Mediante a Orde do 22 de xuño de 2020 (DOG nº 127, do 29 de xuño) establecéronse as bases reguladoras e convocouse o procedemento para adxudicar o uso das residencias xuvenís dependentes da Consellería de Política Social para favorecer, por parte de entidades xuvenís, a programación de actividades do ámbito do ocio e tempo libre durante a campaña de verán 2020, nos termos establecidos na orde e coa distribución de prazas recollida no seu anexo I.
De conformidade co disposto no artigo 8.5 da orde de convocatoria, o órgano competente para resolver é a Dirección Xeral de Xuventude, Participación e Voluntariado, por delegación da persoa titular da Consellería de Política Social.
Así mesmo, o artigo 9 da citada orde establece que se publicarán no Diario Oficial de Galicia (DOG), de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e as correspondentes resolucións deste procedemento. Esta publicación producirá os efectos de notificación.
Polo exposto,
RESOLVO:
Primeiro. Ordenar a publicación no Diario Oficial de Galicia do contido íntegro da Resolución do 9 de xullo de 2020, ditada no procedemento BS304B, relativa á adxudicación do uso de residencias xuvenís ao abeiro da Orde do 22 de xuño de 2020 pola que se regula o uso das residencias xuvenís dependentes da Consellería de Política Social para favorecer, por parte de entidades xuvenís, a programación de actividades do ámbito do ocio e tempo libre durante a campaña de verán 2020.
Segundo. Comunicar que a Resolución do 9 de xullo de 2020 que finaliza este procedemento esgota a vía administrativa e contra ela pode interporse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1988, do 13 de xullo, reguladora da xurisdición contencioso-administrativa, no prazo de dous meses contados a partir do día seguinte ao da súa notificación a través desta publicación no Diario Oficial de Galicia.
Non obstante, poderá interporse potestativamente recurso de reposición, ante o mesmo órgano que a ditou, no prazo dun mes contado a partir do día seguinte ao da súa notificación a través desta publicación no Diario Oficial de Galicia, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 10 de xullo de 2020
Cristina Pichel Toimil
Directora xeral de Xuventude, Participación e Voluntariado
ANEXO
Resolución do 9 de xullo de 2020, ditada no procedemento BS304B, relativa á adxudicación do uso de residencias xuvenís ao abeiro da Orde do 22 de xuño de 2020 pola que se regula o uso das residencias xuvenís dependentes da Consellería de Política Social para favorecer, por parte de entidades xuvenís, a programación de actividades do ámbito do ocio e o tempo libre durante a campaña de verán 2020.
Mediante a Orde do 22 de xuño de 2020 (DOG nº 127, do 29 de xuño) establecéronse as bases reguladoras e convocouse o procedemento para adxudicar o uso das residencias xuvenís dependentes da Consellería de Política Social para favorecer, por parte de entidades xuvenís, a programación de actividades do ámbito do ocio e o tempo libre durante a campaña de verán 2020, nos termos establecidos na orde e coa distribución de prazas recollida no anexo I desta.
Unha vez comprobadas as solicitudes polo Instituto da Xuventude de Galicia, órgano instrutor do procedemento, a comisión de valoración prevista no artigo 8 da orde de convocatoria avaliou as solicitudes admitidas a trámite de acordo cos criterios de adxudicación que se recollen no artigo 7.
Á vista do expediente e da acta da comisión de valoración, o órgano instrutor formulou a proposta de resolución conforme o regulado no artigo 8.
Esta Dirección Xeral de Xuventude, Participación e Voluntariado é competente para resolver, por delegación da conselleira de Política Social, segundo o disposto no artigo 8.5 da orde de convocatoria.
Con base no exposto,
RESOLVO:
Primeiro. Adxudicar o uso temporal de residencias xuvenís para favorecer a programación de actividades do ámbito do ocio e o tempo libre durante a campaña de verán 2020 ás entidades relacionadas no anexo, nos termos que se expoñen na dita relación.
Segundo. As entidades adxudicatarias deberán cumprir as obrigas previstas nos artigos 11, 12 e 13 da Orde do 22 de xuño de 2020.
A documentación indicada nos citados artigos deberán presentala no Servizo de Xuventude e Voluntariado da Xefatura Territorial da Consellería de Política Social correspondente á provincia en que estea a instalación adxudicada, conforme o sinalado nos artigos 11 e 12 da orde.
Se transcorridos os prazos que se indican nos citados artigos non se cumprisen as obrigas correspondentes, declararase, mediante a oportuna resolución, o incumprimento das condicións da resolución de adxudicación e a desistencia da solicitude.
Terceiro. A presente resolución esgota a vía administrativa e contra ela pode interporse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1988, do 13 de xullo, reguladora da xurisdición contencioso-administrativa, no prazo de dous meses contados a partir do día seguinte ao da súa notificación.
Non obstante, poderá interporse potestativamente recurso de reposición, ante o mesmo órgano que a ditou, no prazo dun mes contado a partir do día seguinte ao da súa notificación, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Cuarto. A publicación desta resolución producirá os efectos de notificación, nos termos establecidos no artigo 9 da Orde do 22 de xuño de 2020 e no artigo 45 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 9 de xullo de 2020
A conselleira de Política Social; P.D. (Orde do 22.6.2020); Cristina Pichel Toimil, directora xeral de Xuventude, Participación e Voluntariado
ANEXO
Entidades adxudicatarias
Nº de expediente |
Entidade adxudicataria |
Localidade |
Instalación adxudicada |
Datas |
Prazas |
BS304B-2020/01 |
Asoc. Grupo Scout Ilex 695 |
Ourense |
Res. Xuv. Lug I |
15-19 xullo |
30 |
BS304B-2020/02 |
Asoc. Grupo Scout Ilex 695 |
Ourense |
Res. Xuv. Lug I |
19-23 agosto |
30 |
BS304B-2020/03 |
Concello de Touro |
Touro |
Res. Xuv. Lug I |
29 xullo-2 agosto |
30 |