De conformidade co disposto no artigo 15.1 da Lei 9/2007, do 13 de xuño, de subvencións de Galicia, e no artigo 17.1 da Lei 1/2016, do 18 de xaneiro, de transparencia e bo goberno, publícanse as subvencións concedidas ao abeiro da Resolución do 19 de decembro de 2019, da Secretaría Xeral da Igualdade, con expresión da convocatoria, o programa e o crédito orzamentario, a entidade beneficiaria, a contía e a finalidade.
Mediante a Resolución do 19 de decembro de 2019, da Secretaría Xeral da Igualdade, establecéronse as bases reguladoras e a convocatoria para o ano 2020 das axudas a asociacións de nais e pais de alumnado (ANPA) legalmente constituídas e a federacións ou confederacións de ANPA, dos centros educativos sustentados con fondos públicos da Comunidade Autónoma de Galicia, para a realización de programas de actividades de promoción da igualdade entre mulleres e homes, e de prevención e rexeitamento da violencia contra as mulleres, dirixidas ao alumnado de centros educativos non universitarios, ás familias, ás ANPA e á comunidade educativa, en desenvolvemento do Pacto de Estado contra a violencia de xénero.
As accións subvencionables ao abeiro desta convocatoria son a realización de programas e actividades de difusión, información e formación para a promoción da igualdade e a prevención da violencia de xénero, que realicen as ANPA, federacións e confederacións de ANPA, dirixidos ao alumnado de centros educativos non universitarios, ás familias e á comunidade educativa, no marco do Pacto de Estado contra a violencia de xénero, realizadas entre o 1 de decembro de 2019 e o 30 de novembro de 2020, e que respondan a algunha ou algunhas das seguintes tipoloxías previstas nas medidas do Pacto de Estado contra a violencia de xénero do eixe 1:
a) Escolas de pais e nais e/ou formación para as familias en temas de igualdade, de educación afectivo-sexual (aspectos fisiolóxicos e afectivo-emocionais) e sobre violencia de xénero.
b) Elaboración de materiais informativos para nais e pais, que lles axuden a detectar a violencia de xénero de que poden ser vítimas ou agresores as súas fillas ou os seus fillos adolescentes.
c) Realización de accións de formación, sensibilización e difusión contra a cousificación do corpo das mulleres e contra a hipersexualización das nenas.
d) Formación para pais e nais e/ou para mozas e mozos sobre o uso adecuado e crítico da internet e as novas tecnoloxías, especialmente na protección da privacidade e sobre os ciberdelitos (stalking, sexting, grooming, etc.).
e) Accións de formación coas familias e/ou alumnado sobre novas masculinidades para romper cos micromachismos e cos comportamentos machistas adquiridos polos estereotipos.
f) Outras accións de formación e información para nais e pais que sensibilicen as familias sobre os estereotipos persistentes na sociedade e tamén no eido educativo e sobre pautas para previr a violencia de xénero, ou para detectala, e que se dean a coñecer entre as familias os protocolos existentes nos casos de agresións ou violencia contra as mozas.
Crédito orzamentario: para o financiamento das axudas previstas nesta convocatoria destínase crédito por importe total de catrocentos mil euros (400.000 €), con cargo á aplicación 05.11.313D.481.2, código de proxecto 2018 00112, dos orzamentos xerais da Comunidade Autónoma de Galicia para o ano 2020.
As entidades beneficiarias da subvención, así como o importe concedido a cada unha delas, reflíctense no anexo desta resolución.
Santiago de Compostela, 23 de decembro de 2020
José Ramón Pardo Cabarcos
Secretario xeral técnico da Consellería de Emprego e Igualdade
ANEXO
Subvencións concedidas ao abeiro da convocatoria do ano 2020
|
CIF |
Entidade solicitante |
Denominación do programa |
Concedido |
|
G32250565 |
ANPA do CEIP de Quins |
Igualdade e prevención desde nenas/os |
4.000,00 € |
|
G32147522 |
ANPA do Instituto número 4 O Couto |
Atopándonos na diversidade |
1.100,00 € |
|
G32154668 |
ANPA CEIP Ramón Otero Pedrayo de Amoeiro |
Educación afectivo-sexual |
4.000,00 € |
|
G32116501 |
ANPA IES Xesús Ferro Couselo |
Equality 3.0: coeducando nas emocións |
4.000,00 € |
|
G32102394 |
ANPA Airiña |
Allariz con igualdade II |
3.753,70 € |
|
G32298671 |
ANPA CEIP Amaro Refojo |
Vexo vexo... A igualdade |
6.947,50 € |
|
G32173312 |
ANPA Ben-Cho-Shey |
Construíndo igualdade |
4.000,00 € |
|
G32228132 |
ANPA Rosalía de Castro |
Igualimia |
4.000,00 € |
|
G32181208 |
ANPA CEIP Carlos Casares |
Sementando igualdade no Carlos Casares |
3.634,55 € |
|
G32223703 |
APA do CEIP Otero Novas |
Ciclo de actividades de igualdade |
2.122,30 € |
|
G32174302 |
ANPA CEIP A Ponte |
Igualdade 3.0 desmontando estereotipos |
4.000,00 € |
|
G32013203 |
ANPA O Areal |
Prevención e loita contra a violencia |
2.800,00 € |
|
G32025538 |
Federación de ANPA de colexios privados e concertados de Ourense |
Embaixadoras da igualdade |
7.000,00 € |
|
G32211914 |
ANPA do CEIP Bibei de Viana do Bolo |
Igualdade e prevención no CEIP Bibei |
1.750,00 € |
|
G32025413 |
ANPA do Colexio Vila do Arenteiro |
Proxecto Vilaigualdade 2020 |
3.073,40 € |
|
G32350605 |
ANPA do CEIP plurilingüe de Luintra |
Taller sobre internet e novas tecnoloxías |
400,00 € |
|
G32503310 |
ANPA Conservatorio de Verín |
A igualdade tócanos a todos |
4.000,00 € |
|
G32126450 |
APA Castromao |
Rosa e azul igual a violeta |
4.000,00 € |
|
G32118036 |
ANPA A Galocha |
I laboratorio antiheroes |
4.000,00 € |
|
G32009037 |
Federación provincial de ANPA da provincia de Ourense as Burgas |
Escola de nais e pais pola igualdade |
7.000,00 € |
|
Total concesión 75.581,45 € |
|||
