O artigo 28.2 da Constitución española recoñece como dereito fundamental da persoa o dereito á folga.

O exercicio deste dereito na Administración e nas empresas, entidades e institucións públicas ou privadas que presten servizos públicos ou de recoñecida e inaprazable necesidade, no ámbito e competencias da Comunidade Autónoma de Galicia, está condicionado ao mantemento dos servizos esenciais fixados no artigo 2 do Decreto 155/1988, do 9 de xuño (DOG núm. 116, do 20 de xuño), entre os que se encontra a sanidade.

O desempeño da prestación da asistencia sanitaria pública non se pode ver afectado gravemente polo lexítimo exercicio do dereito de folga, xa que aquel é considerado e recoñecido prioritariamente en relación con este. O que implica a necesidade de conxugar o dito exercicio cun axeitado establecemento dos servizos mínimos naquelas áreas e actividades que repercuten na xestión dos servizos sanitarios, para preservar, en último termo, o propio dereito á vida e á integridade física das persoas usuarias dos devanditos servizos.

O artigo 3 do citado decreto faculta os conselleiros ou conselleiras competentes por razón dos servizos esenciais afectados para que, mediante orde e ante cada situación de folga, decidan o mínimo de actividade necesaria para asegurar o mantemento dos tales servizos, así como para determinar o persoal necesario para a súa prestación.

A Secretaría de Acción Sindical da Confederación Nacional do Traballo en Vigo (CNT-Vigo) comunicou a convocatoria dunha folga que afectará, segundo o seu teor literal, todos os sectores laborais establecidos dentro do ámbito xeográfico municipal de Vigo e a súa comarca, advertindo que a folga abranguerá tamén os organismos encargados de prestar servizos públicos, e que se desenvolverá o día 8 de marzo de 2022 desde as 00.00 horas ata as 23.59 horas.

No entanto e segundo a propia convocatoria, naquelas empresas e organismos que teñan varias quendas de traballo, o comezo da folga efectuarase na primeira quenda, aínda que empece antes das 00.00 horas do día 8 de marzo, e a súa finalización terá lugar unha vez rematada a última quenda, aínda que se prolongue despois das 23.59 horas dese día.

Polo que a determinación dos servizos esenciais que deban manterse durante esta folga ten que valorar en primeiro termo estes aspectos, pois atinxe tamén á prestación asistencial que se dispensa, en todas as quendas de traballo coincidentes co desenvolvemento da folga, nos centros e establecementos sanitarios dependentes do Servizo Galego de Saúde e das entidades públicas adscritas á Consellería de Sanidade no devandito ámbito territorial, e afecta, así mesmo, todo o persoal dos dispositivos sanitarios situados nos concellos de Baiona, Fornelos de Montes, Gondomar, Mos, Nigrán, Pazos de Borbén, O Porriño, Redondela, Salceda de Caselas, Soutomaior e Vigo.

Pero, ademais, cómpre subliñar o contexto en que se vai desenvolver a folga, nun escenario de crise sanitaria que motivou, como é público e notorio, a progresiva adopción, evolución e adaptación de medidas preventivas, de contención, seguimento e de actuación en materia de saúde pública e asistencia sanitaria na Comunidade Autónoma de Galicia como consecuencia da evolución da pandemia do coronavirus COVID-19.

Así, e malia a positiva evolución da situación epidemiolóxica concreta de Galicia nas últimas semanas, segue a existir unha importante circulación do virus e o conseguinte risco de transmisión, con incidencias aínda significativas nas persoas usuarias dos centros e establecementos recollidos nesta orde. Nos cales debe, en calquera caso, preservarse a asistencia máis completa posible ás persoas doentes e afectadas, diagnosticadas ou susceptibles de selo, por patoloxías compatibles ou confirmadas de infección polo SARS-CoV-2.

De tal sorte que os criterios reitores e os servizos mínimos que se establezan deberán cohonestarse coa salvagarda das medidas emprendidas nos centros e entidades do Sistema público de saúde de Galicia, nomeadamente naquelas áreas, servizos e unidades cuxa actividade garda unha maior relación coa situación sanitaria. Trátase de conciliar, en suma, o lexítimo exercicio do dereito de folga co elenco de actuacións que a Administración sanitaria implantou e continúan vixentes na actualidade, co fin de dispoñer dos recursos humanos necesarios para facer fronte ao incremento e a natureza da carga asistencial motivados pola pandemia.

Polo que a determinación dos servizos esenciais contidos nesta orde se realiza atendendo as devanditas circunstancias.

Con base no que antecede,

DISPOÑO:

Artigo 1

A convocatoria de folga referida deberá entenderse condicionada ao mantemento dos servizos mínimos que se establecen na presente orde.

Os servizos mínimos que se fixan resultan totalmente imprescindibles para manter a axeitada cobertura do servizo esencial de asistencia sanitaria, para os efectos de evitar que se produzan graves prexuízos á cidadanía. E, ao propio tempo responden á necesidade de compatibilizar o respecto ineludible do exercicio do dereito á folga coa atención á poboación, que baixo ningún concepto pode quedar desasistida, dadas as características do servizo dispensado e, en especial, no actual contexto sanitario.

De acordo co anterior, debe garantirse a atención ás persoas usuarias que non se pode aprazar sen consecuencias negativas para a saúde. E, con esa finalidade, establécense os seguintes criterios reitores para o mantemento dos servizos esenciais nos centros de traballo e nas institucións sanitarias afectadas pola folga:

I. O persoal mínimo necesario para a cobertura do 100 % das unidades respecto da atención urxente prestada a través do 061 no ámbito territorial da folga.

No eido da Fundación Pública Urxencias Sanitarias de Galicia-061, a folga afecta o servizo de transporte sanitario urxente organizado e xestionado a través da RTSUG (Rede de transporte sanitario urxente de Galicia). O servizo préstase na comarca de Vigo mediante:

– 5 ambulancias asistenciais de soporte vital avanzado ou ambulancias tipo C concertadas pola Fundación Pública Urxencias Sanitarias de Galicia-061 e localizadas nos municipios de Vigo (2), Mos (1) e Pontevedra (2 prestan servizo a Soutomaior).

