Visto o expediente para o outorgamento da autorización administrativa previa e de construción para a instalación eléctrica que a seguir se describe:

– Peticionaria: Norvento Tecnología, S.L.

– Domicilio social: rúa Aller Ulloa, Ramón María, nº 23, 27003 Lugo.

– Denominación: infraestrutura de ampliación da rede de distribución no contorno do apoio de derivación a OCR A Xesta e a CT Carballal.

– Situación: concello da Pastoriza.

– Características técnicas principais:

• Liña de media tensión soterrada a 20 kV, con orixe no centro de reparto proxectado e final no paso aéreo a soterrado situado no apoio de media tensión existente derivación a OCR A Xesta e CT Carballal, formada por catro liñas, tres delas en condutor RHZ1-240 e unha en condutor RHZ1-150 cunha lonxitude de 55 metros.

• Centro de reparto en edificio prefabricado de formigón, no cal se instalan tres celas de liña motorizadas, unha de interruptor automático e unha de protección de transformador.

– Finalidade da instalación: ampliación da rede de distribución.

– Orzamento: 82.918,96 €.

– Documentación complementaria:

• Separata para o Concello da Pastoriza.

• Separata para Begasa.

Esta xefatura territorial, de acordo cas competencias que resultan do Decreto 230/2020, do 23 de decembro, polo que se establece la estrutura orgánica da consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, conceder a autorización administrativa previa e de construción das ditas instalacións, sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, condicionado ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución, e deberá realizar a dirección de obra un técnico competente.

Segunda. A peticionaria asegurará o mantemento e vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento deberán cumprirse as normativas e directrices vixentes que sexan de aplicación, en particular, canto establece a Lei 24/2013, de 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas da alta tensión e as súas instrucións técnicas complementarias, o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.

En relación coa instalación de baixa tensión, deberase seguir o disposto no artigo 18 do Real decreto 842/2002 para a súa posta en servizo, así como na súa instrución ITC-BT-04, e deberase achegar no seu momento a documentación exixida con carácter previo á posta en servizo da instalación, para a súa revisión por esta Administración e posterior inscrición da instalación no correspondente rexistro.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución poderase interpor recurso de alzada ante o vicepresidente segundo e conselleiro de Economía, Empresa e Innovación no prazo dun mes, a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente ao seu dereito.

Lugo, 12 de febreiro de 2021

Gustavo José Casasola de Cabo
Xefe territorial de Lugo