De conformidade co disposto nos artigos 44 e 46 da Lei 39/2015 (BOE nº 236, do 2 de outubro), do procedemento administrativo común das administracións públicas, notifícase a María Esther Martínez Bugallo e a Carmelo Vilar Durán, mediante a publicación no Boletín Oficial del Estado (BOE), por non ser posible a notificación a través do servizo de Correos, que a resolución emitida pola Presidencia de Portos de Galicia o 24 de maio de 2021 acordou estimar o recurso de alzada interposto contra a resolución da Dirección de Portos de Galicia ditada no procedemento administrativo sancionador con número de referencia 13-03-20-09 por motivos formais que derivan da notificación da resolución e sen entrar en consideracións sobre o fondo do asunto, polo que poderá incoarse novo procedemento sancionador baseado nos mesmos feitos en tanto non se produza a prescrición da infracción.
Así mesmo, este anuncio publicarase no Diario Oficial de Galicia (DOG), ben que a eficacia do acto notificado quedará supeditada á súa publicación no BOE.
A citada resolución que esgota a vía administrativa, é firme e executiva, e contra ela poderase interpoñer recurso contencioso-administrativo nun prazo de dous meses contados desde o día seguinte ao da súa publicación ante, á escolla do interesado, o xulgado do contencioso-administrativo correspondente á circunscrición onde teña aquela o seu domicilio ou o xulgado do contencioso-administrativo que corresponda de Santiago de Compostela.
O expediente completo para o seu exame e consulta atópase na sede dos servizos centrais de Portos de Galicia, situados no polígono das Fontiñas, praza Europa, 5 A, 6º, Santiago de Compostela.
Santiago de Compostela, 25 de xuño de 2021
Susana Lenguas Gil
Presidenta de Portos de Galicia