As consellerías de Facenda e Administración Pública e do Medio Rural asinaron o 14 de febreiro de 2022 un acordo para xestionar determinados actos de xestión das listas de contratación temporal de persoal laboral ou para o nomeamento de persoal interino de prazas reservadas a persoal funcionario de corpos ou escalas equivalentes dedicado ás tarefas de prevención de incendios forestais de Galicia.
Para xeral coñecemento, disponse a súa publicación como anexo á presente resolución.
Santiago de Compostela, 18 de febreiro de 2022
José María Barreiro Díaz
Director xeral da Función Pública
ANEXO
Acordo do 14 de febreiro de 2022 entre a Consellería de Facenda
e Administración Pública e a Consellería do Medio Rural polo que se
encomendan a esta última determinados actos de xestión das listas de contratación temporal de persoal laboral ou para o nomeamento de persoal
interino de prazas reservadas a persoal funcionario de corpos ou escalas equivalentes dedicado ás tarefas de prevención de incendios forestais
Co obxecto de acadar unha maior eficacia na xestión do persoal temporal correspondente ás categorías de persoal laboral que se especifican no anexo I deste acordo ou persoal funcionario interino de corpos ou escalas equivalentes dos servizos de prevención de incendios forestais, estas consellerías, ao abeiro do disposto no artigo 11 da Lei 40/2015, do 1 de outubro, de réxime xurídico do sector público, e na disposición adicional primeira do Decreto 37/2006, do 2 de marzo, polo que se regula o nomeamento de persoal interino para o desempeño con carácter transitorio de prazas reservadas a funcionarios e a contratación temporal de persoal laboral da Xunta de Galicia,
Acordan:
Cláusula 1
Encomendar á Consellería do Medio Rural determinados actos de xestión das listas de contratación temporal de persoal laboral das categorías que se especifican no anexo I deste acordo ou para o nomeamento de persoal interino de prazas reservadas a persoal funcionario de corpos ou escalas equivalentes, reguladas no Decreto 37/2006, do 2 de marzo, do persoal da Xunta de Galicia dedicado ás tarefas de prevención de incendios forestais.
A encomenda abranguerá as seguintes actuacións e terán o alcance que en cada caso se sinala:
a) A organización e realización da proba física a que se deben someter os distintos integrantes das listas.
b) A realización dos chamamentos para a cobertura temporal dos distintos postos de traballo reservados ás categorías de persoal laboral dedicadas as tarefas de prevención de incendios forestais que constan no anexo I ou corpos ou escalas de persoal funcionario declaradas equivalentes no anexo do Decreto 165/2019, do 26 de decembro. Para estes efectos, utilizarase unha aplicación informática proporcionada pola Dirección Xeral da Función Pública cando este chamamento se realice desde a lista definitiva de admitidos.
Cláusula 2
A encomenda de xestión non supón a cesión da titularidade das competencias.
Cláusula 3
A encomenda terá un prazo de vixencia de dous anos a partir da súa publicación. Este prazo poderá ser prorrogado por igual período, por acordo expreso das partes que se publicará antes do remate do seu prazo de vixencia.
Disposición derradeira
Este acordo entrará en vigor o mesmo día da súa publicación no Diario Oficial de Galicia.
Santiago de Compostela, 14 de febreiro de 2022
Miguel Corgos López-Prado |
José González Vázquez |
Conselleiro de Facenda e Administración Pública |
Conselleiro do Medio Rural |
ANEXO I
Grupo |
Categoría |
Denominación |
I |
038 |
Técnico/a superior defensa contra incendios forestais |
II |
039 |
Técnico/a forestal defensa contra incendios forestais |
III |
100 |
Bombeiro/a forestal xefe/a de brigada |
IV |
032 |
Operador/a codificador/a de datos de defensa contra incendios forestais |
IV |
033 |
Bombeiro/a forestal condutor/a de motobomba |
IV |
037 |
Oficial/a 2ª mecánico máquinas defensa contra incendios forestais |
V |
10A |
Vixilante móbil defensa contra incendios forestais |
V |
10B |
Vixilante fixo/a de defensa contra incendios forestais |
V |
10C |
Emisorista de defensa contra incendios forestais. Escoita incendios |
V |
014 |
Bombeiro/a forestal |
V |
14A |
Bombeiro/a forestal condutor/a |