DOG 4 do 7/01/2022 - RESOLUCIÓN do 3 de decembro de 2021 pola que se dá publicidade das axudas concedidas ao abeiro da Orde do 30 de setembro de 2021 pola que se establecen as bases reguladoras das subvencións ás organizacións profesionais agrarias e asociacións agrarias para a adquisición e o mantemento dos bens informáticos e dos medios técnicos necesarios para o desenvolvemento das súas actividades, e se convocan para o ano 2021 (código de procedemento MR321B).

III. Outras disposicións

Consellería do Medio Rural

RESOLUCIÓN do 3 de decembro de 2021 pola que se dá publicidade das axudas concedidas ao abeiro da Orde do 30 de setembro de 2021 pola que se establecen as bases reguladoras das subvencións ás organizacións profesionais agrarias e asociacións agrarias para a adquisición e o mantemento dos bens informáticos e dos medios técnicos necesarios para o desenvolvemento das súas actividades, e se convocan para o ano 2021 (código de procedemento MR321B).

De conformidade co establecido no artigo 15 da Lei 9/2007, do 13 de xuño, de subvencións de Galicia, e no artigo 17.1, punto b), da Lei 1/2016, do 18 de xaneiro, de transparencia e bo goberno, os órganos administrativos concedentes publicarán no Diario Oficial de Galicia as subvencións concedidas, con expresión da convocatoria, o programa e o crédito orzamentario a que se imputen, a finalidade da subvención, o beneficiario e a cantidade concedida.

En consecuencia,

RESOLVO:

Dar publicidade ás axudas concedidas ao abeiro da Orde do 30 de setembro de 2021 pola que se establecen as bases reguladoras das subvencións ás organizacións profesionais agrarias e asociacións agrarias para a adquisición e mantemento dos bens informáticos e os medios técnicos necesarios para o desenvolvemento das súas actividades, e se convocan para o ano 2021 (código de procedemento MR321B), que figuran no anexo.

A súa aprobación realizouse no exercicio 2021 con cargo á aplicación orzamentaria 14.04.712C.781.1 (proxecto 2020.00082) dotada con 150.000 € dos orzamentos xerais da Comunidade Autónoma de Galicia e ten como finalidade a actualización informática das organizacións profesionais agrarias e asociacións agrarias.

Santiago de Compostela, 3 de decembro de 2021

O conselleiro do Medio Rural
P.D. (Orde do 17.11.2015; DOG núm. 223, do 23 de novembro)
Silvestre José Balseiros Guinarte
Director xeral de Gandaría, Agricultura e Industrias Agroalimentarias

ANEXO

Axudas concedidas

Nº de expediente	NIF	Beneficiario/a	Importe
MR321B_2021_001	*1116	Xestión Rural de Galicia	2.234,75 €
MR321B_2021_002	*1146	Asociación Agraria de Galicia	14.330,50 €
MR321B_2021_003	*4422	Asociación Agrogandeira do Macizo Central	2.971,98 €
MR321B_2021_004	*1153	Unións Agrarias-UPA	30.000,00 €
MR321B_2021_005	*3491	Asociación Agrogandeira Ourensán	14.011,78 €
MR321B_2021_006	*5567	Asociación Sectorial Láctea e Agrícola Galega	12.782,05 €
MR321B_2021_007	*9173	Asociación de Desenvolvemento Rural Ódega	13.877,51 €
MR321B_2021_008	*3100	Asociación Profesional Gandeiros de Lugo	15.000,00 €
MR321B_2021_009	*0239	Sindicato Labrego Galego-Comisións Labregas	7.217,56 €
MR321B_2021_010	*4650	Asociación Xestión Agrogandeira Galega	1.887,10 €