Para os efectos de darlle cumprimento ao solicitado polo Xulgado do Contencioso-Administrativo número 2 de Vigo, en relación co procedemento abreviado número 342/2020, interposto por Lucía Fernández García, contra a desestimación por silencio administrativo do recurso extraordinario de revisión, interposto contra a resolución ditada polo director da Axencia de Protección da Legalidade Urbanística o 6.11.2015, en que se ordena a restitución das cousas e a súa reposición ao estado anterior da comisión da infracción, procedendo a demolición das obras de construción dunha edificación e grella no lugar de Area Brava, concello de Cangas, dentro da zona de servidume de protección do dominio público marítimo terrestre, expediente POL/148/2014, nun prazo de tres meses, así como do resto das resolución derivadas da dita resolución, esta dirección resolveu ordenar a remisión do correspondente expediente ao Xulgado do Contencioso-Administrativo número 2 de Vigo.

Ao non poder realizarse a notificación persoal do emprazamento, mediante a presente cédula (que ao abeiro do disposto no artigo 44 da Lei 39/2015, do procedemento administrativo común das administracións públicas –LPACAP–, notifícase por medio dun anuncio publicado no Boletín Oficial del Estado) emprázase a Lino José Muíños Vázquez para que poida presentarse como interesado nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 11 de xaneiro de 2021

Jacobo Hortas García
Director da Axencia de Protección da Legalidade Urbanística