A Lei orgánica 1/1981, do 6 de abril, pola que se aprobou o Estatuto de autonomía de Galicia, e o Real decreto 1763/1982, do 24 de xullo, sobre o traspaso de funcións e servizos da Administración do Estado á Comunidade Autónoma de Galicia en materia de educación, recoñécen a esta as competencias en materia de planificación, regulación e administración do ensino regrado en todos os niveis e graos, modalidades e especialidades, consonte os preceptos emanados da Constitución e das leis que lle sexan de aplicación, competencias que foron asumidas polo Decreto 114/1982, do 1 de setembro, e asignadas á esta Consellería de Cultura, Educación e Universidade no seu artigo 2.

No marco destas competencias, a Consellería de Cultura, Educación e Universidade, co propósito de actualizar a cualificación dos cidadáns e das cidadás, persegue como un dos obxectivos básicos para a formación profesional o de dar unha resposta puntual e axeitada ás necesidades de formación profesional provenientes do mundo produtivo.

A Lei orgánica 2/2006, do 3 de maio, de educación, establece no seu artigo 5.1 que todas as persoas deben ter a posibilidade de se formar ao longo da vida, dentro e fóra do sistema educativo, co fin de adquirir, actualizar, completar e ampliar os seus coñecementos, así como as súas capacidades, habilidades, aptitudes e competencias, para o seu desenvolvemento persoal e profesional. Ademais, o artigo 5.2 establece que o sistema educativo ten como principio propiciar a educación permanente. Para tal efecto, debe preparar o alumnado para aprender por si mesmo e debe facilitar ás persoas adultas a súa incorporación ás ensinanzas, favorecendo a conciliación da aprendizaxe coas outras responsabilidades e actividades.

A Lei orgánica 5/2002, do 19 de xuño, das cualificacións e da formación profesional, ten por obxecto a ordenación dun sistema integral de formación profesional, cualificación e acreditación que responda con eficacia e transparencia ás demandas sociais e económicas a través das diversas modalidades formativas. A lei establece como un dos fins do Sistema nacional das cualificacións e da formación profesional o de promover unha oferta formativa de calidade, actualizada e adecuada aos seus destinatarios, consonte as necesidades de cualificación do mercado laboral e as expectativas persoais de promoción profesional.

O Real decreto 1147/2011, do 29 de xullo, polo que se establece a ordenación xeral da formación profesional do sistema educativo, regula no seu artigo 27 os cursos de especialización de formación profesional.

O Real decreto 1529/2012, do 8 de novembro, polo que se desenvolve o contrato para a formación e a aprendizaxe e se establecen as bases da formación profesional dual, regula, entre outras cuestións, determinados aspectos da formación profesional dual, que combina os procesos de ensino e aprendizaxe na empresa e no centro de formación.

O Decreto 114/2010, do 1 de xullo, polo que se establece a ordenación xeral da formación profesional do sistema educativo de Galicia, establece no capítulo V as vías para obtención dos títulos de formación profesional e os réximes e modalidades das ofertas de formación profesional. O artigo 19 recolle que as ofertas de accións formativas de formación profesional irán dirixidas á adquisición e á mellora das competencias e das cualificacións profesionais, promoverán a formación permanente e organizaranse en ciclos formativos e en cursos para unha maior especialización ou formación específica para determinados colectivos, co fin de que as persoas avancen no seu itinerario de formación profesional, independentemente da súa situación en cada momento.

A disposición adicional segunda deste decreto determina que a consellería con competencias en materia de educación promoverá a colaboración coas empresas e as entidades empresariais e, en particular, coas máis implicadas en sectores clave da economía galega e as relacionadas cos sectores emerxentes. Esta colaboración ten como finalidade, entre outras, a posibilidade de impartir módulos profesionais incluídos en títulos de formación profesional ou módulos formativos incluídos en certificados de profesionalidade nas instalacións das empresas, co fin de garantir que a formación se realice cos equipamentos propios da actividade, así como a actualización profesional.

Os ciclos e cursos de especialización incorporados a esta oferta poderán ser obxecto de cofinanciamento polo Ministerio de Educación e Formación Profesional no marco do Plan de formación profesional para o crecemento económico e social e a empregabilidade, e pola Unión Europea-NextGenerationEU.