– 12 ambulancias asistenciais de soporte vital básico ou tipo B concertadas pola Fundación Pública Urxencias Sanitarias de Galicia-061, que se localizan nos municipios de Vigo (6), O Porriño (1), Baiona (1), Nigrán (1), Redondela (1) e Pontevedra (2 prestan servizo a Soutomaior).

A RTSUG está organizada en razón a unha superficie, unha poboación e un complexo mapa de isócronas, onde cada recurso garante o servizo a unha poboación nunha área determinada, cun persoal especificamente formado para este tipo de asistencia, e sobre a base de que poden ocorrer accidentes e darse situacións de urxencia de difícil resolución se non están dispoñibles todos os recursos de transporte urxente, dado que non cabe prever a demanda. O número de ambulancias contratadas está axustado a esa finalidade. En consecuencia, para garantir a protección á saúde da poboación e dar resposta ao 100 % dos servizos solicitados pola Fundación Pública Urxencias Sanitarias de Galicia-061, neste ámbito imponse unha cobertura do 100 % das unidades. As ambulancias adaptaranse á dotación de persoal recollida no Decreto 52/2015, do 5 de marzo, polo que se regula o transporte sanitario.

Pola súa vez, os servizos mínimos que se dispoñen resultan totalmente imprescindibles para manter a necesaria cobertura asistencial respecto ao transporte sanitario a través das empresas e entidades afectadas pola folga, coa finalidade de evitar que se produzan prexuízos graves para a saúde da cidadanía.

II. No ámbito da transfusión de sangue, os servizos necesarios para o mantemento do abastecemento sanguíneo en todo o territorio a que se estende a folga.

No eido da Axencia Galega de Sangue, Órganos e Tecidos, os servizos mínimos que se fixan resultan totalmente imprescindibles para manter a axeitada cobertura da subministración de sangue e hemoderivados a todos os centros sanitarios, tanto públicos como privados, da comarca de Vigo, así como para evitar que se produzan prexuízos aos doadores/as e, consecuentemente, aos posibles receptores/as. Na mesma medida debe garantirse a coordinación das doazóns, os transplantes de órganos e os implantes de células e tecidos, velando polo cumprimento dos estándares de calidade vixentes e na lexislación de aplicación.

III. Nos centros e institucións sanitarias do Servizo Galego de Saúde:

a) Persoal facultativo do ámbito da atención hospitalaria:

1. Cobertura do 100 % da actividade urxente nos seguintes ámbitos:

– Servizos de urxencias e gardas médicas.

– Quirófanos urxentes para a atención das persoas usuarias que requiran intervención cirúrxica inaprazable.

– Salas de partos.

Nas áreas sinaladas é imprescindible a cobertura do 100 % da actividade urxente, dado que non é posible prever as necesidades, por non ser unha actividade programable e, posto que nestes casos é preciso dar unha resposta asistencial inmediata, ten que manterse a cobertura asistencial establecida nos supostos de urxencia.

2. Cobertura do 100 % da actividade nas seguintes áreas:

– Unidades de reanimación.

– Unidades de coidados intensivos, de adultos ou pediátricas, e unidades coronarias, de ser o caso.

– Área de diálise.

– Área de tratamentos oncolóxicos (hospital de día).

As unidades de reanimación de coidados intensivos precisan manter a súa cobertura habitual, pois teñen que dar resposta aos quirófanos e ás posibles urxencias que, pola súa gravidade e ante unha posible falta axeitada de resposta, porían en perigo a vida dos/das pacientes.

No caso da diálise e dos tratamentos oncolóxicos, a súa demora ou aprazamento poden carrexar un agravamento importante dos/das doentes. Neste senso, as descompensacións do equilibrio hidroelectrolítico por ausencia de tratamento renal substitutivo e a suspensión do tratamento antineoplásico teñen un papel fundamental no aumento de morbilidade dos/das pacientes.

3. Cobertura do 100 % da actividade inaprazable nas unidades de hospitalización por COVID e nas áreas de medicina preventiva, saúde laboral e microbioloxía.

Por mor da crise epidemiolóxica reforzáronse, precisamente, as unidades e servizos máis directamente relacionados co ingreso de doentes e coa prevención, detección, manexo e tratamento tanto de pacientes como de profesionais con patoloxía suxestiva ou confirmada de infección polo SARS-CoV-2, unidades cuxa plena operatividade resulta arestora imprescindible ante a evolución da pandemia e para preservar a saúde e mesmo a vida das persoas.

4. Cobertura da actividade cirúrxica dos/das pacientes, tanto hospitalizados/as como ambulatorios/as, con respecto ás patoloxías que poñan en perigo a súa vida ou agraven o seu estado de saúde, en especial procesos neoplásicos.

Nestes casos, a morbilidade e o prognóstico dos/das pacientes poderían agravarse de forma significativa no suposto de que se modificase a planificación realizada. A historia natural de moitas enfermidades graves e oncolóxicas pode evitarse dando a resposta máis áxil posible.

5. Na área de hospitalización establecerase o número necesario para garantir a atención urxente dos/das doentes hospitalizados/as e as altas clínicas.

Os/as pacientes ingresados/as precisan do control axeitado que permita asegurar o seguimento da súa evolución e a supervisión do tratamento, evitando estadías innecesarias que poidan modificar ou complicar a dita evolución. A hospitalización é necesaria nos casos en que a situación clínica do/a paciente o determina, e a súa prolongación excesiva pode ter implicacións clínicas prexudiciais.

6. No ámbito de consulta, así como das interconsultas dos/das pacientes hospitalizados/as que o requiran, atenderanse as consideradas como urxentes no criterio do persoal facultativo. Así mesmo, atenderanse as consultas inaprazables dos/das doentes oncolóxicos/as que requiran tratamento citostático, incluíndo os/as doentes desprazados/as.

