Mediante a Orde do 31 de decembro 2020 (Diario Oficial de Galicia número 17, do 27 de xaneiro de 2021), a Consellería de Cultura, Educación e Universidade e a Vicepresidencia Segunda e Consellería de Economía, Empresa e Innovación convocaron as axudas de apoio á etapa de formación posdoutoral nas universidades do SUG, nos organismos públicos de investigación de Galicia e noutras entidades do Sistema de I+D+i galego.
O artigo 15.3 da dita orde indica que a data límite para a sinatura dos contratos, que se establecerá na resolución de adxudicación das axudas, será en todo caso antes do 1 de xuño de 2021, agás para as persoas non comunitarias que poderá ser ata o 31 de agosto de 2021.
Tendo en conta o volume de solicitudes presentadas e a complexidade técnica que implica a avaliación destas solicitudes, que a teñen que realizar persoas expertas de fóra do Sistema de I+D+i galego alleas aos órganos tramitadores, cómpre modificar a data de sinatura dos contratos establecendo como data límite o 1 de xullo de 2021, agás para as persoas non comunitarias que poderá ser ata o 30 de setembro de 2021. Esta modificación non supón alteración do importe global previsto na convocatoria.
En consecuencia, e no uso das atribucións que temos conferidas,
ACORDAMOS:
Artigo único. Modificación dos artigos 3.1, 15.1, 15.3 e 18.2 da Orde do 31 de decembro de 2021, conxunta da Consellería de Cultura, Educación e Universidade e da Vicepresidencia Segunda e Consellería de Economía, Empresa e Innovación, pola que se establecen as bases para a concesión, en réxime de concorrencia competitiva, das axudas de apoio á etapa de formación posdoutoral nas universidades do SUG, nos organismos públicos de investigación de Galicia e noutras entidades do Sistema de I+D+i galego, e se procede á súa convocatoria para o ano 2021, que quedan redactados como segue:
O artigo 3.1 queda redactado da seguinte maneira:
«1. Poderanse conceder ata 49 axudas (a previsión inicial é de 40 en universidades do SUG e 9 no resto de entidades beneficiarias), dun máximo de tres anos, que comezarán o 1 de xullo de 2021, sen que en ningún caso poidan superar a duración máxima de tres anos e que non poderán ser obxecto de prórroga».
No artigo 15.1 engádese un segundo parágrafo, que queda redactado da seguinte maneira:
«Ademais, xunto co escrito de aceptación da axuda, as entidades beneficiarias terán que achegar un plan de estadías axustado á nova data de comezo do contrato, no caso das persoas investigadoras cuxo plan de estadías se vexa afectado pola modificación da data de sinatura do contrato».
O artigo 15.3 queda redactado da seguinte maneira:
«3. A data de comezo dos contratos será o 1 de xullo de 2021, agás para as persoas non comunitarias que poderá ser ata o 30 de setembro de 2021».
No artigo 18.2 modifícase o crédito para as anualidades de 2021, 2023 e 2024, que queda da seguinte maneira:
|
Entidade beneficiaria |
Nº axudas |
Aplicación orzamentaria |
Crédito (en euros) |
||||
|
2021 |
2022 |
2023 |
2024 |
Total |
|||
|
Universidades do SUG |
40 |
10.20.561B.444.0 |
1.142.000,00 |
2.224.000,00 |
1.714.000,00 |
572.000,00 |
5.652.000,00 |
|
Demais entidades indicadas no artigo 2.1 |
5 |
06.A2.561A.403.0 |
142.000,00 |
276.500,00 |
213.500,00 |
71.500,00 |
703.500,00 |
|
4 |
06.A2.561A.481.0 |
114.200,00 |
222.400,00 |
171.400,00 |
57.200,00 |
565.200,00 |
|
|
Total outras entidades |
256.200,00 |
498.900,00 |
384.900,00 |
128.700,00 |
1.268.700,00 |
||
|
Total convocatoria |
1.398.200,00 |
2.722.900,00 |
2.098.900,00 |
700.700,00 |
6.920.700,00 |
||
Disposición derradeira única. Entrada en vigor
Esta orde entrará en vigor o día da súa notificación e publicarase no Diario Oficial de Galicia.
Santiago de Compostela, 29 de abril de 2021
|
O conselleiro de Cultura, Educación e Universidade P.D. (Orde do 9.2.2021) Manuel Vila López Secretario xeral técnico da Consellería de Cultura, Educación e Universidade |
Francisco Conde López |
