Eu, Patricia Raposo Fernández, letrada da Administración de xustiza do Xulgado de Primeira Instancia número 2 de Pontevedra, mediante o presente edicto, anuncio:

Neste procedemento, seguido por instancia de María Belén Fuentes Conles e Jaime Moíño Vaamonde fronte a Sebastián Fernández López e Leticia Lemos Urgal, ditouse Sentenza do día 4 de decembro de 2020 cuxa resolución é do teor literal seguinte:

«Que admito a demanda interposta polo procurador Sr. López, en nome e representación de María Belén Fuentes Conles e Jaime Moíño Vaamonde, contra Sebastián Fernández López e Leticia Lemos Urgal, e condeno a Sebastián Fernández López e Leticia Lemos Urgal a pagarlles solidariamente a María Belén Fuentes Conles e Jaime Moíño Vaamonde a suma de 10.579,55 euros, máis os xuros legais da devandita cantidade desde o 16 de xullo de 2019 ata a data desta resolución, e, desde esta, os sinalados no artigo 576 da LAC.

Declárase expresamente compensada a fianza de 380 euros.

Impóñenselles as custas a Sebastián Fernández López e Leticia Lemos Urgal.

Notifíqueselles a presente resolución ás partes, prevíndoas de que contra ela poderá interporse recurso de apelación ante este xulgado no prazo de vinte días».

E estando o devandito demandado, Sebastián Fernández López, en paradoiro descoñecido, expídese o presente edicto co fin de que lle sirva de notificación na forma a este.

Pontevedra, 16 de decembro de 2020

A letrada da Administración de xustiza