De conformidade co disposto no Real decreto 364/1995 e no artigo 62 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público, fanse públicos os seguintes nomeamentos de funcionarios de carreira:

– Manuel Varela Mariño, como enxeñeiro superior, que tomou posesión o 15 de decembro de 2021 en virtude do Decreto de Alcaldía nº 3842/2021.

– Daniel Sánchez Villaverde, como inspector principal de policía local, que tomou posesión o 15 de decembro de 2021 en virtude do Decreto de Alcaldía nº 3806/2021.

– Sonia Mª Anido Gómez, como técnica de Administración xeral, que tomou posesión o 1 de xaneiro de 2022 en virtude do Decreto de Alcaldía nº 3904/2021.

Arteixo, 3 de xaneiro de 2022

Carlos Calvelo Martínez
Alcalde presidente