De acordo coas competencias que ten conferidas esta Consellería de Cultura, Educación e Universidade,

DISPOÑO:

Artigo 1. Actualización da oferta

1. Actualízase a oferta de ciclos formativos polo réxime para as persoas adultas na modalidade dual en centros públicos da Comunidade Autónoma de Galicia, para o curso académico 2021/22 (anexo I).

2. Actualízase a oferta de cursos de especialización polo réxime ordinario en centros públicos da Comunidade Autónoma de Galicia, para o curso académico 2021/22 (anexo II).

Artigo 2. Número mínimo de solicitudes

1. Nos ciclos da modalidade dual exíxese un mínimo de doce solicitudes de matrícula admitidas por centro educativo nas cidades da Coruña, Ferrol, Lugo, Ourense, Pontevedra, Santiago de Compostela e Vigo, e de oito solicitudes en cada centro do resto de Galicia.

2. Nos cursos de especialización exíxese un mínimo de doce solicitudes de matrícula admitidas de primeira opción por cada centro educativo no prazo ordinario de presentación de solicitudes.

Un número menor de solicitudes require a autorización expresa da Secretaría Xeral de Educación e Formación Profesional para pór en funcionamento estas ensinanzas e, mentres non se dispoña desta autorización, non se poderá formalizar matrícula ningunha. A condición do número mínimo de solicitudes débese comunicar ás persoas interesadas no momento da súa solicitude de admisión.

Artigo 3. Admisión e matrícula nos cursos de especialización

1. As instrucións e as datas relativas ao proceso de admisión para o curso 2021/22 serán as establecidas no calendario xeral de admisión ás ensinanzas de formación profesional publicado pola Secretaría Xeral de Educación e Formación Profesional.

2. O alumnado admitido por primeira vez nun curso de especialización deberá matricularse en todos os módulos que o compoñen.

Disposición adicional primeira. Ordenación e proceso de admisión na formación profesional dual

Aos ciclos formativos de formación profesional dual autorizados nesta orde seralles de aplicación a ordenación e o proceso de admisión establecidos na Orde do 14 de xuño de 2018 pola que se autorizan proxectos experimentais de formación profesional dual de ciclos formativos de formación profesional en centros educativos, en colaboración con diversas entidades, coas seguintes excepcións:

1. O contido do artigo 2.a) da dita orde, relativo aos requisitos das persoas solicitantes, modifícase e queda redactado como segue: «Ter dezaoito anos ou facelos no ano natural de inicio do ciclo formativo».

2. As datas relativas ao proceso de admisión para o curso 2021/22 serán as establecidas para os proxectos de formación profesional dual dentro do calendario xeral de admisión a ciclos formativos de formación profesional publicado pola Secretaría Xeral de Educación e Formación Profesional. Neste calendario estarán fixadas as datas do prazo de solicitudes, publicación das listaxes de persoas solicitantes, períodos de reclamación, período de selección do alumnado pola entidade colaboradora, listaxe de persoas admitidas e en espera e datas de matrícula para as persoas seleccionadas.

Disposición adicional segunda. Formación específica

Autorízase a oferta de formación especifica de xeito experimental en centros públicos da Comunidade Autónoma de Galicia para o curso académico 2021/22 (anexo III).

Disposición derradeira primeira. Desenvolvemento normativo

Autorízanse a Secretaría Xeral de Educación e Formación Profesional, a Dirección Xeral de Centros e Recursos Humanos e a Secretaría Xeral Técnica para adoptaren todos os actos e medidas necesarias para a aplicación desta orde.

Disposición derradeira segunda. Entrada en vigor

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 17 de xuño de 2021

Román Rodríguez González
Conselleiro de Cultura, Educación e Universidade

ANEXO I

Ciclos formativos autorizados na modalidade de formación
profesional dual para o curso 2021/22

A Coruña.

