A Dirección Xerencia de Redes de Telecomunicación Galegas Retegal, S.A., de conformidade co establecido no artigo 110.c) da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, e en virtude das atribucións outorgadas polo Consello de Administración en materia de selección e contratación de persoal,
RESOLVE:
Primeiro. Anunciar a convocatoria para a elaboración de listas de contratación temporal por categorías.
Segundo. Outorgar un prazo de 15 días naturais contado dende o seguinte ao da publicación da presente resolución no Diario Oficial de Galicia para a presentación de solicitudes.
Terceiro. As instancias dirixiranse á Dirección Xerencia de Redes de Telecomunicación Galegas Retegal, S.A. e presentaranse de conformidade co establecido nas bases que regulan a convocatoria.
Cuarto. As bases da convocatoria poderán consultarse na páxina web de Retegal (www.retegal.gal) ou nas dependencias da sociedade, sitas no complexo de San Marcos (Edificio Multiusos). Bando - San Marcos. 15820 Santiago de Compostela (A Coruña).
Santiago de Compostela, 25 de febreiro de 2021
Miguel Rodríguez Quelle
Director xerente de Redes de Telecomunicación Galegas Retegal, S.A.