A Orde do 7 de abril de 2021 (DOG do 16 de abril), pola que se convoca o concurso Eduemprende Idea 2021 dirixido ao alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia, sustentadas con fondos públicos, establece as bases e o procedemento para a adxudicación dos premios nas modalidades A e B.
Unha vez realizada a valoración dos proxectos de empresa presentados pola comisión avaliadora, designada conforme o procedemento establecido na orde de convocatoria, publicada a proposta provisional de adxudicación dos premios para as modalidades A e B da convocatoria, vista a acta coa proposta definitiva da comisión avaliadora e a correspondente proposta do secretario xeral de Educación e Formación Profesional sobre a concesión destes premios,
DISPOÑO:
Primeiro. Conceder os premios aos proxectos de empresa seleccionados no concurso Eduemprende Idea 2021, nas modalidades A e B, que figuran no anexo desta orde.
Segundo. Contra esta orde poderase interpoñer recurso potestativo de reposición ante o conselleiro de Cultura, Educación e Universidade no prazo dun mes contado a partir do día seguinte ao da data de publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente mediante recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses, segundo establece o artigo 46 da Lei 29/1998, do 13 de xullo, reguladora da xurisdición contencioso-administrativa.
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 4 de novembro de 2021
Román Rodríguez González
Conselleiro de Cultura, Educación e Universidade
ANEXO
Modalidade A: ciclos de grao superior.
|
Proxecto |
Centro |
Premio |
Importe |
|
Beade Bike Park & Workshop |
CIFP Valentín Paz Andrade CPR Vivas |
Primeiro premio |
3.000,00 € |
|
Capptus |
CIFP Manuel Antonio |
Segundo premio |
2.000,00 € |
|
Viñedo Ecolóxico |
CIFP A Granxa |
Terceiro premio |
1.000,00 € |
Modalidade B: ciclos de grao medio.
|
Proxecto |
Centro |
Premio |
Importe |
|
Beauty |
CIFP Someso |
Primeiro premio |
3.000,00 € |
|
Natexga |
CPR Nebrija Torre de Hércules |
Segundo premio |
2.000,00 € |
|
Olé Visual Design |
IES Rosalía Mera |
Terceiro premio |
1.000,00 € |