Concello	Código de centro	Centro	Código de ciclo	Ciclo
Arzúa	15027733	IES de Arzúa	ZMAGA01	Produción agroecolóxica
Cedeira	15026376	IES Punta Candieira	ZMCOM01	Actividades comerciais
Cee	15003224	IES Fernando Blanco	ZSELE03	Automatización e robótica industrial
Coruña, A	15005257	IES Ramón Menéndez Pidal	ZMCOM02	Comercialización de produtos alimentarios
			ZSCOM01	Transporte e loxística
			ZSCOM03	Xestión de vendas e espazos comerciais
	15005269	IES Urbano Lugrís	ZMIMA03	Mantemento electromecánico
	15005397	IES Fernando Wirtz Suárez	ZSIFC03	Desenvolvemento de aplicacións web
	15022607	CIFP Ánxel Casal-Monte Alto	ZM19001 e ZMSSCO1	Dobre titulación en Coidados auxiliares de enfermaría e Atención a persoas en situación de dependencia
	15024513	CIFP Someso	ZMTMV02	Electromecánica de vehículos automóbiles
			ZSIMP01	Estética integral e benestar
	15027770	IES A Sardiñeira	ZSQUI02	Química industrial
	15027897	CIFP Paseo das Pontes	ZMHOT01	Cociña e gastronomía
			ZMHOT02	Servizos en restauración
			ZMTCP01	Confección e moda
Culleredo	15005749	IES Universidade Laboral	ZSELE04	Mantemento electrónico
			ZSENA04	Xestión da auga
			ZSIMA02	Mantemento de instalacións térmicas e de fluídos
			ZSIMA03	Mecatrónica industrial
Curtis	15022620	IES de Curtis	ZSTMV01	Automoción
Ferrol	15006754	CIFP Ferrolterra	ZMIMA02	Instalacións de produción de calor
			ZSELE04	Mantemento electrónico
			ZSENA02	Enerxías renovables
			ZSFME01	Programación da produción en fabricación mecánica
			ZSFME03	Deseño en fabricación mecánica
			ZSIMA03	Mecatrónica industrial
	15006778	CIFP Rodolfo Ucha Piñeiro	ZMCOM02	Comercialización de produtos alimentarios
			ZSCOM03	Xestión de vendas e espazos comerciais
	15021469	IES Leixa	ZM19001 e ZMSSCO1	Dobre titulación en Coidados auxiliares de enfermaría e Atención a persoas en situación de dependencia
Ordes	15027782	IES Ordes	ZSTMV01	Automoción
Ponteceso	15026406	IES Eduardo Pondal	ZSTMV01	Automoción
Pontes de García Rodríguez, As	15021767	IES Plurilingüe Castro da Uz	ZSELE04	Mantemento electrónico
Ribeira	15014556	CIFP Coroso	ZMINA03	Elaboración de produtos alimentarios
			ZSTMV01	Automoción
Santiago de Compostela	15015767	CIFP Politécnico de Santiago	ZMENA01	Redes e estacións de tratamento de augas
			ZMMAM03 e ZMQUI02	Procesamento e transformación da madeira e oferta parcial do ciclo de Operacións de laboratorio
			ZMTMV01	Carrozaría
			ZSELE01	Sistemas electrotécnicos e automatizados
			ZSELE02	Sistemas de telecomunicacións e informáticos
			ZSFME02	Construcións metálicas
			ZSMAM01	Deseño e amoblamento
			ZSQUI01	Laboratorio de análise e de control de calidade
	15016000	CIFP Compostela	ZMHOT02	Servizos en restauración
			ZMINA01	Panadaría, repostaría e confeitaría
			ZSHOT01	Xestión de aloxamentos turísticos
	15021482	IES San Clemente	ZSIFC03	Desenvolvemento de aplicacións web
	15023466	IES Lamas de Abade	ZM19001	Coidados auxiliares de enfermaría
	15026753	IES A Pontepedriña	ZMCOM02	Comercialización de produtos alimentarios
			ZSCOM01	Transporte e loxística
			ZSCOM03	Xestión de vendas e espazos comerciais
Zas	15027368	IES Maximino Romero de Lema	ZSIFC03	Desenvolvemento de aplicacións web

Lugo.