Dada a importante variedade das patoloxías que se atenden nos centros sanitarios, establécese como criterio de urxencia ou de realización ineludible o do/da facultativo/a responsable da asistencia da persoa enferma. Con isto garántese a necesaria asistencia sanitaria que debe prestarse aos/ás doentes para tentar evitar complicacións e manter o seguimento necesario das súas patoloxías.

7. Garantirase, así mesmo, a realización de determinacións e probas complementarias urxentes e as que se refiren aos/ás pacientes hospitalizados que, no criterio do persoal facultativo, sexan necesarias e inaprazables.

Ao igual que no caso anterior, á vista da gran variedade das patoloxías que se atenden nos centros sanitarios, establécese como criterio de urxencia ou de determinación ineludible o do persoal facultativo responsable da asistencia do/da enfermo/a. Os atrasos na realización destas probas poden comprometer a situación clínica da persoa doente.

8. Garantirase a prescrición de sangue, medicamentos e produtos sanitarios.

Dada a gran variedade das patoloxías que se atenden nos centros sanitarios, establécese como criterio de urxencia ou de dispensa ineludible o do/da facultativo/a responsable da asistencia e a medicación da persoa enferma. As demoras na dispensa dos hemoderivados e os medicamentos poden comprometer a situación clínica do/da paciente.

9. Garantirase a atención necesaria a pacientes subsidiarios/as de hospitalización a domicilio e coidados paliativos.

No caso da hospitalización a domicilio, requírese garantir a prestación asistencial, ao igual que na hospitalización convencional. No que atinxe aos coidados paliativos, dado o limitado prognóstico vital e a complexidade da situación clínica dos/das pacientes tense que garantir o nivel de coidados necesario.

b) Persoal facultativo do ámbito da atención primaria:

1. Cobertura do 100 % da actividade urxente.

É imprescindible a cobertura do 100 % da actividade urxente, tendo en conta que non cabe prever as necesidades por non tratarse dunha actividade programable e dado que nestes casos é preciso dar unha resposta asistencial inmediata. Polo que ten que manterse a cobertura asistencial establecida nos supostos de urxencia.

2. No tramo ordinario de atención nos centros de saúde (non PAC) prestarase a asistencia urxente ou inaprazable da unidade, calquera que sexa a modalidade da prestación.

A prestación sanitaria urxente no horario ordinario é desenvolvida polos profesionais dos servizos de atención primaria (persoal médico, pediatra e odontólogo), polo que cómpre definir uns mínimos para garantir a asistencia urxente e o seguimento e tratamento dos procesos inaprazables, garantindo a seguinte dotación mínima:

– En centros con catro ou menos profesionais: 1 efectivo por categoría profesional.

– En centros con cinco a oito profesionais: 2 efectivos por categoría.

– En centros con nove a doce profesionais: 3 efectivos por categoría.

– En centros con trece ou máis profesionais: 4 efectivos por categoría.

c) Persoal sanitario non facultativo da atención hospitalaria:

Respecto a este colectivo, a xustificación dos criterios reitores obedece substancialmente ao xa sinalado para o caso do persoal facultativo, dado que a asistencia debe ser necesariamente realizada en equipo, sen poder levarse a efecto sen a colaboración do conxunto dos/das profesionais implicados/as.

1. Cobertura do 100 % da actividade urxente nun triplo ámbito:

– Servizos de urxencias.

– Quirófanos urxentes (xerais e de tocoloxía) para a atención dos/das usuarios/as que requiran intervencións cirúrxicas inaprazables.

– Salas de partos.

2. Na área de hospitalización establecerase o número necesario para garantir os coidados dos/das pacientes hospitalizados/as, en correspondencia cos efectivos dun domingo ou festivo.

3. No ámbito das consultas estableceranse servizos mínimos nun dobre ámbito:

– Apoio á atención das consultas especializadas consideradas como urxentes ou preferentes.

– Así mesmo, atenderanse as consultas inaprazables dos/das pacientes oncolóxicos/as que requiran tratamento citostático, incluíndo os/as desprazados/as.

4. No ámbito dos servizos centrais, garantirase a realización das probas complementarias urxentes e as que se refiran aos/ás doentes hospitalizados/as que, no criterio do persoal facultativo, sexan necesarias e inaprazables, en correspondencia cos efectivos dun domingo ou festivo.

5. Garantirase a dispensación de medicamentos, hemoderivados e produtos sanitarios, en correspondencia cos efectivos dun domingo ou festivo.

6. Unidades especiais: o número necesario para garantir o coidado dos/das pacientes, en correspondencia cos efectivos dun domingo ou festivo.

d) Persoal sanitario non facultativo da atención primaria:

Respecto a este colectivo e como xa se indicou no caso do persoal sanitario da atención hospitalaria, a xustificación dos criterios reitores obedece substancialmente ao xa sinalado para o caso do persoal facultativo, dado que a asistencia debe ser necesariamente realizada en equipo, sen que poida levarse a efecto sen a colaboración do conxunto dos/das profesionais implicados/as.

1. Cobertura do 100 % da actividade urxente.

É, así mesmo, imprescindible cubrir o 100 % da actividade urxente, tendo en conta que non cabe prever as necesidades por non tratarse dunha actividade programable e que nestes casos é preciso dar unha resposta asistencial inmediata. Polo que ten que manterse a cobertura asistencial establecida nos supostos de urxencia.

2. Os servizos mínimos que se fixan no tramo ordinario de atención prestarán a asistencia urxente e inaprazable da unidade, calquera que sexa a modalidade da prestación.

