Mediante a Resolución da Alcaldía núm. 846, do 21.12.2021, unha vez rematado o proceso selectivo cuxa convocatoria e bases foron publicadas no BOP núm. 139, do 27.8.2020, no DOG núm. 195, do 25.9.2020 e no BOE núm. 257, do 28.9.2020, acordouse nomear a María José Sueiro Pose con DNI núm. ***0578** funcionaria de carreira do Concello de Ponteceso para o posto de auxiliar administrativa da Administración xeral, subgrupo C2, incluido na oferta de emprego deste concello para o exercicio 2020, consonte a proposta do tribunal do 2.12.2021.

De conformidade co establecido na base novena das que regularon o proceso selectivo, a candidata proposta deberá tomar posesión no prazo de dez días hábiles, contados a partir do seguinte ao da notificación do nomeamento.

O que se fai público para os efectos do artigo 62 do RDL 5/2015, do 30 de outubro, polo que se aproba o texto refundido da Lei do estatuto básico do empregado público, e do artigo 60 da Lei 2/2015, do 29 de abril, do emprego público de Galicia.

Ponteceso, 21 de decembro de 2021

Xosé Lois García Carballido
Alcalde