No DOG número 124, do 1 de xullo de 2021, publicouse a Orde do 18 de xuño de 2021 pola que se establecen as bases reguladoras para a concesión de bolsas para a formación de persoas expertas en cooperación internacional para o desenvolvemento e se procede á súa convocatoria para o ano 2021 (código de procedemento PR809A).
Logo da tramitación establecida nas bases reguladoras, con data do 13 de setembro de 2021, o director xeral de Relacións Exteriores e coa Unión Europea, por delegación do vicepresidente primeiro e conselleiro de Presidencia, Xustiza e Turismo, ditou resolución de adxudicación de seis bolsas para a formación de persoas expertas en cooperación internacional, que se desenvolverán durante os anos 2021 e 2022.
Logo da renuncia dunha das persoas beneficiarias das bolsas e de conformidade co disposto na base décimo segunda da Orde do 18 de xuño de 2021, con data do 16 de setembro de 2021, o director xeral de Relacións Exteriores e coa Unión Europea, por delegación do vicepresidente primeiro e conselleiro de Presidencia, Xustiza e Turismo, adoptou a resolución pola que se lle concede a unha nova persoa adxudicataria unha das bolsas convocadas pola Orde do 18 de xuño de 2021.
Posteriormente, tras a renuncia de dúas persoas beneficiarias das bolsas, con data do 18 de outubro de 2021, o director xeral de Relacións Exteriores e coa Unión Europea, por delegación do vicepresidente primeiro e conselleiro de Presidencia, Xustiza e Turismo, adoptou a resolución pola que se lles conceden a dúas novas persoas adxudicatarias as bolsas convocadas pola Orde do 18 de xuño de 2021.
Conforme o establecido na base sétima, punto un, da Orde do 18 de xuño de 2021, deberá darse cumprimento ás obrigas de transparencia contidas no artigo 17 da Lei 1/2016, do 18 de xaneiro, de transparencia e bo goberno, e no artigo 15 da Lei 9/2007, do 13 de xuño, de subvencións de Galicia.
Con estas bolsas preténdese apoiar a formación de persoas expertas en cooperación para o desenvolvemento, coa finalidade de complementar a formación académica das persoas tituladas universitarias con estadías na sede da Dirección Xeral de Relacións Exteriores e coa Unión Europea, nas unidades de cooperación no exterior (UCE) dependentes da Axencia Española de Cooperación Internacional para o Desenvolvemento, de acordo co previsto no convenio subscrito entre esta axencia e a Xunta de Galicia, ou nas oficinas das axencias da Organización das Nacións Unidas.
Na súa virtude,
RESOLVO:
Publicar no Diario Oficial de Galicia a relación das bolsas concedidas ao abeiro da Orde do 18 de xuño de 2021 pola que se establecen as bases reguladoras para a concesión de bolsas para a formación de persoas expertas en cooperación internacional para o desenvolvemento e se procede á súa convocatoria para o ano 2021 (DOG núm. 124, do 1 de xullo), segundo se detalla no anexo desta resolución.
Santiago de Compostela, 19 de novembro de 2021
Jesús Gamallo Aller
Director xeral de Relacións Exteriores e coa Unión Europea
ANEXO
Persoas adxudicatarias
Apelidos |
Nome |
Destino |
Subvención concedida |
Aplicación orzamentaria |
Presedo Rama |
Clara |
Oficina Técnica da Cooperación Española na República Dominicana |
17.400 € |
05.26.331A.480.0 |
Rodríguez Villagarcía |
Aitor |
DXRREE e UE Santiago de Compostela |
12.000 € |
05.26.331A.480.0 |
González Veiga |
Irene |
Oficina Técnica da Cooperación Española no Perú |
17.400 € |
05.26.331A.480.0 |
Gómez Vales |
Laura |
Oficina Técnica da Cooperación Española en Mozambique |
17.400 € |
05.26.331A.480.0 |
Fernández de la Cruz |
Sandra |
Oficina Técnica da Cooperación Española en Guatemala |
16.200 € |
05.26.331A.480.0 |
Visos Varela |
Irene |
DXRREE e UE Santiago de Compostela |
11.000 € |
05.26.331A.480.0 |
Díaz Rodríguez |
Mateo |
Oficina Técnica da Cooperación Española en Guatemala |
232 € |
05.26.331A.480.0 |
Varela Menéndez |
Jacobo |
DXRREE e UE Santiago de Compostela |
258 € |
05.26.331A.480.0 |