O artigo 15.2 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro), impón ás consellerías e demais entidades integrantes do sector público autonómico de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Darlle publicidade á relación dos convenios subscritos pola Secretaría Xeral da Igualdade nos meses de xaneiro a abril do ano 2022 que se incorpora como anexo a esta resolución.
Santiago de Compostela, 5 de maio de 2022
Susana López Abella
Secretaria xeral da Igualdade
ANEXO
Convenios de colaboración subscritos pola Consellería de Emprego e Igualdade (Secretaría Xeral da Igualdade) nos meses de xaneiro,
febreiro, marzo e abril do ano 2022
Convenio |
Data de sinatura |
Importe total |
Convenio de colaboración entre a Consellería de Emprego e Igualdade e a entidade Cruz Vermella para o desenvolvemento e a execución dun programa de formación e inserción para mulleres vítimas de violencia de xénero ou de trata e explotación sexual con compromiso de contratación. Plan de recuperación, transformación e resiliencia-financiado pola Unión Europea-NextGenerationEU |
29.3.2022 |
560.000 |