Concello	Código de centro	Centro	Código de ciclo	Ciclo
Chantada	27003175	IES Val do Asma	ZSIFC03	Desenvolvemento de aplicacións web
Foz	27020562	IES de Foz	ZMCOM01	Actividades comerciais
			ZSHOT04	Dirección de cociña
			ZSHOT05	Dirección de servizos de restauración
Lugo	27006516	CIFP Politécnico de Lugo	ZM19001 e ZMSSCO1	Dobre titulación en Coidados auxiliares de enfermaría e Atención a persoas en situación de dependencia
			ZMINA03	Elaboración de produtos alimentarios
			ZSELE03	Automatización e robótica industrial
	27006528	CIFP As Mercedes	ZSCOM03	Xestión de vendas e espazos comerciais
			ZSCOM04	Márketing e publicidade
			ZSTMV01	Automoción
Mondoñedo	27006966	IES Plurilingüe San Rosendo	ZMAGA04	Aproveitamento e conservación do medio natural
Monforte de Lemos	27015311	IES A Pinguela	ZSADG01	Administración e finanzas
			ZSIMP02	Estilismo e dirección de peiteado
Ribadeo	27010921	CFEA Pedro Murias	ZMAGA04	Aproveitamento e conservación do medio natural

Ourense.

Concello	Código de centro	Centro	Código de ciclo	Ciclo
Carballiño, O	32015037	IES Manuel Chamoso Lamas	ZMFME02	Soldadura e caldeiraría
			ZMTMV03	Electromecánica de maquinaria
			ZSELE03	Automatización e robótica industrial
Ourense	32008902	CIFP A Carballeira-Marcos Valcárcel	ZM19001	Coidados auxiliares de enfermaría
			ZSIFC03	Desenvolvemento de aplicacións web
	32015050	CIFP A Farixa	ZSIMP05	Termalismo e benestar
	32016765	CIFP Portovello	ZMCOM02	Comercialización de produtos alimentarios
			ZSCOM03	Xestión de vendas e espazos comerciais
Ribadavia	32015475	IES O Ribeiro	ZMINA03	Elaboración de produtos alimentarios
Vilamarín	32016285	IES de Vilamarín	ZMAGA03	Xardinaría e floraría
			ZSHOT01	Xestión de aloxamentos turísticos

Pontevedra.

Concello	Código de centro	Centro	Código de ciclo	Ciclo
Estrada, A	36002359	IES Plurilingüe Antón Losada Diéguez	ZMMAM02	Instalación e amoblamento
			ZSIFC01	Administración de sistemas informáticos en rede
Lalín	36013758	IES Laxeiro	ZSFME02 e ZSEOC02	Construcións metálicas e oferta parcial do ciclo de Proxectos de obra civil
Moaña	36004745	IES Plurilingüe A Paralaia	ZSELE03	Automatización e robótica industrial
Pontevedra	36018677	IES Luís Seoane	ZMCOM02	Comercialización de produtos alimentarios
	36020064	CIFP Carlos Oroza	ZMHOT01	Cociña e gastronomía
			ZSHOT01	Xestión de aloxamentos turísticos
Valga	36020362	IES de Valga	ZMFME01	Mecanizado
			ZMFME02	Soldadura e caldeiraría
Vigo	36011579	IES A Guía	ZMCOM02	Comercialización de produtos alimentarios
			ZSCOM03	Xestión de vendas e espazos comerciais
	36013448	CIFP Manuel Antonio	ZMINA03	Elaboración de produtos alimentarios
			ZSQUI03	Fabricación de produtos farmacéuticos, biotecnolóxicos e afíns
	36014568	CIFP Valentín Paz Andrade	ZMIMA01	Instalacións frigoríficas e de climatización
			ZMTMV01	Carrozaría
			ZSTMV01	Automoción
	36017430	IES Ricardo Mella	ZM19001	Coidados auxiliares de enfermaría
Vilagarcía de Arousa	36013771	IES Fermín Bouza Brey	ZSIMA03	Mecatrónica industrial

A distribución dos módulos por cursos estará dispoñible na páxina web www.edu.xunta.es/fp

ANEXO II

Cursos de especialización autorizados polo réxime ordinario
para o curso 2021/22

A Coruña.

