A Consellería de Política Social convocou, para o ano 2020, a través da Orde do 8 de xaneiro de 2020, as subvencións para entidades de acción voluntaria e entidades locais enmarcadas no programa Voluntariado Sénior (DOG núm. 22, do 3 de febreiro).
O artigo 17 da orde de convocatoria establece o prazo e a forma de presentación da xustificación das axudas concedidas. A data límite para a presentación da xustificación estableceuse o día 8 de novembro de 2020.
Así mesmo, nos números 2 e 3 do artigo 17 da orde determínase a documentación complementaria necesaria para a tramitación do procedemento para as entidades de acción voluntaria e para as entidades locais beneficiarias, respectivamente.
Unha vez revisadas as xustificacións presentadas ao abeiro da dita orde de convocatoria polo órgano encargado da instrución, identificáronse aquelas que non reúnen a documentación necesaria, ben por non tela presentado ben por conter erros ou por non ser suficiente para a determinación do cumprimento das condicións impostas e da consecución dos obxectivos previstos no acto da concesión da subvención.
O artigo 18 da dita orde establece que, transcorrido o prazo establecido de xustificación sen se ter presentado esta ante o órgano administrativo competente, este requirirá o beneficiario para que no prazo improrrogable de dez días a presente para os efectos previstos neste artigo. No dito artigo establece que a falta de presentación da xustificación no dito prazo comportará a perda do dereito ao cobramento total ou parcial da subvención, a exixencia do reintegro e demais responsabilidades establecidas na Lei 9/2007, do 13 de xuño, de subvencións de Galicia. A presentación da xustificación no dito prazo adicional non eximirá o beneficiario das sancións que, conforme a lei, correspondan.
Así mesmo, o artigo 15 da orde de convocatoria establece que se publicarán no Diario Oficial de Galicia (DOG), de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e as correspondentes resolucións deste procedemento e que esta publicación producirá os efectos de notificación.
Por todo o exposto,
RESOLVO:
1. Ordenar a publicación no Diario Oficial de Galicia da relación de entidades beneficiarias requiridas para emendar as xustificacións que non están debidamente completadas e/ou presentar a documentación preceptiva exixida segundo o establecido nas bases reguladoras. Esta relación figura como anexo desta resolución.
2. Facer indicación expresa a todas as entidades beneficiarias recollidas no anexo, que son requiridas para que, no prazo de dez (10) días, contados a partir do día seguinte ao da publicación desta resolución no Diario Oficial de Galicia (DOG), emenden a falta ou acheguen os documentos preceptivos conforme se establece na orde de convocatoria recollidos no dito anexo. De non o facer, de conformidade co artigo 18.3 da orde, co artigo 28.10 da Lei 9/2007, do 13 de xuño, e co artigo 45 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, comportará a perda do dereito ao cobramento total ou parcial da subvención, a exixencia do reintegro e demais responsabilidades que correspondan.
3. En caso de dúbida, dificultades técnicas ou necesidade de máis información durante o proceso de emenda da documentación das xustificacións, poderán dirixirse á Consellería de Política Social a través dos teléfonos 981 95 79 20 ou 881 99 65 30.
Santiago de Compostela, 10 de decembro de 2020
Cristina Pichel Toimil
Directora xeral de Xuventude, Participación e Voluntariado
ANEXO
Entidades de acción voluntaria e entidades locais enmarcadas
no programa Voluntariado Sénior
Nº exp. |
Solicitante |
NIF da entidade |
Documentación requirida |
BS508C 2020/012 |
Asociación de Familiares de Enfermos de Alzhéimer de Ourense, Afaor |
G32198970 |
– Completar solicitude de inscrición das experiencias voluntarias e dos certificados de experiencias voluntarias (artigo 17.2.a). |
BS508C 2020/021 |
Natural Ardai, Terapia, Ocio y Formación |
G32456097 |
– Anexos II , IV e V. – Xustificación de ter solicitado a inscrición das experiencias voluntarias e dos certificados das experiencias (artigo 17.2.a). – Memoria explicativa das actividades realizadas (artigo 17.2.a). – Memoria económica (artigo 17.2.b). – Certificacións de estar ao día nas obrigas coa Axencia Estatal de Administración Tributaria. – Relación nominal de persoas voluntarias (artigo 15.8). |
BS508C 2020/029 |
Asociación Protectora de Animais Os Biosbardos |
G27753268 |
– Xustificación de ter solicitado a inscrición das experiencias voluntarias e dos certificados das experiencias (artigo 17.2.a). – Anexo II: debidamente asinado. – Anexo IV: debidamente asinado e revisar datos das persoas voluntarias e gasto total dos seguros. – Memoria económica: revisar gasto dos seguros de responsabilidade civil e accidentes. |
BS508C 2020/036 |
Concello de Mos |
P3603300I |
– Completar solicitude de inscrición das experiencias voluntarias e dos certificados das experiencias (artigo 17.3.a). |
BS508C 2020/037 |
Concello da Veiga |
P3208400F |
– Completar solicitude de inscrición das experiencias voluntarias e dos certificados das experiencias (artigo 17.3.a). |
BS508C 2020/044 |
Fundación Banco Farmacéutico de Galicia |
G70558887 |
– Anexo II: revisar sinaturas. – Anexo IV: revisar sinaturas, presentar TC II das nóminas imputadas, rectificar o número de matrícula na declaración responsable sobre os gastos de combustible e presentar xustificante de pagamento das facturas de combustible á Fundación Amigos de Galicia. – Presentar os xustificantes de pagamento dos seguros para acreditar a cobertura durante toda a execución do proxecto (artigo 17.2.d.3º). – Memoria económica: rectificar cálculo da nómina de outubro, usando só o líquido. – Certificacións de estar ao día nas obrigas coa Axencia Estatal de Administración Tributaria. |
BS508C 2020/050 |
Fundación Eduardo Pondal |
G70262951 |
– Memoria económica: engadir os gastos de seguros e das persoas voluntarias. – Completar solicitude de inscrición das experiencias voluntarias e dos certificados de experiencias voluntarias (artigo 17.2.a). – Certificacións de estar ao día nas obrigas coa Axencia Estatal de Administración Tributaria. |