Mediante a Resolución do 3 de febreiro de 2020, desta dirección xeral, convocáronse exames extraordinarios teóricos para a obtención das titulacións que habilitan para o goberno de embarcacións de lecer na Comunidade Autónoma de Galicia (código de procedemento PE616D).
No anexo III da citada resolución recóllese unha epígrafe relativa á convocatoria de decembro en que se establece un prazo de matrícula entre o 16 de outubro e o 27 de outubro, ambos inclusive.
Dado o interese, que se reflicte nunha numerosa presentación de solicitudes para participar no devandito proceso, unido á necesidade de facilitar e favorecer a participación nesta convocatoria, que ademais resulta ser a derradeira do ano en curso, faise necesario establecer un novo prazo de matrícula sen que afecte as solicitudes xa presentadas
Por todo iso, esta dirección xeral, no uso das atribucións que lle confire o Decreto 168/2015, do 13 de novembro, modificado polo Decreto 39/2018, do 3 de abril, polo que se aproba a estrutura orgánica da Consellería do Mar,
ACORDA:
Modificar o anexo III da Resolución de 3 de febreiro de 2020 e establecer un novo prazo de matrícula desde a data de publicación desta resolución no Diario Oficial de Galicia (DOG) ata o día 6 de novembro de 2020 e que non afecta as solicitudes xa presentadas.
Santiago de Compostela, 30 de outubro de 2020
Susana Rodríguez Carballo
Directora xeral de Desenvolvemento Pesqueiro