No BOP de Ourense núm. 121, do 31 de maio de 2021, publicáronse íntegras as bases da convocatoria, mediante concurso específico, para a provisión de diversos postos de traballo das áreas de Infraestruturas e Medio Ambiente na RPT da Deputación Provincial de Ourense (corrección de erros no BOP de Ourense núm. 127, do 7 de xuño de 2021).
Os postos que se convocan son os seguintes:
– Un (1) posto de xefe/a da Sección de Estudos e Proxectos (Área de Infraestruturas-Servizo de Vías e Obras).
– Un (1) posto de xefe/a de zona (Área de Infraestruturas-Servizo de Vías e Obras-Sección de Conservación e Explotación).
– Un (1) posto de xefe/a do Servizo de Augas e Medio Ambiente (Área de Medio Ambiente)
– Un (1) posto de xefe/a do Negociado de Administración (Área de Medio Ambiente).
– Un (1) posto de supervisor/a forestal (Área de Medio Ambiente-Servizo de Medio Rural-Sección de Zonas Verdes.
O prazo de presentación das solicitudes será de quince (15) días naturais, contados a partir do seguinte ao da publicación no Boletín Oficial del Estado do anuncio da convocatoria, no modelo normalizado que figura como anexo nas bases da convocatoria e que estará dispoñible na páxina web www.depourense.es, na sección Ofertas de emprego. As modalidades de presentación serán as seguintes:
a) De forma presencial, mediante a presentación en papel da solicitude e da documentación anexa na Oficina de Asistencia ao Cidadán en materia de rexistro da Deputación Provincial de Ourense ou en calquera dos lugares previstos no artigo 38.4 da Lei 30/1992 (norma que se considera vixente de acordo co establecido na disposición derrogatoria única en relación coa disposición derradeira sétima da Lei 39/2015, do 1 de outubro, do procedemento administrativo común das administracións públicas). Neste último caso, rógase que se envíe copia da instancia ao correo electrónico persoal@depourense.es
b) De forma telemática, a través do Rexistro Electrónico Xeral da sede elelectrónica da Deputación Provincial, no enderezo https://sede.depourense.es
Os sucesivos anuncios relativos a esta convocatoria publicaranse exclusivamente na sede electrónica da Deputación Provincial, na páxina web www.depourense.es e no BOP de Ourense, cando proceda, de conformidade coas bases do procedemento.
Ourense, 14 de xuño de 2021
José Manuel Baltar Blanco
Presidente da Deputación Provincial de Ourense