Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 164 Xoves, 26 de agosto de 2021 Páx. 42875

III. Outras disposicións

Consellería de Cultura, Educación e Universidade

RESOLUCIÓN do 5 de agosto de 2021 pola que se concede o XXII Premio Elías Valiña para distinguir o labor revitalizador dos valores propios dos Camiños de Santiago, así como a mención especial.

Á vista da proposta da Dirección Xeral do Patrimonio Cultural, sobre a convocatoria do Premio Elías Valiña 2021, mediante a Orde do 15 de abril de 2021, para distinguir o labor revitalizador dos valores propios dos Camiños de Santiago, e estando conforme con esta en todos os seus termos,

RESOLVO:

Conceder, de maneira compartida, o Premio Elías Valiña 2021, para distinguir o labor revitalizador dos valores propios dos Camiños de Santiago, dotado cunha contía económica de 10.000 €, con cargo á aplicación orzamentaria 10.41.433A.0781.0, que figura dotada no vixente orzamento de gastos da Comunidade Autónoma de Galicia, ás seguintes entidades:

«Asociación Amigos del Camino de Santiago en Ávila».

«Asociación de los Amigos del Camino de Santiago de Hungría».

Facer a mención especial, prevista no artigo 2.1 da orde da convocatoria, a José Carro Otero.

Santiago de Compostela, 5 de agosto de 2021

Román Rodríguez González
Conselleiro de Cultura, Educación e Universidade