Vista a proposta formulada pola xefa do Servizo de Administración e Persoal para a concesión das bolsas destinadas a persoas con discapacidade psíquica para a formación práctica na institución da Valedora do Pobo, convocadas pola Resolución do 22 de xullo de 2021 (DOG núm. 150, do 6 de agosto),
RESOLVO:
Primeiro. Conceder as dúas bolsas convocadas aos solicitantes que se relacionan no anexo I por teren obtido a maior puntuación, de conformidade cos criterios de valoración fixados na base novena da Resolución do 22 de xullo de 2021.
Segundo. Facer pública a resolución definitiva de concesión de bolsas e a relación complementaria de suplentes (anexo II), de conformidade coa base décimo primeira da convocatoria.
Terceiro. De conformidade coa base décimo segunda da convocatoria, as persoas seleccionadas deberán incorporarse para o desenvolvemento dos labores de formación ao día seguinte da publicación desta resolución no Diario Oficial de Galicia.
Se transcorridos sete días naturais desde a dita data a incorporación das persoas seleccionadas non se produce, a bolsa poderase entender rexeitada, salvo causa xustificativa.
Cuarto. A presente resolución entrará en vigor o día seguinte ao da súa publicación no Diario Oficial de Galicia e na páxina web da Valedora do Pobo.
Contra esta resolución, que pon fin á vía administrativa, as persoas interesadas poderán interpor recurso contencioso-administrativo, de conformidade co establecido nos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa. Potestativamente, e con carácter previo, poderase interpor recurso de reposición, ante este mesmo órgano, nos termos dos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 4 de outubro de 2021
María Dolores Fernández Galiño
Valedora do Pobo
ANEXO I
|
Aspirantes |
Total |
|
***7881** |
17 |
|
***9447** |
15 |
ANEXO II
|
Aspirantes |
Total |
|
***2217** |
14 |
|
***9081** |
14 |
|
***8852** |
10 |
|
***7822** |
9,50 |
|
***1086** |
9 |
|
***7288** |
5 |