A prestación sanitaria urxente no horario ordinario é desenvolvida polos profesionais dos servizos de atención primaria, polo que cómpre definir uns mínimos para garantir a asistencia urxente e o seguimento e tratamento dos procesos inaprazables, garantindo a seguinte dotación mínima:

– En centros con catro ou menos profesionais: 1 efectivo

– En centros con cinco a oito profesionais: 2 efectivos

– En centros con nove a doce profesionais: 3 efectivos

– En centros con trece ou máis profesionais: 4 efectivos

3. Cobertura do 100 % da actividade de enfermaría dos equipos específicos de cribado e vacinación en actividades relacionadas coa pandemia do SARS-CoV-2.

Na actual situación de pandemia é preciso continuar cos cribados á poboación. Da mesma forma, a vacinación na poboación de máis idade e grupos de risco non pode ser demorada, xa que se trata dos colectivos máis vulnerables. Actualmente, atrasar tanto o cribado poboacional como a vacinación suporía un risco engadido para as persoas afectadas e comprometería, así mesmo, a saúde pública.

e) Persoal de xestión e servizos da atención hospitalaria:

1. Urxencias: un número de efectivos que garanta a cobertura do 100 % da actividade urxente.

Na liña indicada para outros colectivos, os dispositivos de urxencias constitúen un servizo vital de atención ininterrompida as 24 horas e todos os días do ano e é imprescindible para a prestación do servizo a existencia de persoal de apoio ao propiamente sanitario.

2. Área de hospitalización: un número de efectivos equivalente ao dos domingos ou festivos.

Nesta área é necesaria una prestación continuada do persoal non sanitario equivalente aos efectivos que de xeito habitual prestan servizo nos festivos e domingos, e considérase que por debaixo desas presenzas non se garante a atención aos/ás doentes ingresados/as.

3. Cita previa: un número de efectivos que garanta a atención ao/á paciente que o requira, cun mínimo dun efectivo por centro e ata un máximo do 50 % dos efectivos da quenda.

A situación é variable debido ás diferentes organizacións e infraestruturas dos centros sanitarios, polo que ante una situación de folga e coas incidencias que dela poden derivar, é preciso manter os mínimos servizos de atención nesta área ás persoas usuarias.

4. Atención ao paciente: un número de efectivos que garanta a atención ao/á doente que o requira, cun mínimo dun efectivo por centro e ata un máximo do 50 % dos efectivos da quenda.

Ao igual que no caso anterior e debido á diferente casuística da organización e infraestrutura dos centros, perante una situación de folga e as incidencias que dela poidan derivar, cómpre establecer uns mínimos efectivos de atención nesta área, fundamental no apoio ás persoas usuarias e na resolución das problemáticas propias deste ámbito.

5. Servizos de mantemento: un número equivalente ao dos domingos ou festivos.

Nestas áreas de traballo, das cales depende o funcionamento de todas as instalacións e equipamentos dos centros, é necesaria una prestación continuada equivalente aos efectivos que de xeito habitual prestan servizo nos festivos e domingos, e considérase que por debaixo desas presenzas non se garante a actividade mínima que asegure o axeitado funcionamento das instalacións e equipos.

6. Servizo de lavandaría e lenzaría: un número equivalente ao dos domingos e festivos.

Neste ámbito é preciso garantir a dispoñibilidade de roupa de doentes e lenzaría para camas e padiolas, así como a dotación de roupa para o persoal que debe traballar en áreas críticas, urxencias e quirófanos, e tamén para resolver as cuestións puntuais que se precisen para una prestación axeitada dos servizos. Considérase que os mínimos necesarios para a súa atención son os que de xeito habitual prestan servizo nos festivos e domingos.

7. Limpeza:

7.1. Áreas de urxencias, laboratorio de urxencias, radiodiagnóstico de urxencias, UCI, área cirúrxica, reanimación poscirúrxica, reanimación cardíaca, oncoloxía radioterápica, hematoloxía, hospital de día, diálise e unidades de hospitalización por COVID: o persoal preciso para garantir o 100 % das presenzas e prestación de limpeza habituais na actualidade.

7.2. Áreas de radioloxía intervencionista, esterilización e hospitalización (non COVID): o persoal preciso para garantir o 70 % das presenzas e prestación de limpeza habituais na actualidade.

7.3. Restantes áreas: o persoal preciso para garantir o 50 % das presenzas e prestación de limpeza habituais na actualidade.

Por mor da hixiene necesaria para a prestación dos servizos sanitarios, neste eido sempre resulta preciso garantir con carácter xeral que as instalacións estean en perfectas condicións de limpeza e hixiene, no que atinxe a zonas de hospitalización de doentes, vestiarios de persoal, áreas críticas, servizos de urxencias e quirófanos, así como nas zonas comúns de uso xeral, pois as eventuais diminucións dos parámetros de limpeza nalgunha delas pode incidir directamente tamén nas outras.

Pero é que, ademais, a excepcional situación xurdida por mor da pandemia orixinada polo novo coronavirus SARS-CoV-2 (COVID-19) require dunha serie de medidas específicas para evitar o contaxio da enfermidade infecciosa nas dependencias das institucións sanitarias, tanto respecto aos propios profesionais como ás persoas usuarias dos servizos, así como entre aqueles e estas.

Así e no que atinxe a esta área de actividade, por mor da situación sanitaria e consonte os protocolos establecidos para o efecto cómpre extremar, para evitar o contaxio da enfermidade infecciosa por COVID-19 nas dependencias sanitarias, a limpeza e desinfección daqueles espazos máis directamente relacionados coa prevención, detección, manexo e tratamento de pacientes e de profesionais con patoloxía indiciaria ou confirmada de infección polo SARS-CoV-2, dependencias cuxa plena operatividade e seguridade resultan imprescindibles nas actuais circunstancias.

8. Hostalaría: un número mínimo igual ao dos domingos ou festivos, co máximo do 60 % dos efectivos da quenda, en función do tamaño das prestacións dependentes de hostalaría en cada centro.

