Eu, Benita María Gándara Valije, letrada da Administración de xustiza do Xulgado de Primeira Instancia e Instrución número 3 de Vilagarcía de Arousa, fago saber que no presente procedemento, seguido por instancia de Maria Dolores García Martínez, se ditou sentenza, cuxa parte dispositiva é a seguinte.
Sentenza 76/2020
Vilagarcía de Arousa, 9 de outubro de 2020
Parte dispositiva
Que debo estimar e estimo parcialmente a demanda interposta por María Dolores García Martínez, representada polo procurador dos tribunais Miguel Ángel Palacios Palacios, contra Fernando Viñals Rodríguez, en rebeldía procesual, coa intervención do Ministerio Fiscal, e acordo a adopción das seguintes medidas:
1. Atribución da garda e custodia da filla menor, Nerea Viñals García, á nai, Mª Dolores García Martínez, con exercicio exclusivo da patria potestade.
2. Non se establece ningún réxime de visitas a favor do pai.
3. Establecemento dunha pensión de alimentos a favor da filla menor, Nerea Viñals García, e a cargo do pai, Fernando Viñals Rodríguez, de 250 euros mensuais, que deberá ser aboado por anticipado, nos primeiros 5 días de cada mes, na conta que designe a demandante. A dita pensión actualizarase anualmente conforme o IPC dos 12 meses anteriores.
4. Gastos extraordinarios. Serán aboados ao 50 % por ambos os dous proxenitores, entendendo por tales os recollidos nos fundamentos de dereito desta resolución.
Non procede facer especial pronunciamento sobre custas.
Notifíquese a presente resolución ás partes e fágaselles saber que non é firme e contra ela cabe recurso de apelación en ambos os dous efectos, que se interpoñerá ante este xulgado no termo dos vinte días seguintes ao da notificación desta resolución, e do que coñecerá, se é o caso, a Audiencia Provincial de Pontevedra.
Lévese esta resolución ao libro de sentenzas e autos definitivos e déixese testemuño nas actuacións.
Así, por esta miña sentenza, acórdoo, mándoo e asínoo.
E como consecuencia do ignorado paradoiro de Fernando Viñals Rodríguez, esténdese o presente edicto para que lle sirva de notificación en forma.
Vilagarcía de Arousa, 2 de decembro de 2020
A letrada da Administración de xustiza
