A Real Academia Galega de Belas Artes anuncia a provisión de seis vacantes de académica/o de número, unha na Sección de Pintura e Gravado, unha na Sección de Escultura, unha na Sección de Arquitectura, unha na Sección de Arqueoloxía e Museoloxía, unha na Sección de Expertos nas Artes e unha na Sección de Artes da Imaxe. Para ocupar cada unha destas prazas será elixida unha persoa que dese a coñecer os seus méritos artísticos, científicos e culturais.
As persoas que polas súas actividades a prol da arte se consideren en posesión das condicións exixidas para aspirar a esta praza deberán acreditar os seus méritos mediante presentación do seu respectivo curriculum vitae e terán que ser propostas, cada unha delas, por tres académicos de número, dentro do prazo de trinta días naturais a partir da publicación deste anuncio.
Domicilio da Real Academia Galega de Belas Artes: praza Pintor Álvarez de Sotomayor 1, 15001 A Coruña.
A Coruña, 20 de agosto de 2021
Manuel Quintana Martelo
Presidente da Real Academia Galega de Belas Artes
de Nosa Señora do Rosario