Nesta área de traballo é preciso garantir a dispoñibilidade de alimentos dos/das doentes e do persoal de garda. Considérase que os mínimos necesarios para a súa atención son os efectivos que de xeito habitual prestan servizo nos festivos e domingos, para manter unha actividade que garanta que non se rompan os stocks de alimentos preparados nas unidades, sen que sexa posible asumila sen romper a cadea de produción nos restantes días da semana. Por iso, neste caso, considérase necesario tomar como referencia o 60 % do persoal da quenda de traballo, imprescindible para garantir un mínimo funcionamento da cadea de elaboración, empratado, distribución e recollida de comidas e utensilios.

9. Servizos administrativos:

– Información: o número de profesionais necesarios para garantir a debida información aos/ás pacientes e usuarios/as.

A situación é variable debido á diferente organización e estrutura física de cada centro, polo que ante una situación de folga e coas incidencias que dela poden derivar, é preciso manter unha mínima dotación para prestar atención e información ás persoas usuarias.

– Persoal: o número imprescindible para garantir a atención das incidencias e xestións derivadas da folga e, como máximo, ata o 40 % dos efectivos da quenda.

Nunha xornada de folga, os servizos de recursos humanos deben asumir unha serie de tarefas específicas relacionadas con ela e coa propia xestión dos servizos mínimos, incluíndo a recompilación de información, resolución de incidencias, etcétera, que fan que nesa xornada sexa preciso manter una dotación mínima que permita realizar todas esas xestións, ademais daqueloutras tarefas que non admitan demora por estaren suxeitas a prazos fixados normativamente.

– Subministracións: o número imprescindible para garantir os pedidos urxentes cun máximo do 25 % dos efectivos da quenda.

Neste ámbito de traballo cómpre garantir a dispoñibilidade de todo tipo de material, sanitario e non sanitario, para a correcta atención das persoas ingresadas e das atendidas no servizo de urxencias. Para iso é preciso manter efectivos nas unidades administrativas encargadas da tramitación e xestión dos pedidos de material.

– Almacén: un número imprescindible para a xestión do almacén cun máximo do 25 % dos efectivos da quenda.

Nesta área de actividade, ao igual que no caso anterior, é preciso unha dotación de efectivos nos almacéns encargados da xestión dos pedidos de material que inclúe a súa preparación e envío ás unidades de subministracións.

– Contabilidade: un número imprescindible para as xestións urxentes co máximo do 25 % dos efectivos da quenda.

É necesario garantir a tramitación e xestións de carácter urxente que poidan ser requiridas respecto ás tarefas administrativas de contabilidade.

f) Persoal de xestión e servizos da atención primaria:

1. Urxencias: un número de efectivos que garanta a cobertura do 100 % da actividade urxente.

Como se indicou anteriormente, os dispositivos de urxencias extrahospitalarias constitúen un servizo vital de atención ininterrompida durante as 24 horas e todos os días do ano, e é imprescindible para a prestación do servizo a existencia de persoal de apoio ao persoal sanitario dos devanditos dispositivos.

2. Centros e ambulatorios de atención primaria:

– En centros con catro ou menos efectivos de persoal facultativo: 1 efectivo.

– En centros con cinco ou máis efectivos de persoal facultativo: 1 efectivo por centro e, en caso de teren varios andares, un máis por andar.

Un efectivo resulta o mínimo imprescindible para manter o soporte administrativo ás tarefas de xestión, información ás persoas usuarias e de apoio aos profesionais sanitarios para a realización do seu traballo. No caso dos centros de atención primaria de maior tamaño, distribuídos en varios andares, faise preciso un efectivo por andar co fin de garantir o mínimo imprescindible para manter o soporte administrativo ás devanditas tarefas de xestión, información e apoio.

3. Cobertura do 100 % da actividade dos equipos específicos de contacto para o cribado e vacinación en actividades relacionadas coa pandemia do SARS-CoV-2.

Na actual situación de pandemia é preciso continuar cos cribados á poboación. Da mesma forma, a vacinación na poboación de máis idade e dos grupos de risco non pode ser demorada, xa que se trata dos colectivos máis vulnerables. Actualmente, atrasar tanto o cribado poboacional como a vacinación suporía un risco engadido para as persoas afectadas e comprometería, así mesmo, a saúde pública.

g) Persoal das tecnoloxías da información e das comunicacións (TIC): na quenda da mañá, 1 efectivo de presenza física; nas quendas da tarde e da noite, 1 efectivo localizado por quenda. Estes efectivos resultan imprescindibles para atender as incidencias urxentes ou de carácter inaprazable nas áreas de actividade da súa competencia.

h) Outras áreas de traballo ou servizos: establecerase con carácter xeral un número equivalente ao dos domingos ou festivos.

Nas restantes áreas de actividade en que sexa necesaria unha prestación continuada dos servizos para o seu correcto funcionamento, e que nese senso xa dispoñen de persoal os domingos e festivos, os mínimos necesarios son os que traballan de xeito habitual neses días, e considérase que por debaixo das citadas presenzas non se garante a prestación do servizo esencial que asegure o axeitado funcionamento das institucións sanitarias.

i) Persoal de empresas privadas que realizan labores de servizos contratados co Servizo Galego de Saúde: aplicaranse os criterios establecidos nos puntos anteriores para a correspondente área de actividade. No caso de que algunha empresa actúe nunha área de traballo que non se corresponda coas dos criterios precedentes, establecerase un número de efectivos equivalente ao dos domingos ou festivos.

IV. No ámbito do transporte sanitario (non organizado directamente polo 061 a través da RTSUG): unha cobertura do 100 % dos servizos de transporte para enfermos/as que requiran tratamentos continuados de oncoloxía, o que inclúe a aplicación de radioterapia e diálise, así como o transporte interhospitalario urxente, as consultas externas urxentes e as probas diagnósticas urxentes.

Os vehículos que resulten precisos para o mantemento dos servizos mínimos, consonte o anterior criterio reitor, contarán coa dotación mínima de persoal establecida na normativa vixente.

