De conformidade co establecido nos artigos 28 e 29 do Real decreto 1451/2005, do 7 de decembro, polo que se aproba o Regulamento de ingreso, provisión de postos de traballo e promoción profesional do persoal funcionario ao servizo da Administración de xustiza, esta dirección xeral resolveu adxudicarlles os destinos que se indican no anexo aos integrantes do corpo de médicos forenses nomeados funcionarios de carreira pola Orde do 28 de outubro de 2021 do Ministerio de Xustiza, tendo en conta o seguinte:
Primeiro. O persoal funcionario do corpo de médicos forenses a quen se lle outorga destino nesta resolución deberá tomar posesión do seu cargo ante a Xefatura Territorial respectiva da Consellería de Presidencia, Xustiza e Turismo na provincia onde estea radicada a praza na cal obtivo destino.
A toma de posesión efectuarase dentro do prazo de vinte días hábiles contados desde o día seguinte ao da publicación desta resolución no Boletín Oficial del Estado, de acordo co establecido no artigo 29 do citado real decreto e no artigo 30 da Lei 39/2015, do 1 de outubro, do procedemento administrativo común das administracións públicas.
Segundo. O persoal interino que actualmente ocupa as prazas que foron adxudicadas aos aspirantes aprobados cesará o mesmo día en que se produza a toma de posesión do titular.
Terceiro. En cumprimento da lexislación sobre incompatibilidades do persoal ao servizo da Administración pública (Lei 53/1984, do 26 de decembro), aplicable ao persoal ao servizo da Administración de xustiza en virtude do artigo 498 da Lei orgánica 6/1985, do 1 de xullo, do poder xudicial, aqueles participantes que gocen xa da condición de persoal funcionario de carreira deberán manifestar a súa opción na acta de toma de posesión.
Cuarto. O persoal funcionario do corpo de médicos forenses ao cal se lle outorga destino en virtude da presente resolución, malia ter sido destinado con carácter forzoso pola orde de cualificación segundo as súas preferencias, non poderá participar en concurso de traslados ata que transcorran dous anos desde a data desta resolución. Para o cómputo dos dous anos atenderase ao establecido no parágrafo segundo do artigo 529.3 da Lei orgánica 6/1985, do 1 de xullo, do poder xudicial.
Quinto. As prazas non adxudicadas aos aspirantes de novo ingreso no corpo de médicos forenses manteñen a súa condición de desertas.
Contra a presente resolución, que pon fin á vía administrativa, poderán os interesados interpoñer recurso potestativo de reposición ante esta dirección xeral no prazo dun mes, segundo o establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben recurso contencioso-administrativo ante os xulgados do contencioso-administrativo competentes no prazo de dous meses, ambos os prazos contados desde o día seguinte ao da súa publicación no Boletín Oficial del Estado.
Santiago de Compostela, 28 de outubro de 2021
Juan José Martín Álvarez
Director xeral de Xustiza
ANEXO
DNI |
Apelidos e nome |
Destino adxudicado |
Provincia |
Posto |
***7302** |
Ramos Paradelo, Tamara |
Instituto Medicina Legal. Subdirección Vigo |
Pontevedra |
XG9251820036560308.00 |
***5186** |
Rego Timiraos, Judith |
Instituto Medicina Legal. Subdirección A Coruña |
A Coruña |
XG9251820015001301.00 |
***3626** |
Monterroso Marco, José Ramón |
Instituto Medicina Legal. Subdirección Lugo |
Lugo |
XG9251820027001302.00 |
***5865** |
González Fontán, Juan Antonio |
Instituto Medicina Legal. Subdirección Pontevedra |
Pontevedra |
XG9251820036001303.00 |
***7725** |
Torres Pérez, Rita |
Instituto Medicina Legal. Subdirección Pontevedra |
Pontevedra |
XG9251820036001305.00 |
***8957** |
Diéguez Quintairos, Antía |
Instituto Medicina Legal. Subdirección Santiago de Compostela |
A Coruña |
XG9251820015770301.00 |
***1782** |
Rodríguez Esmores, Fernando |
Instituto Medicina Legal. Subdirección Vigo |
Pontevedra |
XG9251820036560306.00 |
***8890** |
Martínez López, Celia |
Instituto Medicina Legal. Subdirección Santiago de Compostela |
A Coruña |
XG9251820015770308.00 |
***8277** |
Ferreiro Rouco, María |
Instituto Medicina Legal. Subdirección Lugo |
Lugo |
XG9251820027001301.00 |