A Alcaldía ditou a Resolución 2021-3034, con data do 16 de decembro, pola que aprobou a oferta de emprego público do Concello de Redondela, que dispoñía que se publique no Boletín Oficial da provincia de Pontevedra (BOPPO). En cumprimento da citada resolución, publicouse a oferta de emprego público do Concello de Redondela para o ano 2021 no BOPPO núm. 246, do 22 de decembro do 2021, na cal as prazas que se ofertan son as seguintes:

– Quenda libre:

A) Persoal funcionario, a tempo completo.

Prazas	Denominación	Escala	Subescala	Clase	Categoría	Grupo/ subgrupo
1	Oficial de medio ambiente (enterrador/a)	Admón. especial	Servizos especiais	Persoal de oficios	Oficial	C2
2	Policía local	Básica	Servizos especiais	Policía local	Policía	C1

B) Persoal funcionario, a tempo parcial.

Prazas	Denominación	Escala	Subescala	Clase	Categoría	Grupo/ subgrupo
1	Auxiliar de administración xeral	Admón. xeral	Auxiliar	-	-	C2

Praza reservada para persoas con diversidade funcional.

C) Persoal laboral fixo.

Prazas	Denominación	Categoría	Grupo/subgrupo
1	Operario/a de limpeza	Operario/a	Disposición adicional sexta

– Quenda promoción interna:

A) Persoal funcionario.

Prazas	Denominación	Escala	Subescala	Clase	Categoría	Grupo/ subgrupo
1	Administrativo/a	Admón. xeral	Administrativa	-	-	C1

O prazo máximo para a execución dos correspondentes procesos selectivos será de 3 anos contados desde a publicación deste anuncio no Boletín Oficial da provincia de Pontevedra.

Recursos:

Contra o acordo de aprobación da oferta de emprego público, que pon fin á vía administrativa, poderase interpor recurso potestativo de reposición ante a Alcaldía, no prazo dun mes contado desde o día seguinte ao da publicación deste anuncio no BOPPO, ao abeiro do establecido no artigo 124 da Lei 39/2015, do procedemento administrativo común das administracións públicas, ou ben, directamente, recurso contencioso-administrativo ante o Xulgado do Contencioso-Administrativo de Vigo, no prazo de dous meses contados desde o día seguinte ao desta publicación, consonte o disposto nos artigos 8.1 e 46.1 da Lei 29/1998, do 13 de xuño, da xurisdición contencioso-administrativa.

No caso de interporse o recurso potestativo de reposición, deberase resolver e notificar no prazo dun mes segundo establece o artigo 124.2 da devandita Lei 39/2015, e entenderase desestimado o recurso de reposición polo transcurso dese prazo sen resolución expresa notificada, de conformidade co establecido na Lei 39/2015, entón as persoas interesadas poderán interpor recurso contencioso-administrativo no prazo de seis meses contados desde o día seguinte a aquel en que se deba entender presuntamente desestimado o recurso de reposición interposto, consonte o establecido no artigo 46.1) e 4) da Lei 29/1998, reguladora da xurisdición contencioso-administrativa.

Non obstante, tamén se poderá interpor calquera outro recurso que as persoas interesadas consideren procedentes conforme a dereito.

Redondela, 22 de decembro de 2021

Digna Rosa Rivas Gómez
Alcaldesa