Artigo 2

As empresas privadas que prestan servizos no eido da sanidade e, en particular, as que poidan ter concertada a prestación pública sanitaria do Servizo Galego de Saúde no ámbito territorial da comarca de Vigo deberán fixar o persoal preciso para garantir a prestación de recoñecida e inaprazable necesidade de acordo cos criterios establecidos nos puntos precedentes.

Artigo 3

A determinación do persoal necesario con base nos criterios anteriores faraa a dirección da correspondente institución, e a súa fixación deberá estar adecuadamente motivada.

A xustificación debe constar no expediente de determinación de servizos mínimos e exteriorizarse axeitadamente para o xeral coñecemento do persoal destinatario. Deberá quedar constancia no expediente dos factores ou criterios cuxa ponderación conduce a determinar as presenzas mínimas.

O persoal necesario para a cobertura dos servizos mínimos deberá ser publicado nos taboleiros de anuncios dos centros con antelación ao comezo da folga.

A designación nominal dos efectivos que deben cubrir os servizos mínimos, que deberá recaer no persoal de xeito rotatorio, será determinada pola dirección respectiva e notificada aos profesionais designados.

O persoal designado para a cobertura dos servizos mínimos que desexe exercer o seu dereito de folga poderá instar a substitución da súa designación por outro/a traballador/a que voluntariamente acepte o cambio de xeito expreso.

No anexo desta orde recóllese o número de presenzas mínimas acordado para cubrir a xornada de folga no ámbito do Sistema público de saúde de Galicia na comarca de Vigo.

Artigo 4

Os paros e alteracións no traballo por parte do persoal necesario para o mantemento dos servizos mínimos serán considerados ilegais para os efectos do establecido no artigo 16 do Real decreto lei 17/1977, do 4 de marzo (BOE núm. 58, do 9 de marzo).

Artigo 5

O disposto nos artigos precedentes non significará ningún tipo de limitación dos dereitos que a normativa reguladora da folga recoñece ao persoal nesta situación, nin tampouco sobre a tramitación e efectos das peticións que a motiven.

Artigo 6

Sen prexuízo do que establecen os preceptos anteriores, deberanse observar as normas legais e regulamentarias vixentes en materia de garantías das persoas usuarias dos establecementos sanitarios. Os altercados ou incidentes que se produzan serán obxecto de sanción con base, así mesmo, nas normas vixentes.

Disposición derradeira

Esta orde producirá efectos e entrará en vigor o mesmo día da súa publicación no Diario Oficial de Galicia.

Santiago de Compostela, 3 de marzo de 2022

Julio García Comesaña
Conselleiro de Sanidade

ANEXO

Efectivos de servizos mínimos

– Servizos sanitarios de atención hospitalaria.

Complexo Hospitalario Universitario de Vigo.

		Servizos mínimos
		Mañá	Tarde	Noite
Persoal facultativo	Urxencias	14	14	9
	Área Cirúrxica	66	34	34
	Área Clínica/Hospitalización	67	27	23
	SS.CC.	42	13	11
Matrona		5	5	5
Fisioterapeuta, logopeda e terapeuta ocupacional		7	2	-
Persoal de enfermaría	Urxencias	22	23	16
	Área Cirúrxica	55	28	25
	Área Clínica/Hospitalización	145	108	95
	SS.CC.	47	14	5
Persoal sanitario FP	Técnico/a coidados auxiliares de enfermaría	203	154	104
	Técnico/a especialista	36	27	20
Celador/a		115	80	51
Persoal administrativo		56	21	4
Mantemento		5	4	3
Telefonista		2	2	2
Condutor/a		1	-	-
Informática		2	2	2

– Servizos sanitarios de atención primaria.

Área Sanitaria de Vigo.

		Servizos mínimos
Mañá	Tarde	Noite
Persoal facultativo	Médico/a de familia	59	30	-
	Pediatra	21	8	-
	Médico/a de familia PAC	-	10	10
Persoal de enfermaría	Enfermeiro/a	61	28	-
	Enfermeiro/a PAC	-	10	10
	Técnico/a coidados auxiliares enfermaría	4	-	-
Persoal de xestión e servizos	Persoal de servizos xerais	32	18	-
	Auxiliar administrativo/a	1	-	-
	Celador/a	1	-	-
	PSX-celador/a de PAC	-	5	5
	Telefonista/PSX	-	1	1
	Condutor/a	-	2	2

Área Sanitaria de Pontevedra (Centro de Saúde de Arcade).

		Servizos mínimos
		Mañá	Tarde	Noite
Persoal facultativo	Médico/a de familia	1	-	-
	Pediatra	1	-	-
Persoal de enfermaría	Enfermeiro/a	1	-	-
Persoal de xestión e servizos	Persoal de servizos xerais	1	-	-

– Servizos contratados ou con concesión administrativa.

a) Mantemento:

Categoría	Centro	Servizo	Quenda	Servizos mínimos
Electrónico/a	H.A.C. e H.N. Peña	Mto. Electromedicina	Mañá	1
Electrónico/a	H.A.C. e H.N. Peña	Mto. Electromedicina	Tarde	1
Electrónico/a	H.A.C., H.N. Peña e H. Meixoeiro	Mto. Electromedicina	Noite	1 (localizada)
Electrónico/a	H. Meixoeiro	Mto. Electromedicina	Mañá	1
Fontaneiro/a calefactor	H.A.C., H.N. Peña e H. Meixoeiro	Central Abast. e Tto. Auga (CATA)	Mañá	1
Electricista	H.A.C., H.N. Peña e H. Meixoeiro	Mto. Xeral	Mañá	1 + 1 (localizada)
Electricista	H.A.C., H.N. Peña e H. Meixoeiro	Mto. Xeral	Tarde	1 + 1 (localizada)
Electricista	H.A.C., H.N. Peña e H. Meixoeiro	Mto. Xeral	Noite	1 + 1 (localizada)
Calefactor/a	H.A.C., H.N. Peña e H. Meixoeiro	Mto. Xeral	Mañá	1 + 1 (localizada)
Calefactor/a	H.A.C., H.N. Peña e H. Meixoeiro	Mto. Xeral	Tarde	1 + 1 (localizada)
Calefactor/a	H.A.C., H.N. Peña e H. Meixoeiro	Mto. Xeral	Noite	1 + 1 (localizada)
Mecánico/a / cond. Instalacións	H.A.C., H.N. Peña e H. Meixoeiro	Mto. Xeral	Mañá	1
Mecánico/a / cond. instalacións	H.A.C., H.N. Peña e H. Meixoeiro	Mto. Xeral	Tarde	1
Mecánico/a / cond. instalacións	H.A.C., H.N. Peña e H. Meixoeiro	Mto. Xeral	Noite	1

b) Restauración e limpeza:

