Unha vez rematadas as fases de oposición e de concurso, e de conformidade coa proposta elevada polo tribunal cualificador das probas selectivas para o ingreso na escala de xestión, logo de comprobar que as persoas aspirantes reúnen os requisitos exixidos na base 2 da convocatoria, en virtude do disposto no artigo 85 dos estatutos da Universidade de Santiago de Compostela,
RESOLVO:
Primeiro. Nomear funcionarias e funcionarios en prácticas da escala de xestión, subgrupo A2, as persoas aspirantes propostas polas quendas de promoción interna e de acceso libre que se relacionan no anexo desta resolución, con efectos económicos e administrativos do día 7 de febreiro de 2022, data en que comezará o curso selectivo.
Segundo. O curso selectivo terá carácter obrigatorio e eliminatorio segundo se determina no anexo I da Resolución do 4 de marzo de 2020 pola que se convocaban as probas selectivas.
Terceiro. As retribucións dos/das funcionarios/as en prácticas serán as establecidas no artigo 141 da Lei 2/2015, do 28 de abril, do emprego público de Galicia.
Cuarto. Quen xa estea prestando servizos na Universidade de Santiago de Compostela como funcionario/a de carreira, interino/a, ou como persoal laboral, deberá formular a opción para a percepción das remuneracións en tanto persista a súa condición de funcionaria/o en prácticas, de conformidade co previsto no punto 2 do citado artigo.
Quinto. Por resolución da Xerencia convocarase o curso selectivo e ditaranse as instrucións oportunas para o seu desenvolvemento.
O tribunal, de conformidade co previsto no anexo I da convocatoria das probas selectivas e á vista dos informes vinculantes do profesorado, declarará apto ou non apto os distintos aspirantes.
Contra a presente resolución, que esgota a vía administrativa, poderase interpor un recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpoñer recurso potestativo de reposición no prazo dun mes perante o órgano que a ditou. Neste caso non se poderá interpor o recurso contencioso-administrativo antedito mentres non se dite resolución expresa ou presunta do recurso administrativo de reposición, ao abeiro dos artigos 123 e seguintes da Lei 39/2015, do 1 de outubro, do procedemento administrativo común das administracións públicas.
Santiago de Compostela, 3 de xaneiro de 2022
Antonio López Díaz
Reitor da Universidade de Santiago de Compostela
ANEXO
Relación definitiva de persoas aspirantes seleccionadas nas fases de concurso-oposición, por orde de puntuación:
Quenda de promoción interna:
Núm. de orde |
DNI |
Apelidos e nome |
1 |
***7811** |
Prol Vázquez, Noelia |
2 |
***8210** |
Basante Barbazán, José Ramón |
3 |
***5664** |
Grela Piñeiro, Dolores |
4 |
***9157** |
Meitín Suárez, Rosalía |
5 |
***5396** |
Puga Rajo, Rosa María |
Quenda de acceso libre:
Núm. de orde |
DNI |
Apelidos e nome |
1 |
***7482** |
Alonso Suárez, Noelia |
2 |
***9602** |
Navaza Aller, Félix |
3 |
***7236** |
Gay González, Concepción |
4 |
***4774** |
Piñeiro Quintela, Javier |
5 |
***0066** |
Mariño Ruza, Alberto |
6 |
***9663** |
Bercero Redondo, María Luisa |
7 |
***6839** |
López González, Sara |
8 |
***0379** |
Vega Fernández, María Dolores |