O Plan territorial de continxencias por contaminación mariña accidental de Galicia, Plan Camgal, naceu no 2012 para dar unha resposta áxil e coordinada ante unha eventual continxencia por contaminación. Recolle un conxunto de normas e procedementos básicos de actuación, a estrutura de organización e o sistema de resposta das administracións públicas fronte a un episodio de contaminación mariña accidental que se produza ou afecte o litoral da nosa Comunidade Autónoma.
O Plan Camgal foi revisado no ano 2016 para adaptalo ao Sistema Nacional de Resposta, que é posterior ao Camgal (publicado no BOE en xaneiro de 2013).
Tendo en conta que as modificacións que había que realizar afectaban case a totalidade dos artigos, o grupo de traballo da comisión de revisión optou pola elaboración dun novo decreto, o Decreto 135/2016, do 6 de outubro, polo que se regulan a estrutura e a organización do Plan territorial de continxencias por contaminación mariña accidental da Comunidade Autónoma de Galicia (publicado no DOG o 25 de outubro de 2016).
Por este motivo, a Consellería do Mar, responsable do Plan Camgal, tendo en conta a revisión que xa fixo para a elaboración do Decreto 135/2016, levou a cabo a redacción dos novos textos que constitúen os capítulos do Plan Camgal, coa participación de todos os órganos directivos involucrados nel.
A revisión do plan foi aprobada polo Consello da Xunta de Galicia na súa reunión do 28 de xaneiro de 2021, polo que
RESOLVO:
Facer público o acordo do Consello da Xunta de Galicia, adoptado na súa reunión do día 28 de xaneiro de 2021, que a seguir se transcribe:
Aprobar a revisión do Plan territorial de continxencias por contaminación mariña accidental da Comunidade Autónoma de Galicia, que se atopa dispoñible no seguinte enlace: www.plancamgal.gal
Santiago de Compostela, 3 de febreiro de 2021
Rosa María Quintana Carballo
Conselleira do Ma