Concello	Código de centro	Centro	Código de ciclo	Ciclo
Coruña, A	15022607	CIFP Ánxel Casal-Monte Alto	CSQUI50	Cultivos celulares
	15027897	CIFP Paseo das Pontes	CMHOT50	Panadaría e bolaría artesanais
	15005397	IES Fernando Wirtz Suárez	CSIFC52	Intelixencia artificial e big data
	15005269	IES Urbano Lugrís	CMELE50	Implementación de redes 5G
Culleredo	15005749	IES Universidade Laboral	CSIMA51	Fabricación intelixente
			CSIMA52	Modelado da información da construción (BIM)
Ferrol	15006754	CIFP Ferrolterra	CMTMV50	Mantemento de vehículos híbridos e eléctricos
			CSELE51	Ciberseguridade en contornos das tecnoloxías de operación
			CSFME50	Fabricación aditiva
	15006778	CIFP Rodolfo Ucha Piñeiro	CSIFC50	Ciberseguridade en contornos das tecnoloxías da información
Santiago de Compostela	15015767	CIFP Politécnico de Santiago	CSELE51	Ciberseguridade en contornos das tecnoloxías de operación
	15021482	IES San Clemente	CSIFC50	Ciberseguridade en contornos das tecnoloxías da información

Lugo.

Concello	Código de centro	Centro	Código de ciclo	Ciclo
Lugo	27006528	CIFP As Mercedes	CMTMV50	Mantemento de vehículos híbridos e eléctricos
			CSIMA50	Dixitalización do mantemento industrial
	27006516	CIFP Politécnico de Lugo	CSELE51	Ciberseguridade en contornos das tecnoloxías de operación
			CSFME50	Fabricación aditiva
	27015773	IES Muralla Romana	CSIFC51	Desenvolvemento de videoxogos e realidade virtual

Ourense.

Concello	Código de centro	Centro	Código de ciclo	Ciclo
Ourense	32008902	CIFP A Carballeira-Marcos Valcárcel	CSQUI50	Cultivos celulares
			CSIFC51	Desenvolvemento de videoxogos e realidade virtual

Pontevedra.

Concello	Código de centro	Centro	Código de ciclo	Ciclo
Pontevedra	36014489	CIFP A Xunqueira	CMTMV50	Mantemento de vehículos híbridos e eléctricos
	36020064	CIFP Carlos Oroza	CMHOT50	Panadaría e bolaría artesanais
Vigo	36013448	CIFP Manuel Antonio	CMHOT50	Panadaría e bolaría artesanais
	36014568	CIFP Valentín Paz Andrade	CSFME50	Fabricación aditiva
	36024461	IES Audiovisual de Vigo	CSIMS50	Audiodescrición e subtitulación
	36018173	IES de Teis	CSIFC52	Intelixencia artificial e big data
	36011634	IES Politécnico de Vigo	CSIMA51	Fabricación intelixente
	36017430	IES Ricardo Mella	CMELE50	Implementación de redes 5G

ANEXO III

Formación específica autorizada para o curso 2021/22

Lugo.

Concello	Código de centro	Centro	Módulo formativo/profesional	Unidade formativa
Lugo	27020793	CIFP Porta da Auga	MF1841_2. Preparación e protección de superficies de embarcacións deportivas e de recreo.	UF2091. Preparación da embarcación no entorno náutico.
				UF2290. Operacións de preparación e protección de superficies de embarcacións deportivas e de recreo.
			MF1842_2. Operacións de acabado de superficies da obra morta, cuberta, superestruturas e arboradura de embarcacións deportivas e de recreo.	UF0917. Prevención de riscos laborais e ambientais en mantemento de vehículos.
				UF2291. Operacións de acabado dla obra morta de embarcacións deportivas e de recreo.
			MF1843_2. Reparación de elementos de plástico reforzado con fibra de embarcacións deportivas e de recreo.	UF2292. Operacións de reparación de elementos de plástico reforzado con fibra en embarcacións deportivas e de recreo.
			MF1844_2. Construción, adaptación e montaxe de pezas e estruturas de plástico reforzado con fibra de embarcacións deportivas e de recreo.	UF2293. Operacións de construción, adaptación e montaxe de pezas e estruturas de plástico reforzado con fibra en embarcacións deportivas e de recreo.
			MP0474. Módulo de prácticas profesionais non laborais	Sen unidades formativas.
			MP0260. Mecanizado básico.	Sen unidades formativas.
			MP0459. Formación e orientación laboral.	MP0459_12. Prevención de riscos laborais.