Agrupación profesional	Centro	Servizo	Quenda	Servizos mínimos
Camareiras/os	H.A. Cunqueiro	Restauración	Mañá	12
Pinches	H.A. Cunqueiro	Restauración	Mañá	7
Dietistas	H.A. Cunqueiro	Restauración	Mañá	2
Mozo/a almacén	H.A. Cunqueiro	Restauración	Mañá	2
Pinches limpeza	H.A. Cunqueiro	Restauración	Mañá	5
Cociñeira/o	H.A. Cunqueiro	Restauración	Mañá	3
Axud. cociña	H.A. Cunqueiro	Restauración	Mañá	4
Camareiras/os	H.A. Cunqueiro	Restauración	Tarde	12
Pinches	H.A. Cunqueiro	Restauración	Tarde	7
Dietistas	H.A. Cunqueiro	Restauración	Tarde	2
Mozo/a almacén	H.A. Cunqueiro	Restauración	Tarde	2
Cociñeira/o	H.A. Cunqueiro	Restauración	Tarde	1
Axud. cociña	H.A. Cunqueiro	Restauración	Tarde	2
Camareiras/os	H. Meixoeiro	Restauración	Mañá	5
Pinches	H. Meixoeiro	Restauración	Mañá	6
Dietistas	H. Meixoeiro	Restauración	Mañá	1
Camareiras/os	H. Meixoeiro	Restauración	Tarde	5
Pinches	H. Meixoeiro	Restauración	Tarde	5
Dietistas	H. Meixoeiro	Restauración	Tarde	1
Axud. cociña	H. Meixoeiro	Restauración	Tarde	1
Camareiras/os	H. Nicolás Peña	Restauración	Mañá	1
Pinches	H. Nicolás Peña	Restauración	Mañá	1
Camareiras/os	H. Nicolás Peña	Restauración	Tarde	1
Pinches	H. Nicolás Peña	Restauración	Tarde	1
Camareiro/a	H. N. Peña	Cafetaría	Mañá	1
Camareiro/a	H. Meixoeiro	Cafetaría	Mañá	2
Camareiro/a	H. Meixoeiro	Cafetaría	Tarde	1
Cociñeira/o	H. Meixoeiro	Cafetaría	Mañá	1
Cociñeira/o	H. Meixoeiro	Cafetaría	Tarde	1
Limpadores/as	H.A. Cunqueiro	Limpeza	Mañá	46
Limpadores/as	H.A. Cunqueiro	Limpeza	Tarde	38
Limpadores/as	H.A. Cunqueiro	Limpeza	Noite	4
Peóns de recollida	H.A. Cunqueiro	Limpeza	Mañá	2
Peóns de recollida	H.A. Cunqueiro	Limpeza	Tarde	2
Xefes/as de equipo	H.A. Cunqueiro	Limpeza	Mañá	2
Xefes/as de equipo	H.A. Cunqueiro	Limpeza	Tarde	1
Encargados/as	H.A. Cunqueiro	Limpeza	Mañá	1
Limpadores/as	H. Nicolás Peña	Limpeza	Mañá	3
Limpadores/as	H. Nicolás Peña	Limpeza	Tarde	2
Limpadores/as	H. Meixoeiro	Limpeza	Mañá	14
Limpadores/as	H. Meixoeiro	Limpeza	Tarde	15
Limpadores/as	H. Meixoeiro	Limpeza	Noite	1
Peóns de recollida	H. Meixoeiro	Limpeza	Mañá	1
Peóns de recollida	H. Meixoeiro	Limpeza	Tarde	1
Xefes/as de equipo	H. Meixoeiro	Limpeza	Tarde	1
Encargados/as	H. Meixoeiro	Limpeza	Mañá	1
Encargados/as	H. Meixoeiro	Limpeza	Tarde	1
Limpadora	C.S. López Mora	Limpeza	Mañá	1
Limpadora	C.S. López Mora	Limpeza	Tarde	1
Limpadora	C.S. Rúa Cuba	Limpeza	Mañá	1
Limpadora	C.S. Rúa Cuba	Limpeza	Tarde	1
Limpadora	C.S. Arbo	Limpeza	Tarde	1
Limpadora	C.S. A Doblada	Limpeza	Mañá	1
Limpadora	C.S. A Doblada	Limpeza	Tarde	1
Limpadora	C.S. Rosalía Castro	Limpeza	Mañá	1
Limpadora	C.S. Rosalía Castro	Limpeza	Tarde	1
Limpadora	C.S. Teis	Limpeza	Mañá	1
Limpadora	C.S. Teis	Limpeza	Tarde	1
Limpadora	C.I.S. Taboada Leal	Limpeza	Mañá	1
Limpadora	C.I.S. Taboada Leal	Limpeza	Tarde	1
Limpadora	C.S. Pintor Colmeiro	Limpeza	Tarde	1
Limpadora	C.S. Lavadores	Limpeza	Mañá	1
Limpadora	C.S. Lavadores	Limpeza	Tarde	1
Limpadora	C.S. Coia	Limpeza	Mañá	1
Limpadora	C.S. Coia	Limpeza	Tarde	1
Limpadora	C.S. Casco Vello	Limpeza	Tarde	1
Limpadora	E.A. García Barbón	Limpeza	Tarde	1
Limpadora	C.S. Redondela	Limpeza	Mañá	1
Limpadora	C.S. Redondela	Limpeza	Tarde	1
Limpadora	C.S. Sárdoma	Limpeza	Mañá	1
Limpadora	C.S. Sárdoma	Limpeza	Tarde	1
Limpadora	C.S. Chapela	Limpeza	Tarde	1
Limpadora	C.S. Baiona	Limpeza	Tarde	1
Limpadora	C.S. Nicolás Peña	Limpeza	Mañá	1
Limpadora	C.S. Nicolás Peña	Limpeza	Tarde	1
Limpadora	C.S. Coruxo	Limpeza	Tarde	1
Limpadora	C.S. Bembrive	Limpeza	Tarde	1
Limpadora	C.S. Matamá	Limpeza	Tarde	1
Limpadora	C.S. Navia	Limpeza	Tarde	1
Limpadora	E.A. Taboada Leal-Primaria	Limpeza	Mañá	1
Limpadora	E.A. Taboada Leal-Primaria	Limpeza	Tarde	1
Limpadora	C.S. Panxón	Limpeza	Tarde	1
Limpadora	C.S. Salceda	Limpeza	Mañá	1
Limpadora	C.S. Salceda	Limpeza	Tarde	1
Limpadora	C.S. Gondomar	Limpeza	Tarde	1
Limpadora	Arquivo Rebullón	Limpeza	Tarde	1
Limpadora	C.S. Mos	Limpeza	Tarde	1
Limpadora	Almacén Chapela	Limpeza	Tarde	1
Limpadora	C.S. Bouzas	Limpeza	Tarde	1

