigo 2.3 e o artigo 4.1.b) do anexo I e o punto 5 do anexo VI da citada orde, publicada no Diario Oficial de Galicia número 36, do 21 de febreiro de 2020, cómpre efectuar a seguinte corrección:

Na páxina 12713, onde di:

«3. Que non fosen contratados por unha universidade do SUG, baixo ningunha modalidade de contratación, nos 24 meses anteriores á data límite de presentación de solicitudes».

Debe dicir:

«3. Que non fosen contratados baixo ningunha modalidade de contratación, nos 24 meses anteriores á data límite de presentación de solicitudes:

1) Polas universidades do SUG.

2) Polos organismos públicos de investigación de Galicia.

3) Polas fundacións de investigación sanitaria de Galicia (Fundación Instituto de Investigación Sanitaria de Santiago de Compostela, Fundación Profesor Novoa Santos e Fundación Biomédica Galicia Sur).

4) Polos centros do CSIC (Consello Superior de Investigacións Científicas) e do IEO (Instituto Español de Oceanografía) radicados en Galicia.

5) Unha institución ou organismo do I+D+i galego».