Eu, Raquel Blanco Pérez, letrada da Administración de xustiza do Xulgado de Primeira Instancia número 6 de Ourense, polo presente anuncio que no presente procedemento seguido por instancia de Roberto Sánchez Fernández fronte a María Lourdes Pardo Prol ditouse sentenza cuxo teor literal é o seguinte:
«Sentenza 1165/2020.
Xuíz que a dita: Luis Doval Pérez.
Lugar: Ourense.
Data: vinte e tres de novembro de dous mil vinte.
Luis Doval Pérez, maxistrado xuíz de reforzo do Xulgado de Primeira Instancia número 6 de Ourense, viu os presentes autos sobre divorcio contencioso, promovidos por Roberto Sánchez Fernández, representado pola procuradora Begoña Pérez Vázquez e asistido polo letrado Ignacio Marquina García, contra María Lourdes Pardo Prol, en situación de rebeldía procesual.
Decido que debo estimar e estimo a demanda interposta pola procuradora Begoña Pérez Vázquez, e decreto a disolución por divorcio do matrimonio celebrado entre Roberto Sánchez Fernández e María Lourdes Pardo Prol, con todos os efectos legais inherentes a tal declaración.
Unha vez firme, inscríbase a presente resolución no Rexistro Civil, á marxe da inscrición de matrimonio cuxa copia figura unida ás actuacións. Expídase para tal efecto o oportuno mandamento.
Non se efectúa expresa imposición de custas.
Notifíquese ás partes esta sentenza, facéndolles saber que non é firme e contra ela cabe recurso de apelación, que deberán interpoñer ante este xulgado dentro dos vinte días seguintes á súa notificación, para a súa resolución pola Audiencia Provincial de Ourense, logo de consignación do depósito previsto na disposición adicional décimo quinta da LOPX.
Así, por esta miña sentenza, pronúncioo, mándoo e asínoo».
E encontrándose a devandita demandada, María Lourdes Pardo Prol, en paradoiro descoñecido, expídese o presente edicto co fin de que lle sirva de notificación en forma a esta.
Ourense, 24 de novembro de 2020
A letrada da Administración de xustiza