c) Outros:

Categoría	Centro	Servizo	Quenda	Servizos mínimos
Vixilantes seguridade	H.A. Cunqueiro	Seguridade	Mañá	4
Vixilantes seguridade	H.A. Cunqueiro	Seguridade	Tarde	4
Vixilantes seguridade	H.A. Cunqueiro	Seguridade	Noite	3
Vixilantes seguridade	H. Meixoeiro	Seguridade	Mañá	2
Vixilantes seguridade	H. Meixoeiro	Seguridade	Tarde	2
Vixilantes seguridade	H. Meixoeiro	Seguridade	Noite	2
Vixilantes seguridade	H. N. Peña	Seguridade	Mañá	1
Vixilantes seguridade	H. N. Peña	Seguridade	Tarde	1
Vixilantes seguridade	H. N. Peña	Seguridade	Noite	1
Condutores/as	Xerencia	Tte. Esterilización	Mañá	1
Condutores/as	Xerencia	Tte. Esterilización	Tarde	1
Condutores/as	Xerencia	Tte. Esterilización	Noite	1
Condutores/as	Xerencia	Tte. Externo	Mañá	1
Condutores/as	Xerencia	Tte. Externo	Tarde	1
Condutores/as	Xerencia	Tte. Externo	Noite	1
Condutores/as	Xerencia	Tte. de Persoal	Mañá	1
Peón lavandaría e lenzaría	H.A. Cunqueiro	Lavandaría/lenzaría	Mañá	4
Peón lavandaría e lenzaría	H.A. Cunqueiro	Lavandaría/lenzaría	Tarde	2
Peón lavandaría e lenzaría	H.A. Cunqueiro	Lavandaría/lenzaría	Noite	1
Peón lavandaría e lenzaría	H. N. Peña	Lavandaría/lenzaría	Mañá	1
Peón lavandaría e lenzaría	H. Meixoeiro	Lavandaría/lenzaría	Mañá	3
Peón lavandaría e lenzaría	H. Meixoeiro	Lavandaría/lenzaría	Tarde	1
Condutor	H. Meixoeiro	Lavandaría	Mañá	1
Operario produción lavandaría	H. Meixoeiro	Lavandaría	Mañá	25
Técnico mantemento lavandaría	H. Meixoeiro	Lavandaría	Mañá	1
Condutor	Transporte mostras	Transporte mostras	Mañá	8
Condutor	Transporte farmacia	Transporte farmacia	Mañá	1
Condutor	Lavandaría	Lavandaría	Mañá	1
Cátering/transporte	Cátering/transporte	Servizo PAC de Vigo	Tarde	1

d) Transporte sanitario contratado:

	Servizos mínimos
	Mañá	Tarde	Noite
Transporte sanitario contratado	35	29	3

– Fundación Pública Urxencias Sanitarias de Galicia-061.

	Servizos mínimos
	Mañá	Tarde	Noite
Médico/a asistencial de base simple - 061	3	3	3
Enfermeiro/a de base simple - 061	5	5	3

– Axencia Galega de Sangue, Órganos e Tecidos.

	Servizos mínimos
	Mañá	Tarde	Noite
Persoal facultativo
Médico/a hemodoazón	3	2	-
Persoal sanitario non facultativo
Hemodoazón	5	3	-
Persoal non sanitario
Hemodoazón	2	1	-

– Galaria, Empresa Pública de Servizos Sanitarios, S.A.

Localidade	Servizo	Categoría	Mañá	Tarde	Noite
Vigo	Diagnóstico por Imaxe unidade móbil	Facultativo/a	1	-	-
		Enfermeiro/a	3	-	-
		Técnico/a especialista	3	-	-
		PSX/celador/a	1	-	-
	Estrutura Administrativa	Persoal administración	1	-	-
	Medicina Nuclear-PET	Facultativo/a	1	2	-
		Enfermeiro/a	2	2	-
		Técnico/a especialista	1	3	-
		TCAE	-	-	-
		PSX/celador/a	1	1	-
	Oncoloxía Radioterápica	Facultativo/a	3	2	1
		Enfermeiro/a	2	1	1
		Técnico/a especialista	8	6	6
		TCAE	2	1	-
		PSX/celador/a	2	1	1
	Radiofísica	Facultativo/a	3	1	1
		Técnico/a especialista	2	1	-