No Boletín Oficial da provincia núm. 1, do 4 de xaneiro de 2021, con rectificación no Boletín Oficial da provincia núm. 11, do 19 de xaneiro de 2021, publicáronse as bases xerais e específicas de varios procesos selectivos convocados para cubrir as seguintes prazas e postos vacantes no cadro de persoal funcionario e de persoal laboral fixo da Deputación Provincial de Pontevedra, incluídos nas ofertas de emprego público dos anos 2017 e 2018:
– Unha praza de técnica/o especialista en Arquivo e Biblioteca, encadrada na escala de Administración especial, subescala técnica, clase técnica/o auxiliar, integrada no grupo C1, polo sistema de oposición libre.
– Unha praza de técnica/o informática/o GIS, encadrada na escala de Administración especial, subescala técnica, clase técnica/o auxiliar, integrada no grupo C1, polo sistema de oposición libre.
– Unha praza de encargado/a coordinador/a de brigadas, encadrada na escala de Administración especial, servizos especiais, clase persoal de oficios, subclase encargados/as, integrada no grupo C2, polo sistema de oposición libre.
– Dúas prazas de condutor/a maquinista, encadradas na escala de Administración especial, subescala servizos especiais, clase persoal de oficios, subclase oficiais, integradas no grupo C2, polo sistema de oposición libre.
– Unha praza de oficial/a de mantemento, encadrada na escala de Administración especial, subescala servizos especiais, clase persoal de oficios, subclase oficiais, integrada no grupo C2, polo sistema de oposición libre.
– Dúas prazas de subalterna/o, encadradas na escala de Administración xeral, subescala subalterna, integradas no grupo E, polo sistema de oposición libre. Reservadas a persoas con discapacidade intelectual.
– Unha praza de axudanta/e de control e vixilancia, encadrada na escala de Administración especial, servizos especiais, clase persoal de oficios, subclase axudantas/es, integrada no grupo E, polo sistema de oposición libre.
– Un posto de traballo de técnica/o informática/o de NN.TT., clasificado como persoal laboral fixo, grupo C1, polo sistema de oposición libre.
O prazo de presentación de solicitudes será de vinte (20) días naturais, contados desde o día seguinte ao da publicación deste anuncio no Boletín Oficial del Estado.
Os sucesivos anuncios referentes a esta convocatoria, cando proceda de conformidade coas bases, faranse públicos no Boletín Oficial da provincia.
Pontevedra, 22 de xaneiro de 2021
|
A presidenta da Deputación Provincial de Pontevedra P.D. (R.P. 2019012988, do 15.7.2019 Carlos López Pont Deputado delegado da Área de Economía, Facenda |
Carlos Cuadrado Romay Secretario da Deputación Provincial de Pontevedra |
