Eu, Marina Pilar García de Evan, letrada da Administración de xustiza do Xulgado do Social número 1 de Santiago de Compostela, fago saber que, mediante a resolución ditada no día da data, no proceso seguido por instancia de José Manuel Barreiro Antelo contra Hermanos Ferrín, S.L.; Empresa Monforte, S.A.; Castromil, S.A.; La Hispano Igualadina, S.L.; Auto Industrial, S.A.; Eleuterio López y Cía., S.L.; Rías Altas, S.A.; Autocares Modesto Riveiro, S.L. e a UTE XG 804, en reclamación por mobilidade xeográfica e funcional, rexistrado como modificación substancial de condicións laborais 46/2021, se acordou, en cumprimento do que dispón o artigo 59 da LXS, citar a Hermanos Ferrín, S.L. e Autocares Modesto Riveiro, S.L., en paradoiro ignorado, co fin de que compareza o día 31 de maio de 2021, ás 9.00 horas, na planta baixa, sala 1 do edif. da rúa Berlín, para a realización dos actos de conciliación e, de ser o caso, xuízo. Pode comparecer persoalmente ou mediante persoa legalmente apoderada, e deberá acudir con todos os medios de proba de que intente valerse, coa advertencia de que é única convocatoria e que os devanditos actos non se suspenderán por falta inxustificada de asistencia.

Advírtese ás destinatarias de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.

En caso de que pretendan comparecer ao acto do xuízo asistidas de avogado ou representadas tecnicamente por graduado social colexiado, ou por procurador, porá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención ao demandante, poida estar este representado tecnicamente por graduado social colexiado, ou por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

E para que sirva de citación a Hermanos Ferrín, S.L. e Autocares Modesto Riveiro, S.L., expídese a presente cédula para a súa publicación no Diario Oficial de Galicia e a colocación no taboleiro de anuncios.

Santiago de Compostela, 10 de febreiro de 2021

A letrada da Administración de xustiza