Visto o expediente instruído para os efectos de transmisión das bateas Carmen II e V.R. I e das concesións administrativas que as amparan, resulta:
a) Antecedentes de feito.
Primeiro. Mediante escrito do 5 de xaneiro de 2021, Elisa Piñeiro Fernández e José González González solicitaron autorización para a transmisión mortis causa, mediante pacto de mellora, das concesións administrativas e das bateas Carmen II e V.R. I.
Segundo. As persoas interesadas achegaron a documentación requirida para a tramitación.
b) Consideracións legais e técnicas.
Primeira. Este órgano é competente para resolver o expediente, de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro); e coa Orde do 8 de setembro de 2017, de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.
Segunda. A Lei 2/2006, do 14 de xuño, de dereito civil de Galicia, nos seus artigos 209 e seguintes regula os pactos sucesorios como negocios mortis causa, e con forma de pactos de apartación ou de mellora.
Terceira. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, pola que se aproba o Regulamento dos viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:
Autorizar a transmisión mortis causa mediante pacto de mellora en pro indiviso ordinario, por metades e iguais partes, a favor de David González Piñeiro (***1264**) e María Elisa González Piñeiro (***3464**), das concesións administrativas e das bateas que se indican a seguir:
Identificación:
Tipo: batea.
Nome: Carmen II.
Situación:
Cuadrícula nº: 7.
Polígono: E.
Distrito: Cangas (Pontevedra).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 29.9.1967.
Remate da vixencia: 15.12.2029.
Actuais titulares: Elisa Piñeiro Fernández (***5386**) e José González González (***3111**).
Novos titulares: David González Piñeiro (***1264**) e María Elisa González Piñeiro (***3464**).
Identificación:
Tipo: batea.
Nome: V.R. I.
Situación:
Cuadrícula nº: 63.
Polígono: B.
Distrito: Redondela (Pontevedra).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 21.9.1957.
Remate da vixencia: 15.12.2029.
Actuais titulares: Elisa Piñeiro Fernández (***5386**) e José González González (***3111**).
Novos titulares: David González Piñeiro (***1264**) e María Elisa González Piñeiro (***3464**).
Os novos titulares da concesión subróganse nos dereitos e obrigas dos anteriores, desde o momento de formalización da compravenda en escritura pública.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 11 de xaneiro de 2021
A conselleira do Mar
P.D. (Orde do 8.9.2017)
A xefa territorial de Vigo
P.A. (Resolución do 17.10.2017)
Carmen de Benito Caula
Xefa do Servizo de Recursos Mariños